【日本、那須鹽原】親子5日4夜自駕賞雪之旅～零距離親親牧場動物：「千本松牧場」！

今日本來要帶小朋友到溫室摘士多啤梨，瞳祈爸爸我一早已經係網上搜集好幾個農場，set　好GPS，點知當日心水的果園關閉，工作人員指示我地去其他果園，卻讓我地一家遇上「千本松牧場」！

「千本松牧場」個名係咪好熟識呢？如果有跟開我地呢個Blog的朋友會記得，之前我地曾經介紹過：【日本、那須鹽原】親子5日4夜自駕賞雪之旅～完美演繹日式親子酒店Hotel Epinard Nasu ，當中的自助早餐，提供了當地三大牌子的牛奶，「千本松」就係其中一個啦！

那須千本松牧場位於栃木縣那須鹽原市，距東京約100分鐘路程，擁有相等於178個東京巨蛋的廣闊區域。牧場上大約有500頭乳牛，每天生產約8噸原奶。

我地開車去牧場，沿途感受一下那須的郊外氣氛

在微微的飄雪下，我地到達「千本松牧場」，門口就已經有個免費大停車場，泊車輕鬆！

牧場可以劃分成兩個園區，我地呢一邊尚且叫做牧場（下圖左手邊氣球附近的位置），可以同小動物接觸，入場費為大人200yen，小學生100yen，牧場沒有特別售票處，只在門口處擺放一個小膠箱，我們就自律把錢放入去就好了！

門口處有我地香港已經好難見到的禽鳥類，不過日本都好安全，大家唔會觸摸到～

入面最受小朋友歡迎就係「兔仔區」，呢個農舍入面大約有20-30隻兔仔，全部放哂出黎係比兔仔跑嚟跑去,小朋友可以近距離接觸佢地，甚至可以餵佢地同抱起佢地。

門口處有一碟碟蘿蔔可以餵小動物，100 yen一碟，也是自己投錢放在旁邊的小膠箱。
豬小B將手中的紅蘿蔔送給另一位日本靚女姐姐餵小白兔，逗得大家十分開心。

兔子更是可以抱上身，旁邊有介紹如何抱兔仔的方法：就係從後由兔仔後面夾起耳仔拎起就可以了，兔仔好乖。

其他地方的小動物，如牛、羊等等，如果准許入去的話，欄杆會有個門口同注意事項，由由於羊咩咩太過熱情，我地都係外圍餵食就算了。

大牛牛呀！

非常的熱情，我地還是乖乖留係外圍餵食算，哈哈～

當日本來我地有另一個活動，就係採摘士多啤梨，我地去到士多啤梨溫室，但係.........關閉了！原來牧場正正把士多啤梨溫室關閉，準備等待新一年元旦日一月一日給遊人去玩。

士多啤梨園對面，有個免費足浴溫泉，原來就係大名鼎鼎的千本松溫泉，我地即刻除鞋，浸下先，補償一下一家人摘唔到士多啤梨的遺憾。

其實「千本松牧場」仲有好多地方同其他遊樂設施可以玩，只不過當日我地落住雪同雨就無開放，入面亦有其他餐廳同用牧場牛奶造的雪糕，我都好想試，可惜無緣，因為大多數設施都暫停，根據官網講，設施係可以足足消磨一天的時間。

有用資料: 

1. 千本松牧場

地址：栃木県那須塩原市千本松799

電話：0120-36-1025

網頁：http://www.senbonmatsu.com/

營業時間：9：00-18：00（全年無休） 

【日本、那須鹽原】相關文章: 

1. 【日本、那須鹽原】香港人少到秘境，「那須鹽原」親子5日4夜自駕賞雪之旅～準備及介紹篇

2. 【日本、那須鹽原】香港人少到秘境，「那須鹽原」親子5日4夜自駕賞雪之旅～新手日本自駕租車無難度

3. 【日本、那須鹽原】親子5日4夜自駕賞雪之旅～完美演繹日式親子酒店Hotel Epinard Nasu

4. 【日本、那須鹽原】親子5日4夜自駕賞雪之旅～殺生石傳說+「MT.JEANS那須」滑雪場大玩雪兜

5.  【日本、那須鹽原】親子5日4夜自駕賞雪之旅～全店只有13間客房，擁有私人風呂的「星のあかり」

6. 【日本、那須鹽原】親子5日4夜自駕賞雪之旅～「那須平成之森」一家人終於成功遇上落雪！

7. 【日本、那須鹽原】親子5日4夜自駕賞雪之旅～零距離親親牧場動物：「千本松牧場」！

8. 【日本、那須鹽原】親子5日4夜自駕賞雪之旅～那須塩原駅五分鐘步行距離，優質經濟商務酒店：NASU Midcity hotel

9. 【日本、那須鹽原】親子5日4夜自駕賞雪之旅～超誇張，零食、超市、100円店、兒童樂園、加油站應有盡有～AEON TOWN BIG EXTRA

10.【日本、那須鹽原】親子5日4夜自駕賞雪之旅～終嘗一家人賞雪，恋人の聖地 那須高原展望台

(最後更新於23/12/2020)