2016年6月27日 星期一

【台灣、高雄】[高雄美食推介]秝芯旅店的伸延周邊美食(老爺麵線、七賢鴨肉飯、野村碳火燒烤、武藏燒烤、陋巷居、幽靈香腸)

上回我地介紹過秝芯旅店(http://tungbama.blogspot.hk/2016/06/friendly.html),覺得真係好值得推介,因為我地住得多,所以連帶佢附近的地方我地都認識唔少,特別係地道的美食、小店。我地由香港遠道而來,一定要試下當地人的食店,咁先有風味,感受最深。

如果你認為自己已經食厭左六合夜市,又或者真係好似跟我住秝芯旅店,不妨可以試下!





秝花旅店的附近

「老爺麵線」(高雄市前金區明星街142號)

沒騙你的!招牌上「炸黑輪、臭豆腐、麵線」,小店就只賣這三種食物,食過返尋味!只開日頭,約下午五時關門,要食趁早。


臭豆腐 - 真的很臭,但這才對辦!比六合夜市的任何一檔更好!而且又不會炸到像豆腐乾,,結果我們要再ENCORE!!第一次去買,店員阿姨給醬料我們去調,,,,,,,
第一袋清哂袋,第二次落去買,店員阿姨說幫我們調,試試她的手勢,哈哈,真熱情!
炸黑輪 - 就是平日關東煮的魚蛋再來炸,偏實,反而更加有口感!
老爺麵線 - 整個麵線做得很糊,加上豬肉、魚漿做的肉,可能沒有大腸,老婆還是喜歡台北西門町的阿宗麵線

「七賢鴨肉飯」(台灣高雄市前金區七賢二路220號

七賢路上出名食店,也是網絡人氣爆燈的「七賢鴨肉飯」,非常地道,簡樸。「七賢」一名只因是在七賢路上,「招牌鴨肉飯」-堂食30、外帶50!堂食反而比外賣帶走貴,似乎坐下來吃是比較划算 XP


位置在酒店門口轉右,一直走到街尾的7-11,店子就在對面!



鴨肉唔「刃」,食落無渣,驚喜反而係果幾片薑,真係好好食、好新鮮,唔係辣果種!! 「一啖油飯 + 鴨肉 + 一片薑」,好正~


「野村碳火燒烤」(台灣高雄市前金區中華三路213號)

台灣連鎖燒烤店,放題任食!為返都係$200港紙一位,真係用炭火爐自己燒,類似香港既任飲任食。種類就不同的肉類到豬大腸都有得燒、海鮮如扇貝、蝦都有,另外也有日式熟食,如炒飯、手卷、麵鼓湯等。


不同時段有不同收費
一個炭爐、一個火鍋、仲有一個放骨的竹籮..
一開始,店員會示範教我地點燒,所以我好留心睇同聽....秘訣:「燒左一邊出水就可以翻轉」
旁邊的冰係可以在你無野燒果陣來降溫
真係好吸引
我地一開始唔知叫咩好,於是我請店員幫我地決定,結果成檯都係食物,唔緊要,因為好好味,我地最後都食哂!呢度服務好好,點完蝦,送上來時,店員會在你面前剝蝦殼,很貼心。
肉真係好好味,好新鮮,最神奇係食左好多,都唔覺好多油同埋肥膩感。最令我地驚訝既係,食完之後,全身都無一陣油煙味
甜品有台灣當地既雪糕,,完美句號
之後幾次來高雄,都帶了朋友來試,今次到 Janice二人,個個都話正!

「武藏燒烤」(高雄市前金區七賢二路187號)

小店,大約50個座位左右,地方唔大,所以經常full booking,食物選擇雖然比「野村」少,但質素高,同樣放題任食,價錢亦只係$200港紙一位,




食物種類唔多,但就好高質,D烤肉真係好好味,有肉汁的!

