 |
| 多啦A夢大長篇：大雄的恐龍 |
「人人期望可達到
我的快樂比天高
人人如意開心歡笑
跳進美夢尋獲美好
爬進奇妙口袋裡
你的希望必得到
離奇神化不可思議
心中一想就得到
想小鳥伴你飛舞，雲外看琴譜
「你睇，叮噹嚟啦」
叮噹啊，誰都喜歡你，小貓也自豪
叮噹啊，誰都喜歡你，小貓也自豪」
今日行程，要一次過玩哂：藤子·F·不二雄博物館＋Sanrio Puroland
瞳瞳爸爸和媽媽是土生土長的香港人，從小就係香港受到不同地方文化影響，當中以日本文化影響最深，以前我地睇既卡通片，大部份係來自日本，而且真係好入屋，由細個既＜叮噹＞、＜Q太郎＞、＜足球小將＞，中段時期既＜咕嚕咕嚕魔法陣＞、＜魔神英雄傳＞、＜忍者亂太郎＞，到後期的＜櫻桃小丸子＞、＜我們這一家＞等等，仲有好多日本漫畫、動漫、不同的日劇、日式百貨公司等等，係瞳瞳爸爸呢一代受到好大衝擊，對日本潮流有好大興趣。
小時候的事我寧捨有記憶，細個放學趕返屋企就係為左睇4:30播的卡通片，咁多套卡通片之中瞳瞳爸爸最深刻印象係「叮噹」(而家叫做多啦A夢)，因為故事結構短，短短半小時可以睇兩個故事，而且叮噹的法寶非常吸引，故事天馬行空，又好笑，我估當時好多小朋友都希望有「叮噹」係身邊守護住，唔駛比人蝦～ XP
「叮噹」真係歷久不衰，就算今時今日我地同瞳瞳都有上Youtube睇，一家人仲睇得好開心！
講起叮噹，不得不提佢既作者藤子·F·不二雄，其實佢除左叮噹之外，仲有幾套好出名的卡通作品，如：＜Q太郎＞、＜奇天烈百科全書＞、＜外星曚查查＞、＜神奇小子＞等等，所以瞳瞳爸爸決定要去一次「藤子·F·不二雄博物館」，一圓兒時夢想！好期待啊！Ps: 不過可能因為叮噹比較爆紅，所以好多人誤將博物館叫做多啦A夢博物館。)
如何買票+教學
！！！！！首先，藤子·F·不二雄博物館不設現場售票！！！！！
網上有好多方法教既，瞳瞳爸爸就又想簡單之餘、又想穩陣有票，於是去找網上代售：https://www.hopetrip.com.hk
藤子·F·不二雄博物館的入場時間，一日只有4場，分別係：1000、1200、1400、1600，千其千其千其唔好遲到！因為一遲到，日本人就真係唔俾你入架啦！
我買＜電子票＞，揀好時間之後，在網上完成付款，隔日在Email box收到確認郵件，入面附上拎票方法(PDF檔)，記得print出嚟帶去旅行。去到日本，搵LAWSON便利店，入面會有一部叫Loppi的機(如下圖)，之後拎返香港print好的PDF檔案，step by step咁輸入資料，成功後就會出一張長長好似收條據咁既紙，拎去收銀處比店員，就會比入場劵你架啦！
1. 上網預訂及付款 ＞ 2. 收到確認郵件及print out PDF 檔 ＞ 3. 到日本，搵LAWSON便利店的Loppi機 ＞ 4. 按照香港print out的文件step by step入機 ＞ 5. 成功後會有收據印出，交比店員拎入場劵
如果熟悉日文的朋友，可以直接在Loppi機度買入場劵，但唯一風險係心水日子同時間未必有，因為已售罄。
 |
| LAWSON便利店入面會有一部叫Loppi的機，專門處理景點售票事宜 |
 |
| 搞掂！成功拎到入場劵！ |
新宿＞登戶駅＞「藤子·F·不二雄博物館」接駁巴士
