瞳遊樂 (八十後香港家庭的親子旅遊blog)

2017年7月26日星期三

【台灣、宜蘭、花蓮、台東、高雄】[2014 不一樣的7天自駕親子遊]Day 4 3之1 台灣靚米之鄉：池上鄉、尋找金城武的「伯朗大道」、食池上米「碗公餐」

第4天行程，離開花蓮，繼續南下，往台東方向去：

海中天會館checkout＞池上伯朗大道＞稻米原鄉館(公碗餐)＞初鹿牧場(騎馬+餵奶小牛)＞太麻里鄉金崙一田屋溫泉(住宿)

我地會分開三篇介紹，今次介紹池上鄉先。

池上係台灣的稻米主要出產地，所以我都好想帶瞳瞳去睇下農田呀、綠色植物咁，當地既然係種稻米出名，咁梗係要食埋由池上米做的lunch，咁就perfect啦！我地由花蓮海中天會館出發，到達池上車程大約2小時，咁就夾啱可以食午餐。當然附近的伯朗大道都不能錯過，原本一條鄉郊小路因為一個廣告、一個金城武，就成為出名的「伯朗大道」。

天氣好好，我地由花蓮沿花東縱谷公路，當中經過無數農田、幾個小城鎮，要講下公路旁邊有不少小攤檔，有好多農產品賣，當中有種作物叫「台東西瓜」，呢款西瓜外型唔係平時我地香港見既馬來西亞、日本、中國果種，反而似我地「冬瓜」咁款同咁大既size。

又分享下台灣自駕遊一D貼士，多數公路上會遇到family mart或者7-11，除左可以補給飲食之外，店內仲會有洗手間提供的，咁搵洗手間唔駛咁辛苦了。=)

7-11有洗手間提供

開始由花蓮縣踏入台東縣，沿路會見到攤檔擺賣西瓜，嘩！成個冬瓜咁大！！！

台灣靚米之鄉：池上鄉

見到稻田，我地＿開始進入池上鄉範圍。到達池上鄉後，真係好山好水啊！我地仲可以近距離接觸稻田，順便和瞳瞳上了一堂自然課。

鋤禾日當午

汗滴禾下土

誰知盤中飧

粒粒皆辛苦

瞳瞳呀，你要記住珍惜食物，每粒米都得來不易啊！

我地沿指示去伯朗大道，都好清晰。而家伯朗大道禁止汽車駛入，要步行入去，一條本來只是田園小路，因拍攝了由金城武做主角的廣告而大受歡迎。伯朗大道必影位置：白相框，如果人多就需要輪侯，幸好這天遊人不多，大家記得做足防曬措施，因為附近沒有可以遮蔭的地方。一條沒有電線桿的翠綠天堂路伯朗大道，給瞳瞳霸哂一個人在跑！

伯朗大道就在左手邊雪糕筒行入去

一條沒有電線桿的翠綠天堂路

原裝廣告：（圖片來源／長榮航空I SEE YOU官方網站）

「稻米原鄉館」：食池上米「碗公餐」

接著我們步行5分鐘，橫過馬路，就到達「稻米原鄉館」。樓高兩層的「稻米原鄉館」，地下是賣米及介紹池上有機米的栽種及發展過程，二樓是用餐地方。我地今次嚟就為左食馳名既「碗公餐」，既然來到出產稻米著名的池上，一定要來試試他們的米飯。

「稻米原鄉館」門口有好多唔同的的莊稼農具比大家影相，扮農夫、挑擔桃、拉下牛牛咁～

瞳瞳擔桃

拉牛牛

上二樓餐廳食「碗公餐」先

「碗公餐」來了，以前為了慰勞辛苦的割稻工人，農家總會準備簡單的家常飯菜以碗公盛裝送到田裡讓大家填飽肚子，以前只有在收割的季節才能享用的料理。我地的「碗公餐」有豬肉、蛋、肉燥等等....完全是農家特色，還配上水果、湯和開胃小吃。味道不錯，飯的口感好

像日本的珍珠米，正！

由二樓窗外看田園風光

食飽飽，我地落返樓下一樓，原來淨係叫「池上米」都有好多程可以揀，到最後我地「笛」左7包米走.....

離開池上，我地坐45分鐘車去初鹿牧場，途經關山，仍然係宣傳食便當和出產米的地方，似乎呢邊農業非常發達。

有用資料:

