2020年1月22日 星期三

【日本、那須鹽原】親子5日4夜自駕賞雪之旅~「那須平成之森」一家人終於成功遇上落雪!


好多時候我地去旅行,講求「天時、地利、人和」,今次行程正正就實踐呢一環,呢一篇係想同大家分享遇上落雪的喜悅.~~~~~~~~~~~~

1100左右,我地正準備離開溫泉旅館「星のあかり」之際,天上就降下一粒一粒的小雪花,我就建議瞳祈媽媽不如趁有時間上山搏一搏,帶兩個小朋友同你去睇下有無更大的雪。




於是我再一次沿車路上山,今次設定嘅目的地同樣係「MT.JEANS那須」滑雪場,同樣經過「殺生石」,途中雪越落越大,終於連水撥都要開動了,兩邊的積雪亦越來越多,車子的雪軚亦開始發揮功效,一直平穩地向上走。

我就著手搵地方停車,好讓佢地感受雪同玩雪.............呢個時候,我見到路邊有個面積好大的停車場,於是停車下去走走。


一落車已經係漫天風雪,大家超開心啦!



大家成頭都係雪呀!






可惜豬小B大人在暖暖的車廂入面瞓覺ZZZzzz,睇唔到呢一幕雪景,要找個機會補償佢先

我地就在停車場附近走走,不敢離開車子太遠


走出一條雪印路


路邊的植物都舗上雪

在停車場一角見到一塊石碑,原來呢個地方叫「日光國立公園 - 那須平成之森」,附近地方有日本皇室所建的別墅(Nasu Imperial Villa 建於1923年),是昭和天皇(當時的皇太子殿下)結婚後休養的地方。後來皇室將部份土地釋出,經過5年時間的生態調查後,發現森林具有豐富多樣的自然環境,也有許多動植物品種,包括稀有物種在內,都在棲息並生長。

後面大屋,其實係一個類似自然中心的地方,不過我地見落車呢十幾廿分鐘都唔見有人,屋內一片漆黑,所以就無入去探訪啦!

走了一個圈回到車上,車頂已經舗上一層薄薄的雪


車門扶手也是

謝謝上天給我一個雪駕之旅

最開心就係見到老婆同阿囡咁開心,今次真係見到落雪啦!東京市郊睇雪都真係好講求「運氣」,我地之前幾次去過東京郊區一帶,如草津、輕井澤等等,都只見到積雪而不見落雪。今次除咗我地揀的地方「那須鹽原」係比較北面之外,上山去高原地方都係一個可以今次遇上落雪的原因。





2020年1月20日 星期一

【日本、那須鹽原】親子5日4夜自駕賞雪之旅~全店只有13間客房,擁有私人風呂的「星のあかり」



離開滑雪場,瘋狂了一輪,落返山腳,到我地在那須鹽原第二晚的住宿地方:「星のあかり‵」

我們之前亦曾經住過日本溫泉旅館,這是我們一家人入住的第三間溫泉旅館,亦係豬小B第一次的溫泉體驗~

「星のあかり‵」位於那須高原的山腳,最大的記認就係路口有一間好大的7-11,我地由滑雪場玩完雪落山,經過7-11就入去買下熱食、關東煮等等,日本的便利店食物味道不錯的!我地順便買少少飲品,為今晚入住做好準備。