安格斯牛肉,附上剪刀,勁!! 
優質里肌
大家食烤肉記得一定要用生菜夾肉食,否則會好快滯住食唔落。


「陋巷居」(高雄市前金區七賢二路167號)


從名字看不出來是一間食店,而且食的是地道台灣麵,我知道佢至少有兩個湯底配不同的麵,「牛肉湯」和「清湯」。價錢唔貴,而且受本地人及附近街坊幫襯。另可以外帶返酒店食,一流!



左手邊係紅燒牛肉麵,右手邊係清燉牛肉麵

「幽靈香腸」


先看看以下報導
https://www.youtube.com/watch?v=yURutCOxlY8

https://www.google.com.hk/search?q=幽靈香腸&oq=幽靈香腸&aqs=chrome..69i57j0l5.1018j0j8&sourceid=chrome&es_sm=93&ie=UTF-8


幽靈香腸一直很糾結我,我是極好香腸的「香腸怪」,最意想不到原來這個攤子在秝芯酒店附近,在網上看過資料,做好搜集,就出發去了。

原來謎之香腸,在「三鳳宮」前,大約15分鐘路程,只會凌晨1200後才開的攤檔,就只賣香腸一樣,唔知係咪比個名影響,就是好吃!

不過呢間「大腸包小腸」真係要必食,大家平時食得多,但呢一間會加入蒜片同薑片,再加上腸仔有炭火燒的味道,真係無得頂!係我去過台灣咁多次,最好味既一間「大腸包小腸」,如果住秝芯,幾乎晚晚去食! 



成兩點幾都未瞓,就係為左佢既香腸
我覺得台灣最好味既一間「大腸包小腸」



2016年6月16日 星期四

【台灣、高雄】[高雄酒店推介]非常friendly的親子酒店 - 秝芯旅店

自從瞳瞳一齊去旅行,少不了所有行程安排都要兼顧佢,瞳瞳爸爸就覺得行程當中「酒店」一項係至為重要:以前兩口子,更差的住宿都可以捱過去,但有了小朋友,就梗係唔想佢辛苦,而且係玩哂行程之後,係一個好好「叉電」的地方,如果小朋友瞓得唔好,精神唔夠,會好容易病倒,咁個旅行大人細路都會好辛苦啦。

秝芯旅店可供免費租借的單車(限3小時)


揀酒店不外乎「乾淨」、「企理」,如果要達到更高層次的「親子」理念,酒店的設施或者服務都會配合小孩子的需要,令到爸媽感到更貼心。高雄 - 成日被朋友們嘲笑我經常嚟,好似「返鄉下」咁。係!我都承認高雄係第三最愛(老婆係隔離睇住我打緊咩喎.....),消費唔高,交通又方便,係一個放空休息的好地方!


認識秝芯旅店,在台灣朋友Ann Cheng(台灣NO.1親子網睡天使醒惡魔)大力推介,台灣的行程都交託了她,瞳瞳爸爸都想親身試試看,看看真的有多好...........



秝芯旅店的位置
秝芯旅店的位置

秝芯旅店位於高雄六合夜市附近,由「捷運美麗島站」1或11號出口行過去大約15分鐘,如果你地有行李,可以先打電話比酒店安排免費私家車在捷運站等你,然後再去酒店,車程只係2-3分鐘。


如果自駕遊,酒店門前就有露天停車場,記得事先和酒店預約好!



秝芯旅店外貌,十分醒目
旅店的大堂

一個好簡潔的大堂,服務人員非常有禮,而且可以幫大家代訂高雄各大景點的門票或是安排去墾丁等地的包車服務。瞳瞳爸爸見過佢地連外國英文遊客(估計來自星馬)甚至日本人日語都應付自如,抵讚!

大堂有免費單車、雨傘可借用,住客可以寄存行李,還可以安排接駁車到捷運站。還有一部XBOX 360比大家玩,瞳瞳至愛打保齡球遊戲!


不得不提有一次我地已經check out房間,把行李寄存以後打算下午回來再取,當日竟然下起大雨,我們全部人都濕透,職員連忙取來紙巾和風筒給我們弄乾身體,非常感動,說真的,其實我們已經check out了,大可不用理會我們,但他們真的很好人,令我們很感動!