1. 池上稻米原鄉館

電話：089-863689

地址：台東縣池上鄉萬安村1鄰1-12號

營業時間：8:30 - 17:00

網頁：http://wanan197.okgo.tw/

電郵：wanan197@gmail.com

延伸閱讀：

[2014 不一樣的宜蘭、花蓮、台東、高雄7天自駕親子遊]Day 1 2之2 羅東戀館民宿、羅東夜市

http://tungbama.blogspot.hk/2017/07/2014-7day-1-22.html

[2014 不一樣的宜蘭、花蓮、台東、高雄7天自駕親子遊]Day 1 2之1 香港去台北(商務位)、宜蘭大湖風景遊樂區找<睡天使醒惡魔>台灣朋友

http://tungbama.blogspot.hk/2017/07/2014-7day-1-21.html

[2014 不一樣的宜蘭、花蓮、台東、高雄7天自駕親子遊]Day 2 2之1 崔記早點(宜蘭)、幾米廣場(宜蘭)、菓風工房(宜蘭)

http://tungbama.blogspot.hk/2017/07/2014-7day-2-21.html

[2014 不一樣的宜蘭、花蓮、台東、高雄7天自駕親子遊]Day 2 2之2 豆腐岬17 午餐(蘇澳)＞南方澳漁港(蘇澳)＞南方澳觀景台(蘇澳)＞花蓮自強夜市

http://tungbama.blogspot.hk/2017/07/2014-7day-2-22-17.html

[花蓮酒店推介][2014 不一樣的宜蘭、花蓮、台東、高雄7天自駕親子遊]270度無敵海景 - 海中天會館http://tungbama.blogspot.hk/2017/07/270.html

[2014 不一樣的宜蘭、花蓮、台東、高雄7天自駕親子遊]Day 3 花蓮遠雄海洋公園

http://tungbama.blogspot.hk/2017/07/2014-7day-3.html

[2014 不一樣的宜蘭、花蓮、台東、高雄7天自駕親子遊]Day 4 3之1 台灣靚米之鄉：池上鄉、尋找金城武的「伯朗大道」、食池上米「碗公餐」

http://tungbama.blogspot.hk/2017/07/2014-7day-4-31.html

[2014 不一樣的宜蘭、花蓮、台東、高雄7天自駕親子遊]Day 4 3之2 台東大草原：初鹿牧場，與動物零距離接觸

http://tungbama.blogspot.hk/2017/07/2014-7day-4-32.html

[台東太麻里鄉酒店推介][2014 不一樣的宜蘭、花蓮、台東、高雄7天自駕親子遊]Day 4 3之3 太麻里鄉金崙「一田屋溫泉」http://tungbama.blogspot.hk/2017/07/2014-7day-4-33.html

[2014 不一樣的宜蘭、花蓮、台東、高雄7天自駕親子遊]Day 5 大武山生態教育館 & 全台最美車站-「多良車站」

http://tungbama.blogspot.hk/2017/08/2014-7day-5.html

[2014 不一樣的宜蘭、花蓮、台東、高雄7天自駕親子遊]Day 6 高雄科工館 = 科學館的究極加強版，地震體驗不要錯過
http://tungbama.blogspot.com/2018/06/blog-post.html

2017年7月24日星期一

【台灣、宜蘭、花蓮、台東、高雄】[2014 不一樣的宜蘭、花蓮、台東、高雄7天自駕親子遊]Day 3 花蓮遠雄海洋公園

香港海洋公園相信大家都去過，今次我地帶大家去的花蓮的海洋公園，無論規模、觀賞性同好玩的程度，都比香港的更多野睇，如果大家嚟到花蓮，「花蓮遠雄海洋公園」到為親子遊必到景點。

介紹下呢個地方先，「遠雄海洋公園」座落於東海岸風景區（花蓮縣壽豐鄉鹽寮村），面向太平洋，總面積達51公頃，由遠雄企業團(FARGLORY GROUP)投資150億元，集主題樂園、自然景觀公園、五星級休閒飯店為一體。遠雄海洋公園的有八大主題區：海洋村、探險島、海洋劇場、嘉年華歡樂街、海盜灣、布萊登海岸、海底王國以及水晶城堡。還有四大主題表演　—　超級人氣冠軍王水中精靈「海豚秀」、可愛逗趣「晃晃海獅秀」、全台唯一「海洋哺乳動物生態教室」互動體驗與耗資三千萬打造的水晶城堡超強卡司『奇妙海洋‧震撼登場』。

「花蓮遠雄海洋公園」地圖

花蓮遠雄海洋公園離我地好市民宿海中天會館好近，開車只要5分鐘左右就已經黎到了。呢度有個多層停車場比大家泊車，都算好多車位。而我地之前已委託民宿主人幫我地訂門劵，叫做平少少，哈！我地就拎住民宿買的兌換劵，係入口處窗口換返真正既入場劵。

「遠雄海洋公園」招牌

兌換劵

去到入口處換真正入場劵

呢度地方好大，但人唔算多，唔會覺得擠擁，而且當日係平日，我地一家最鍾意人少少咁玩。我地部BB手推車係向樂園的顧客服務台借，要押金或者留低Passport做抵押，完整無缺還返手推車就可以取回全數押金或者拎返Passport。瞳瞳爸爸就建議大家盡量比押金好過比Passport，始終Passport係個人資料兼避免遺失，其實台灣好多地方如主題公園、動物園、大型購物中心等等都有得借，而且都好乾淨企理，咁我地就可以輕鬆走。