藤子‧F‧不二雄博物館位於川崎市多摩區登戶，呢度唔係東京市內，屬於附近的小城鎮。我地由新宿出發，搭小田急線列車，直接到登戶駅，車程約20分鐘。到達登戶駅，在「往巴士站」的出口離開，一眼就望到「藤子·F·不二雄博物館」的接駁巴士，巴士披上多啦A夢卡通公仔，好搶眼好易認！巴士車資大人210 yen，6-12歲小朋友110 yen，巴士車廂內的落車鐘、扶手、坐椅等等都印有多啦A夢的卡通人物，車長一面開車，一面用日文介紹風景，瞳瞳爸爸就唔太聽得明，但就懂得投入跟當地人左睇右睇，終於在一條小橋上發現多啦A夢的影子，我估其實佢想說明登戶市同多啦A夢關係非常密切，已融入當地生活之中。
巴士經過登戶市的大街小巷，大約10分鐘車程就到博物館。
 |
| 小田急電鐵的小田急線，20分鐘到登戶駅 |
 |
| 抵達登戶駅 |
 |
| 出閘後向「往巴士站」出口，其實在樓梯位已經見到博物館接駁巴士 |
 |
| 巴士站，巴士站後方就是登戶駅，好近 |
 |
| 好得意的排隊腳印，係邊個一齊上車呢? |
 |
| 車上有得意的多啦A夢裝飾 |
 |
你找到多啦A夢嘛？ |
藤子·F·不二雄博物館
大家要知道，多啦A夢佔博物館的比例是九成，其他漫畫才佔一成。
在藤子·F·不二雄博物館下車後，會由工作人員引導去排隊入場，工作人員的打扮都很像漫畫內的科幻角色，排隊期間已經可以透過櫥窗睇到由模型重新塑造的多啦A夢各種法寶，如時間布、美食枱布等。大約等了15分鐘，到我們真正進入館內。
每次入館的人數大約20-30人左右，工作人員先介紹館內設施及規矩，之後可以到服務台借用「導覽器」，「導覽器」提供日文、英語、國語及韓文5種選擇，免費借用，每當去到一個「景點」時，只要按下號碼，就能收聽有關介紹。
 |
| 工作人員的打扮都很像漫畫內的科幻角色 |
 |
| 排隊入場 |
 |
| 多啦A夢最喜愛食的豆沙包 |
 |
記憶麵包 |
 |
| 記得到服務台借用「導覽器」，我地揀左「國語」，免費借用，當去到一個「景點」時，只要按下號碼，就可以收聽有關介紹。 |
第一個展覽館係睇藤子·F·不二雄先生的手稿，由最初的六十年代手稿都有，另一邊就用投影的方法去介紹一篇漫畫由零開始到線條到上色的過程，呢個好好睇，絕對不容錯過，但就不可拍攝，所以大家都好乖，細細欣賞。如果去到某些位置係不可拍照，在入門前會有工作人員提示，大家可以放心。
之後去到另一個館，就係睇已完成的漫畫稿件，而且係作者藤子·F·不二雄先生的所有漫畫作品，介紹佢每個故事的大綱，原來就算同一個故事，不同年代的風格亦有不同，大家可以回味一番。
 |
| 留意一下呢篇＜樵夫之泉＞，下文會有關係 |
我地睇完手稿，中途會經過一個玻璃門，可以走出戶外，呢個係多啦A夢漫畫入面其中一篇「樵夫之泉」。我地要用手攪佢上來，就會見到「靚仔版技安」，大約維持5秒左右又沉返落去架啦～影相就要好好把握機會！
 |
| 多啦A夢法寶：樵夫之泉 |
之後我地會經過藤子·F·不二雄先生的模擬辦公室(好似唔俾影相)，再穿過隨意門，就到博物館大廳啦！呢度有櫃位負責「回收」「導覽器」，記得交還。呢個大廳主要分3部份：
1. 有一個小型電影院，約100個座位，播放一段多啦A夢卡通，大約15分鐘，排隊入場，但要留意是日文版。
2. 中間放置了幾部大型扭蛋機同遊戲機比小朋友玩。
3. 有一個兒童遊戲室同書架：兒童遊戲室擺放了不同的多啦A夢「道具」，拍照一流！書架上擺滿多啦A夢的漫畫，大家可以隨意翻閱。
 |
| 多啦A夢法寶：隨意門 |
 |
| 巨型扭蛋機 |
 |
| 不妨留意細節，會見到胖虎放風箏 |
 |
| 多啦A夢法寶：如果電話亭 |
 |
| 考眼力，搵到瞳瞳嘛？ |
兒童遊戲室
 |
| 多啦A夢法寶：縮小隧道 |
 |
| 多啦A夢法寶：聲音凝固劑～哎呀！ |
 |
| 圖書架上放滿多啦A夢的漫畫，大家可以隨時揭揭看 |