大堂的坐椅
 
XBOX 360
有免費單車借,每次三小時~
 
旅店的房間及設施

秝芯旅店有洗衣樓層,提供洗衣機及乾衣機,供住客免費使用,特別夏天果陣,幫我地一家人解決了「無衫著」的危機。XP


在酒店的走廊、電梯,以至去入到房間,都比好多繽紛的卡通公仔包圍,令到自己都加添幾分童真!而酒店亦會不定時會翻新圖案,下次再來的時候可能又有不同新意!

走廊的公仔,車卡主題
飲水機(部份樓層)
估一下係咪黎既?
白免跟狐狸拉開。。。。原來係電梯

旅店陪我們長大

第一次,2013/8月

2014/6月


2014/8月


2015/5月



2015/11月,爺爺也來到台灣
房間設備同其他酒店所提供的也差唔多,風筒、TV等等,講D比較特別啦,佢提供一條快乾手巾,好好用,小朋友啱哂!而且呢度每間房都提供杯麵同汽水,都係唔駛錢,有時候照顧小朋友,真係行唔開架,咁而家父母可以唔駛落街便利店都搵到野食!







房間有分淋浴同浴缸,如果年紀小的BABY,可以預先向酒店借「浴盤」,還細心得連父母幫小朋友沖涼的「矮凳」都安排好!




baby用的「浴盤」和「矮凳」

秝花旅店的早餐

一大早起身,食個早餐先,餐廳位置在地庫(B1),早餐供應時間0700-1000,絕對唔係香港果種「早餐至1100/1200」的慨念。旅館早餐不俗,選擇多,由多士、粥、魯肉飯、水果、沙律、火腿、香腸等等都有!早餐黎講真係無得輸,就算差不多到十點鐘,仍然不斷出餐,只怕招待客人不周,服務很好呢~在漂亮繪圖前吃早餐,心情也放輕鬆。餐廳提供BB高凳,方便年齡較細的小朋友。

吃飽後記得「入鄉隨俗」,在台灣要自行收盤及作廚餘分類啊!


早餐非常豐富




老婆特別喜歡台灣的廚餘分類,就由她負責收檯吧!
後話:原來我們來了秝花旅店已不下五六次(同時也麻煩Ann姐多次),我地去幾次高雄,九成都係住呢度,而家睇返相,發現旅店其實陪伴瞳瞳一齊長大,好搞笑~

記得有次瞳瞳生日,還有安排了小氣球的驚喜呢~ 


就在這麼好的旅店睡過夠飽!


「六合夜市」:步行去只係5-8分鐘。

「7-11便利店」:在旅店正門左手邊街口,「新盛門市」,我地最鍾意行,佢屬於「大7仔」,好多野賣,經常黎買飲品、零食、杯麵,最重要係佢可以代收「博客來」的訂單,我地好多時在香港透過「博客來」買書,之後選擇係呢間分店取貨。

「老爺麵線」:炸黑輪、臭豆腐、麵線,只賣三樣食物,食過返尋味!只開日頭,約下午五時關門,要食趁早。

「七賢鴨肉飯」:七賢路上出名食店,非常地道,簡樸,堂食反而比外賣帶走貴 XP

「野村碳火燒烤」:台灣連鎖燒烤店,放題任食!為返都係$200港紙一位,真係用炭火爐自己燒。

「武藏燒烤」:小店,但經常full booking,選擇雖然比「野村」少,但食物質素高,同樣放題任食,價錢亦只係$200港紙一位

「陋巷居」:地道台灣麵首選,可以外帶返酒店食,一流!

「幽靈香腸」:謎之香腸,在「三鳳宮」前,大約15分鐘路程,只會凌晨1200後才開的攤檔,就只賣香腸一樣,唔知係咪比個名影響,就是好吃!



有用資料: 

1. 秝芯旅店


地址:高雄市前金區新盛一街55號
電話:886-7-2877766