秋高氣爽，又係行山既好時候。瞳瞳一家住馬鞍山，屋企後山昔日曾經係一個石礦場，採礦的方法有兩種：「露天採礦」同埋「深挖礦洞」。
今次我地就帶大家去礦洞。。。。既外面，搵下小礦石啦！以前細個讀書果陣，我成日同班好朋友係屋企後山四圍去，所以都好熟路。以我所知，現存馬鞍山礦洞有110ML同240ML，佢地ML既意思就係Meter Level、洞口的高度位置：110米和240米，但因為安全理由，已經封左啦，不宜內進。我地就會安全帶大家係洞口外面搵礦石，來一個生態之旅。
我地成日話「礦石」「礦石」，其實馬鞍山礦場出產咩「礦石」呢？其實就係鐵礦，鐵礦都有分好多種，馬鞍山最易搵到既係磁鐵礦，另外就係石墨，佢係製造鉛筆既材料。所以瞳瞳爸爸提提你：出發前，首先就要自己準備
一舊磁石，準備「Magic」！
 |
| 出發啦！ |
首先，我地由馬鞍山耀安邨出發，你可以選擇沿馬鞍山村路車路行上去，大約1小時 或者 搭馬鞍山村村巴NR84，去到山頂，車程只係15分鐘。(瞳瞳爸爸就建議大家搭車上山，步行落山）
耀安邨上車位置就係耀安巴士總站旁邊，新界的士站前面位置，佢無站牌放係度，不過因為每天有固定班次，所以依時依侯你會見到有班人係聚集就係架啦！巴士係一架29座，白色車身的小巴，車上有香港賽馬會既標誌。（因為路線有香港賽馬會資助）
雖然佢會係馬鞍山新港城開，但因為位置不好找，所以建議大家在耀安邨等車，耀安邨係中途站，由新港城過嚟車程只係兩三分鐘，所以大家跟返新港城開出時間，係耀安邨等車就可以啦！
路線NR84（馬鞍山站至馬鞍山村）收費$7
開車時間：（每日）
上午 8 時 、上午 9 時** 、上午 9 時 30 分、上午 10 時 30 分、下午 1 時、下午 4 時、下午 4 時 40 分ΔΔ、下午 5 時 30 分、下午 7 時 **
因應乘客需求提供服務 Δ由馬鞍山村開往耀安邨，以耀安邨為終點站，不停馬鞍山站(新港城) ΔΔ由耀安邨開往馬鞍山村，不停馬鞍山站(新港城)
村巴詳情：http://www.td.gov.hk/filemanager/tc/content_405/nr84.pdf
我地一路搭NR84村巴，一直坐到總站，就係馬鞍山村，落車之後向車尾行，就會見到有個分岔路，左手邊係頭先村巴上來的路，即係返去馬鞍山市區，右手邊車路係可以接駁山徑去西貢昂平，我地微微靠右，小心地就會見到路邊石壆，就係入口所在啦！（如圖）
 |
| 可以自由選擇步行上山，或者坐村巴都可以 |
 |
| 途中見到有路牌，去恆安(馬鞍山)及昂平(西貢) |
 |
| 呢個就係入口啦！ |
 |
| 見到昔日礦場的遺址 |
其實入到去，早幾年仲見到洞口，但而家已經生哂雜草，而且我都唔建議大家走去睇，因為都幾危險下。焦點反而係行入草叢之後，你會見到有一片稍為無咁多草的平地，地下有一塊塊黝黑色的小石塊，果D就係我地今次要搵既小石塊：先用帶來的磁石吸一吸，再慢慢倒轉，石頭沒有墜下，就係一舊鐵礦石啦！Magic！
有兩件事大家都要留意：
1. 記得做防蚊措施，果度D蚊餓左好耐
2. 不要帶走任何石頭，玩完魔法，擺回原位就好。
 |
| 就係咁樣架啦~ 石頭唔會跌落嚟架！ |
回程果陣可以考慮行落山，中途有個燒烤場，入面除左燒烤爐之外，仲有休憩地方、遊樂設施、洗手間、涼亭等等，玩一陣又可以休息一陣，都幾寫意。
有用資料:
1. 馬鞍山礦場
交通：耀安邨 乘搭馬鞍山村村巴NR84 到馬鞍山村總站 車費$7
沒有留言:
張貼留言