瞳遊樂 (八十後香港家庭的親子旅遊blog): 2020

2020年7月10日星期五

瞳遊樂Faceboook page：https://www.facebook.com/Tungbama

疫情反覆，好多小朋友去玩的地方都暫時停開。

大家除咗<瞳遊樂>呢個Blog之外，我地仲有個Faceboook page 可以交流最新資訊架：
https://www.facebook.com/Tungbama

2020年4月17日星期五

【日本、那須鹽原】親子5日4夜自駕賞雪之旅～終嘗一家人賞雪，恋人の聖地那須高原展望台

行程最大心願，其實係想一家人開開心心賞雪。我揀那須鹽原呢個地方，一來佢比較近北方，二來佢有大山高原，兩個條件之下，希望容易會見到雪，幸好天公做美，終於心願達成！

今次介紹嘅地方叫「恋人の聖地那須高原展望台」，位於海拔1,048米高，有廣闊的全景，望到那須山脈一帶，眼下就係關東平原，同時又被日本國內選為第100個情人聖地的約會地點。

恋人の聖地那須高原展望台都係自己揸車去先比較方便，由山腳市區揸車上去大約30分鐘。

今次多圖少字，唱埋歌，同大家一齊感受雪。

我地揸車上山去，大約30分鐘車程就會到達「恋人の聖地那須高原展望台」

雪地中的巴士站 (樹木以孤單的軀殼..............)

清晰的路牌指明方向

「恋人の聖地那須高原展望台」位於公路旁邊，有12個車位。始終位處公路旁邊，所以玩的時候要注意安全啊～

(白雪的飄泊　來期待妳　緬懷妳　每刻的眼光..........)

(活在這冬天冰封感覺..........)

(缺少觸覺　如何為妳　去速寫我的感覺..........)

展望台的地名石碑

一家人留下「雪印」。。。。雪地上的手印！

送妳一瓣的雪花

猶如心中的說話

能再偶遇嗎？

展望台有好多積雪，小朋友見到當然興奮啦，玩過不停，果度嘅雪好「乾淨」，可以好放心俾佢地玩，甚至訓係雪地上面。我地大人當然好開心，再加上果個位係當風位，一刮起大風，雪就沿車路轉彎咁吹埋嚟，就好有暴風雪的感覺。一家人的經歷都係特別美好。

有用資料:

1. 恋人の聖地那須高原展望台

地址：栃木県那須郡那須町大字湯本

2. 【日本、那須鹽原】香港人少到秘境，「那須鹽原」親子5日4夜自駕賞雪之旅～新手日本自駕租車無難度

3. 【日本、那須鹽原】親子5日4夜自駕賞雪之旅～完美演繹日式親子酒店Hotel Epinard Nasu

4. 【日本、那須鹽原】親子5日4夜自駕賞雪之旅～殺生石傳說+「MT.JEANS那須」滑雪場大玩雪兜

5. 【日本、那須鹽原】親子5日4夜自駕賞雪之旅～全店只有13間客房，擁有私人風呂的「星のあかり」

6. 【日本、那須鹽原】親子5日4夜自駕賞雪之旅～「那須平成之森」一家人終於成功遇上落雪！

7. 【日本、那須鹽原】親子5日4夜自駕賞雪之旅～零距離親親牧場動物：「千本松牧場」！

8. 【日本、那須鹽原】親子5日4夜自駕賞雪之旅～那須塩原駅五分鐘步行距離，優質經濟商務酒店：NASU Midcity hotel

9. 【日本、那須鹽原】親子5日4夜自駕賞雪之旅～超誇張，零食、超市、100円店、兒童樂園、加油站應有盡有～AEON TOWN BIG EXTRA

10.【日本、那須鹽原】親子5日4夜自駕賞雪之旅～終嘗一家人賞雪，恋人の聖地那須高原展望台

(最後更新於23/12/2020)

2020年4月14日星期二

【日本、那須鹽原】親子5日4夜自駕賞雪之旅～超誇張，零食、超市、100円店、兒童樂園、加油站應有盡有～AEON TOWN BIG EXTRA

一家大細去旅行，Shopping環節點少得，特別係我地每次去日本，都會順路添置衣服、買鞋、掃零食等等。

那須鹽原地方非常大，但沒有一些大型多層式的商場，大多數商店都係獨立平房為主，再加上門前一個大大露天停車場就是，不論超級市場、藥妝、GU、ABC MART、Uniqlo、Mcdonald等，也是如此～