跟住指示，行出去戶外的公園，會有更多道具擺設，仲有多啦A夢一眾主角成日出現的「三條水管空地」，旁邊有一間小型精品店叫「藤子屋」，呢間的精品同在出口的精品店會有不同，食物類的手信會比較多，例如豆沙包、記憶麵包(多士)等等，如果睇啱就要買定啦！唔講咁多，大家睇下我地影既相啦！
 |
| 多啦A夢法寶：隨意門 |
|
| 多啦A夢大長篇：大雄的恐龍 |
 |
| 多啦A夢一眾主角經常去玩的場景：三支水管空地 |
 |
| 我都爬得過～哈哈～ |
 |
| 多啦A夢的妹妹～多啦美 |
 | ||
不妨留意一下角落處，其中一個多啦A夢大長篇，月光出現時多啦A夢變成石頭，未來的佢正找現在的佢求救～
 |
 |
| 瞳瞳一家同Q太郎合照 |
 |
| 神奇小子同大家揮手 |
 |
| 奇天烈百科全書 |
 |
| 由戶外平台公園遠望出去登戶市，原來就係多啦A夢誕生之地 |
 |
| 「藤子屋」的產品介紹 |
 |
| 戶外公園旁邊的小精品店：藤子屋 |
 |
 |
| 多啦A夢法寶：記憶麵包(真的可以食) |
在3/F位置仲有間主題Cafe，食物都係以卡通人物作為賣點，並且會根據時令而轉餐牌，所以大家出發之前不妨留意一下：http://fujiko-museum.com/cafe/
我地想試既時侯，正正就係中午Lunch time，好多人等緊位，再加上我地下午要去另一個樂園：Sanrio Puroland，所以真係等唔切，唯有放棄吧！
有用資料:
差不多到尾聲了，最後會經過博物館精品店，多啦A夢Fans絕對不容錯過！我最欣賞係「竹蜻蜓」髮夾，真係好搞笑！！仲有胖虎CD，嘩！想嚇死人咩？其實係朱古力來的！哈哈～都係果句啦，精品店90%係多啦A夢的產品，餘下10%就係其他藤子·F·不二雄的故事卡通人物啦～呢度可以信用卡付款，所以如果買得多，用信用卡俾錢、日元現金留返旁身會較划算！
 |
| 我最欣賞「竹蜻蜓」髮夾，好搞笑！ |
 |
| 胖虎經常迫大家買的CD啊。。。。 |
 |
| 。。。。原來係朱古力呢～ |
 |
| 搭巴士離開藤子·F·不二雄博物館，再見了！多啦A夢！ |
大家預行程約兩個小時左右(不計Lunch)，博物館的出口其實亦是本身入口的地方，就係呢度搭返接駁巴士返回登戶站，我地下一個行程就係去多摩市的Sanrio Puroland，基本上兩個樂園都在一條鐵路線上，上半天行登戶的藤子·F·不二雄博物館，下半天再行多摩市的Sanrio Puroland，時間是足夠的，你再按自己喜好，再分配兩個樂園逗留時間的長短。
瞳瞳爸爸就建議家長不妨上午先行藤子·F·不二雄博物館，而且要訂最早的一場(10:00)，因為博物館地方有限，行兩個小時就夠，然後在博物館買小朋友喜愛的豆沙包當輕食，坐20分鐘左右火車，就已經到多摩市的Sanrio Puroland，樂園門口有一個商場，很多食肆可以用餐，之後就入場Sanrio Puroland，一直玩到關門就最抵啦！
1. 藤子·F·不二雄博物館
電話：0570-055-245
地址：川崎市，神奈川縣多摩區，長史，2丁目8號1號
交通方法：小田急線登戶駅，再轉接駁巴士
開放時間：10:00-1800 (一日只有4場：1000、1200、1400、1600)，逢星期二休息。
門票售價：
成人1000yen
高中，初中學生700yen
兒童(4歲或以上)500yen
※3歲是免費的。
※以上價格包括了所有的稅。
售票方法：可於香港代訂或直接在Lawson便利店用Loppi機購買
延伸閱讀：
2016聖誕節 東京+草津溫泉 七日六夜卡通親子遊 (準備篇)
