靜岡清水市近大海，行程就安排一個魚市場之旅吧！
上一篇講到我地去完S-PULSE DREAM PLAZA櫻桃小丸子樂園，就搭返我地商場既免費穿梭巴士，不過今次唔係去「靜鐵新清水駅」，而係「JR靜岡駅」落車，落車之後就沿海邊方向行人天橋去清水魚市場河岸の市，順道午膳。
JR靜岡駅，地大人少，落巴士後向行人天橋方向上去，都算具時代感既建築
上天橋後，找大海方向的一邊行。
已經見到「清水魚市場河岸の市」係天橋下方了
計返由JR靜岡駅行去「清水魚市場河岸の市」大約１０分鐘
清水魚市場河岸の市一共有兩幢，都係兩層樓高，中間只係隔咗一架貨車闊度既行車道。市場分為「いちば館」同「まぐろ館」：
「いちば館」主要係售賣海產，係真係街市咁，而且集中係地下（１／Ｆ）
至於「まぐろ館」就係食店為主，主要係２／Ｆ
如果由JR靜岡駅行過去，會先到「まぐろ館」，亦係食店為主既地方。
圖中綠色有就係清水魚市場河岸の市「まぐろ館」入口啦！
「まぐろ館」入面大多數都係食店，而且有好多扭蛋機，都係關於海產，好得意，大城市比較少有。
海鮮丼扭蛋，好搞笑
食店好多，我地就更花多眼亂，門口的食物模型好吸引，再加上「魚市場」三個字加持，真係寧捨有ＦＥＥＬ～
本來一心嚟係想食呢個任添三文魚飯，首先你柯打個飯，之後店完不斷在飯上面加三文魚，一直到你叩停為止，可惜已經賣完了。
最後我地揀左一間叫「清水港 海山」既食店，食唔到想食既，都想食個景丫，佢對正就係海港，我地就揀咗個窗邊位坐。
大人食刺身，小朋友就有熟食，完全唔駛擔心，祈祈既兒童餐（９９０ｙｅｎ）
老婆叫的「大漁舟御膳（３２８０ｙｅｎ）」，家姐激讚果個海鮮麵豉湯，超級鮮味，佢全部飲哂唔夠喉，仲問我地拎ＸＰ
我自己就試下佢地門口招牌菜：「一貫にぎり（１９８０ｙｅｎ）」，仲珍而重之地俾個小鐵剷你用，大過我自己ｉＰＨＯＮＥ １１ ＰＲＯ
超大超厚，打卡一流，不過如果想食ｊｕｉｃｙ既，叫返正常ＳＩＺＥ會好Ｄ。
兩個小朋友仲清水魚市場河岸の市的代表吉祥物合照，哈哈～
食飽飽之後，就去街市果邊，即係真係買賣海產的地方，不過好多都關門，有少少會賣壽司
魚市場河岸の市之旅完成，靜岡呢個魚市場俾我地感覺就遊客唔多，行得超舒服。食店都多，選擇亦多，所以有選擇困難症。如果好似我地咁，小朋友唔食魚生刺身，店家一般都有炸物之類既熟食提供，所以大人小朋友兩者都兼顧到。
留意！清水魚市場河岸の市逢星期三係休館！
下一站，我地走入櫻桃小丸子卡通的真實埸景啦！