日本其中一個大型百貨公司AEON，相信大家都好熟悉，因為香港都有業務，就算係日本的AEON MALL我諗大家都行過無數次，不過今次我地去到那須，呢一間相信係AEON呢個品牌最強系列：AEON TOWN BIG EXTRA，聽到呢個名就知勁！！！基本上日本人已經用哂可以用嘅英文去形容呢件事有幾大。

「那須AEON TOWN BIG EXTRA」地址為栃木県那須塩原市島方455，門口有個超大露天停車場免費泊車，共有1100個泊車位，無錯！1100個！

停車場旁邊，有AEON自家加油站，因為係油站，我不宜太近距離去拍照，想不到AEON連油站都有！

AEON TOWN BIG EXTRA佔地好大，佢單單咁獨立一幢建築，有超級市場、FOOD COURT(包括KFC)、DAISO大創100円店、百貨服飾、理髮店、兒童遊戲室、兒童樂園Fantasy、書店等等，一應俱全。

FOOD COURT

百貨服飾

兒童樂園Fantasy

瞳祈媽媽盡情Shopping，買得好開心，雖然唔係咩名牌子的貨品，但價錢真係平，而且又多選擇，仲要係日本人日常生活之中，由100円店到買衫到超級市場掃貨，瞳瞳祈祈兩個又有地方玩，行超市連揀玩具糖都大把選擇，到最後我地行完又行、行完又行，仲未夠皮。瞳祈媽媽指明下次再去那須鹽原的話，一定要再嚟AEON TOWN BIG EXTRA！

有用資料:

1. 那須AEON TOWN BIG EXTRA

地址：栃木県那須塩原市島方455

電話：0287-67-2460（超級市場）

網頁：https://www.aeontown.co.jp/nasushiobara/

營業時間：8:00～22:00（超級市場）

2. 【日本、那須鹽原】香港人少到秘境，「那須鹽原」親子5日4夜自駕賞雪之旅～新手日本自駕租車無難度

3. 【日本、那須鹽原】親子5日4夜自駕賞雪之旅～完美演繹日式親子酒店Hotel Epinard Nasu

4. 【日本、那須鹽原】親子5日4夜自駕賞雪之旅～殺生石傳說+「MT.JEANS那須」滑雪場大玩雪兜

5. 【日本、那須鹽原】親子5日4夜自駕賞雪之旅～全店只有13間客房，擁有私人風呂的「星のあかり」

6. 【日本、那須鹽原】親子5日4夜自駕賞雪之旅～「那須平成之森」一家人終於成功遇上落雪！

7. 【日本、那須鹽原】親子5日4夜自駕賞雪之旅～零距離親親牧場動物：「千本松牧場」！

8. 【日本、那須鹽原】親子5日4夜自駕賞雪之旅～那須塩原駅五分鐘步行距離，優質經濟商務酒店：NASU Midcity hotel

9. 【日本、那須鹽原】親子5日4夜自駕賞雪之旅～超誇張，零食、超市、100円店、兒童樂園、加油站應有盡有～AEON TOWN BIG EXTRA

10.【日本、那須鹽原】親子5日4夜自駕賞雪之旅～終嘗一家人賞雪，恋人の聖地那須高原展望台

(最後更新於23/12/2020)

2020年4月6日星期一

【日本、那須鹽原】親子5日4夜自駕賞雪之旅～那須塩原駅五分鐘步行距離，優質經濟商務酒店：NASU Midcity hotel

行程嚟到第三日，我地就準備入住NASU Midcity hotel作為行程最後第三及四晚的住宿。

在大家日本旅行慨念中，基本上每一個地方最繁榮的地區，一定係JR站附近，至少有食肆、超級市場/便利店等等。那須鹽原駅係果一區嚟講算係大站（至少車站係以地區名而命名）。之前同大家介紹過，除咗自駕遊自已揸車去之外，其實仲可以搭由東京車站開出「東北新幹線」火車，大約1小時15分鐘車程，就可以到達那須塩原駅。那須塩原駅位置係東北、北海道新幹線之上，基本上大多數前往東北地區如青森、盛崗、秋田、宮城，火車都一定會經過。