2016東京+草津溫泉7日6夜聖誕卡通親子遊～「Day1 5之1：將更好的帶上雲霄：香港航空」
http://tungbama.blogspot.hk/2017/02/2016.html2016東京+草津溫泉7日6夜聖誕卡通親子遊～「Day1 5之2：成田機場買「JR東京廣域周遊券」及乘坐成田N'EX到新宿」
http://tungbama.blogspot.hk/2017/02/201676day1-52jrnex.html
2016東京+草津溫泉7日6夜聖誕卡通親子遊～「Day1 5之3：新宿站6分鐘、交通便利、早餐非常豐富：新宿燦路都廣場大飯店」
2016東京+草津溫泉7日6夜聖誕卡通親子遊～「Day1 5之4：新宿站先取未來兩天車票＞無添くら寿司@池袋＞歷史悠久的「上野動物園」」
http://tungbama.blogspot.hk/2017/02/201676day1-54.html
2016東京+草津溫泉7日6夜聖誕卡通親子遊～「Day1 5之5：暖暖聖誕牛角燒肉放題＞期間限定的溫馨浪漫燈飾＞日本剪髮初體驗」
2016東京+草津溫泉7日6夜聖誕卡通親子遊～「Day2 3之1：出發去全日本排行第一溫泉～必食好味的火車弁當＞新宿到草津溫泉交通攻略」
2016東京+草津溫泉7日6夜聖誕卡通親子遊～「Day2 3之2：全日本第一溫泉：「草津溫泉」+溫泉旅館 大阪屋（一泊兩食）」
2016東京+草津溫泉7日6夜聖誕卡通親子遊～「Day2 3之3：吾妻燒肉＞草津溫泉傳統文化體驗：揉湯＞漫步草津溫泉街、光泉寺、美食」
http://tungbama.blogspot.hk/2017/03/201676day2-33.html
2016東京+草津溫泉7日6夜聖誕卡通親子遊～「Day3 2之1 溫泉旅館＞JR巴士到長野原草津口駅＞高崎駅＞輕井澤王子OUTLET」
http://tungbama.blogspot.hk/2017/03/201676day3-21-jroutlet.html
2016東京+草津溫泉7日6夜聖誕卡通親子遊～「Day3 2之2 輕井澤駅巧遇火車迷慕名弁當＞新宿晚餐：日本麥當勞＞宵夜：日本特色～屋台拉麵」
http://tungbama.blogspot.hk/2017/03/201676day3-22.html
2016東京+草津溫泉7日6夜聖誕卡通親子遊～「Day4 2之1：人人期望可達到～藤子·F·不二雄博物館(多啦A夢全面睇)」
2016東京+草津溫泉7日6夜聖誕卡通親子遊～「Day4 2之2：日本平價門票專賣店-「大黑屋」介紹、為Ahiru No Pekkle而來，玩盡Sanrio Puroland+多摩市100yen店超好買+遇上地震經歷」
http://tungbama.blogspot.hk/2017/04/201676day4-22ahiru-no-pekklesanrio.html
2016東京+草津溫泉7日6夜聖誕卡通親子遊～「Day5：東京迪士尼樂園」
2016東京+草津溫泉7日6夜聖誕卡通親子遊～「Day6：新宿站周邊散策-Yodobashi、和幸豬扒、博多天神拉麵、磯丸水產」
http://tungbama.blogspot.hk/2017/05/201676day6-yodobashi.html
2016東京+草津溫泉7日6夜聖誕卡通親子遊～「Day7：利木津巴士到東京成田機場」
http://tungbama.blogspot.hk/2017/05/201676day7.html