「星のあかり」利用車上的GPS都搵得到。首先我地佢要經過一段彎彎曲曲的山路,每個小路口都有佢自已設立的小路牌,慢慢行就可以找到。


門口備有免費停車場,將車子泊好,準備好好享受我地兩日一夜的溫泉之旅




甫進入,同大多數的溫泉旅館一樣,先換上拖鞋入內,而我地日常著的鞋,會由前台保管。呢度連小朋友,甚至豬小B的size都有,真的十分貼心。

大堂地方十分大,又夠採光,職員引領我地行去梳化位置稍為休息一下,並辦理入住手續。

等候辦理入住手續期間為我地奉上的點心~

上房前先挑選自已喜歡花紋、顏色的浴衣,同樣有不同size選擇~

全個旅館只有13間客房,亦即是店家一晚最多只可以招呼13組的客人,所以一D都唔擠擁,非常享受慢活感覺。

客房分佈兩層,1字頭係地下,2字樓係二樓,一樓的露天浴池俯瞰著花園和周圍的綠地,而二樓的露天浴池則俯瞰著關東平原和那須山脈。今次我地獲分配係「201星雲」房間。

呢個就係我地的「201星雲」房,地方夠大。房間有齊洗手間、電視、保險箱、小冰箱、水壺、風筒、冷暖氣、茶具。。。。。。。


旅館內的備有浴巾,毛巾,牙刷套件等提供,而且仲係日本殿堂級牌子「POLA」



最重要的一刻嚟啦,就係參觀我地在露台的私人溫泉風呂啦~

我地房間係二樓,景觀亦比較開揚,無揀錯呀!呢度客房提供四種不同類型的露天浴池,有「檜」(木造池)、「赤御影」(類似雲石)、「信樂」(陶製)及我地呢一間「岩」,用岩石砌的風呂!

客房私人露天浴池泉質:「碳酸氫鈉/硫酸鹽彈簧」
功效:神經痛、肌肉痛、關節痛、五十肩、運動麻痺、關節僵硬、跌打損傷、扭傷、慢性消化系統疾病、痔瘡、寒冷、疲勞恢復、健康促進、割傷、燒傷、慢性皮膚病、慢性婦科疾病。


除咗私人風呂,旅館一樣有公眾浴場,位於一樓,入面得一個室內浴池,地方不大,畢竟本來可招呼的人客就唔多,而公眾浴場功效同水質與房間的略有不同:
質量:硫磺彈簧
主治:慢性皮膚病,慢性婦科病,割傷,糖尿病,高血壓,動脈硬化

最估唔到,兩歲人仔豬小B幾受得熱,兩個池都浸到呀!仲好舒服添~
(來自官網)

大家嚟到,記得要泡足兩個溫泉水呀!

浸完大池,出面有個休息空間,中間擺放兩張免費電動按摩椅,任用,旁邊就有日本漫畫、棋子等等,我自己浸完大池,在按摩椅享受,不知不覺小睡了片刻ZZZZ




旅館闢了一個房間用來做兒童遊戲室,地方細細,正好俾兩姐弟放電~

當我地用完晚餐,返房間時候,職員已經幫我地轉好床舖

檯上還放了一盒「腐皮壽司」(日语:稲荷寿司)給我們做宵夜,真貼心!


我地玩呀玩,已經到晚餐時間,旅館訂下了1800及1900兩個用餐時間,我們要到旅館內的餐廳享用。
旅館的晚餐非常精緻,除了大人,我地都為兩個小朋友訂好兒童餐,人人有得食!

因為溫泉旅館叫「星のあかり」(中文譯作:星光),所以食物入面亦加入星星形狀作點綴

乾冰擺盆,陣陣煙霧,感覺好amazing!






紙包魚


石板燒的「和牛」同當地「那須牛」,職員吩咐我地十分鐘內要用啦!不然石板就會放涼,煎不到肉了~
邊隻牛肉比較好味?呢度就賣個關子,留給大家去試試!







連甜品都做得一絲不苛!好好味!




兒童晚餐都好正!兩個小朋友食得好滋味!







翌日早餐安排在同一餐廳同一張檯,一樣咁豐富!


乖女兒為我們添飯




日式溫泉旅館係一個體驗日本溫泉文化的好地方,「星のあかり」只有13間客房,可以讓你輕鬆地享受溫泉及館內設施,我最鍾意係佢有私人風呂,由房間走出露台就可以和家人一起浸溫泉,擁有私人的空間,抬頭望星星,而且又不受時間限制,任何時間都可以享用

我建議大家可以揀二樓房,景觀較開揚,不過留意旅館內沒有電梯,大型行李未必方便,不過既然大家揸車自駕,可以預先將在旅館當晚要用的衣服執成小行李落車就可以了。



有用資料: 

1. 星のあかり

地址:栃木県那須郡那須町湯本206-1120
電話:0288-53-6050 (0900-2000)