NASU Midcity hotel

我地先介紹間酒店，NASU Midcity hotel，距離那須塩原駅僅五分鐘步行距離，酒店前面已有自家免費停車場，停車場旁有7-11（非24小時營業），大抵總算方便。

酒店走經濟商務酒店風，地下大堂小小的接待處，人客不多，總算應付得到。基本上所有設施都集中在地下，有自動飲品販賣機、洗衣及乾衣機、微波爐等等。

餐廳同樣在地下，自助形式，西式的香腸、多士、炒蛋，到和式的米飯、味增湯都有。

酒店房亦一切從簡，兩張雙人床，電視、雪櫃、衣架、暖氣等等都有。

由於附近都無咩高樓大廈，酒店已經「鶴立雞群」，我地的景觀亦非常開揚遼闊

洗手間有浴缸，個人護理用品亦都有齊

那須塩原駅

我地放好行李，就步行五分鐘去那須塩原駅當散步。話就話大車站，但其實只有幾間緊靠車駅的商店，沒有平時看到商店街，反而卻添一份寧靜。

「那須塩原駅」外觀

車駅商店都有當地出名的乳牛模型，兩個小朋友一樣玩得開心，哈哈～

車駅的一角同時設有觀景台，為乘客介紹那須塩原一帶群山風光

帶豬小B在橋上睇火車，呢度就係新幹線列車去北海道的必經之路啦！

遠至那須塩原市，都有Hello Kitty同那須牛的Crossover宣傳

那須塩原駅的地圖，小城鎮，附近沒有太多建築物

整體來說，簡簡單單的酒店NASU Midcity hotel好適合我地行程差唔多尾聲去入住，但求一宿，出去行完街返房執整一下行李返香港，食下出面買返嚟既小食咁，而且呢度只係港幣約四百蚊左右一晚，而呢邊的酒店停車場都唔收錢，所以性價比來講我地覺得值得一住。

有用資料:

1. NASU Midcity hotel

地址：栃木県那須塩原市方京1-1-10

電話：0287-67-1400

網頁：https://www.nasu-midcity.com/

2. 【日本、那須鹽原】香港人少到秘境，「那須鹽原」親子5日4夜自駕賞雪之旅～新手日本自駕租車無難度

3. 【日本、那須鹽原】親子5日4夜自駕賞雪之旅～完美演繹日式親子酒店Hotel Epinard Nasu

4. 【日本、那須鹽原】親子5日4夜自駕賞雪之旅～殺生石傳說+「MT.JEANS那須」滑雪場大玩雪兜

5. 【日本、那須鹽原】親子5日4夜自駕賞雪之旅～全店只有13間客房，擁有私人風呂的「星のあかり」

6. 【日本、那須鹽原】親子5日4夜自駕賞雪之旅～「那須平成之森」一家人終於成功遇上落雪！

7. 【日本、那須鹽原】親子5日4夜自駕賞雪之旅～零距離親親牧場動物：「千本松牧場」！

8. 【日本、那須鹽原】親子5日4夜自駕賞雪之旅～那須塩原駅五分鐘步行距離，優質經濟商務酒店：NASU Midcity hotel

9. 【日本、那須鹽原】親子5日4夜自駕賞雪之旅～超誇張，零食、超市、100円店、兒童樂園、加油站應有盡有～AEON TOWN BIG EXTRA

10.【日本、那須鹽原】親子5日4夜自駕賞雪之旅～終嘗一家人賞雪，恋人の聖地那須高原展望台

(最後更新於23/12/2020)

2020年2月25日星期二

【日本、那須鹽原】親子5日4夜自駕賞雪之旅～零距離親親牧場動物：「千本松牧場」！

今日本來要帶小朋友到溫室摘士多啤梨，瞳祈爸爸我一早已經係網上搜集好幾個農場，set　好GPS，點知當日心水的果園關閉，工作人員指示我地去其他果園，卻讓我地一家遇上「千本松牧場」！

「千本松牧場」個名係咪好熟識呢？如果有跟開我地呢個Blog的朋友會記得，之前我地曾經介紹過：【日本、那須鹽原】親子5日4夜自駕賞雪之旅～完美演繹日式親子酒店Hotel Epinard Nasu ，當中的自助早餐，提供了當地三大牌子的牛奶，「千本松」就係其中一個啦！