【香港本地親子遊】【東區】英式大屋裡學習生態「林邊生物多樣性自然教育中心(紅屋)」

天氣涼，要到外邊走走啊！瞳瞳一家住在新界，平時少在港島區活動，更何況係去行山。不過唔好以為香港島面積細細，唔多地方行，但其實大自然既資源一樣豐富，今次我地就去左位於港島東區既「林邊生物多樣性自然教育中心(紅屋)」，其實即係太古城一帶後山，香港島以前有好多英國殖民地既建築，普遍都好靚好有feel，影相就更加一流啦!

紅屋或林邊屋原本係太古集團(英資洋行)既高級職員宿舍，建於1920年代左右，現時為二級歷史建築，以前呢間屋旁邊有吊車來往山下面既鰂魚涌同山上面既大風坳，不過遺跡難尋。

今日話帶瞳瞳去郊外同睇動物，佢就好開心!! 咪走咁快啦，保持體力呀!!　由英皇道行入柏架山道，可以經一條去鰂魚涌市政大廈天橋去，好易搵到！

鰂魚涌市政大廈係最後一個補給站

落橋後沿柏架山路上，慢慢行，全程上斜，大約要行２０至２５分鐘。一邊行，一邊同瞳瞳上生態堂。放心，不用怕迷路，因為呢條路係同好多路線重疊：衛奕信徑、東區步道......如果沿車路繼續上，可以經大風坳(燒烤場)到大潭水塘。

終於到達!!! 「林邊屋」又名紅屋, 在1922年興建，原用作太古糖廠的高級職員宿舍，由紅磚建成的兩層高建築物。又OT少少，之前講既吊車，據聞沿路仲有吊車的柱躉，但我未有發現，日後再跟進。

展區介紹生物多樣性的定義、作用及價值

赤麂標本, 在香港已屬於大型哺乳動物

除左標本, 仲有好多真的動物展示

本地原生小動物:翠青蛇

魚缸入面係模仿河溪環境，瞳瞳好有興趣

可以企入魚缸底，從魚的角度望出黎

各種在香港溪流都可以找到的淡水魚

紅屋內部, 上面二樓主要係活動室

夾啱時間，我地即場報左名參加工作坊，費用全免！其實好多郊野公園遊客中心都有呢D，坊提供，好適合一家大細去。

在製作之前, 義工首先教我地認識蝴蝶, 而家瞳瞳就用萬花筒扮複眼睇事物

瞳瞳好期待「上堂」，我地今次係學整「蝴蝶戒指」

「完成」課程後，我地繼續參觀室外既地方，出面主要係一D植物的標本

 

臨走前，我地行出去個攤位遊戲玩，職員都係義工黎，佢地見瞳瞳細個，比左個最簡單既拼圖GAME佢玩。遊戲背後佢地帶有行山安全訊息比大家!最後瞳瞳禮物揀左貼紙，完成一日學習開心之旅。

 

有用資料：

網頁：http://www.afcd.gov.hk/tc_chi/country/cou_lea/cou_lea_ven/woodside.html

展覽廊
逢星期一、三至日及公眾假期 ︰ 0930至1630
逢星期二(公眾假期除外)、農曆年初一及初二休館

自然園區
每日0600至1800

遠足時間：英皇道起步至「紅屋」全程慢行約20-25分鐘

交通：港鐵太古站B出口

自駕泊車：新威園(時租約$18-$20)，詳情:http://www.wilsonparking.com.hk/tc/car-park-detail.php?cp=122