【親子10日9夜自駕之旅～日本東京、靜岡小丸子、富士山、渥美半島、鳥羽、大阪】Day 2 :尋找櫻桃小丸子卡通真實場景 (3之3)

開始出發，尋找櫻桃小丸子卡通出現過既場景，我地剛剛由清水魚市場河岸市場，食飽飽之後就當散步咁行。其實清水市內我地重點行幾個場景，而呢個係我心目中的樣貌：

１. 商店街：小丸子經常幫媽媽買野的地方

２. 巴川河：川田先生守護的地方，亦都係卡通片經常出現既地方

３. 白髭神社：小丸子經常同朋友聚會既地方

４. 淡島神社：亦係小丸子經常同朋友聚會既地方，當中入面一個角色「佐佐木老伯伯」，佢守護的大樹就係入邊啦

５. 入江小學校：卡通入面，經常出現的小丸子讀書學校

６. 追分羊羹：當地特產，卡通都出現過

特別驚喜，小丸子作者舊居： 

櫻桃小丸子卡通以作者自身經歷改編，所以會去睇下搵唔搵到作者的舊居

１. 商店街

由清水魚市場河岸市場行去商店街，附近基本上都係民居，而且行人不多。同祈祈睇下鐵路平交道，香港已經睇唔到，ＴＯＭＹ火車都玩得多，今次見真既！

終於行到卡通入面成日幫媽媽買野既商業街，但都幾冷冷清清

仲停留係昭和時代（昭和為1926至1989年間）

小丸子經常到商店街行既百貨公司ＹＯＴＳＵＢＡ：「四葉百貨」，其實係一間文具店嚟。

２. 巴川河

川田先生一直守護的巴川河，同卡通畫面分別都幾大。卡通係兩岸有草坡咁，今日所見已經係一條人工河道，好似沙田城門河。係電影版<櫻桃小丸子：來自義大利的少年>入面有一幕在橋上睇煙火同放水燈，反而有幾分神似，連後面電車橋都見到。

３. 白髭神社

之後我地就到「白髭神社」，呢度係小丸子都朋友經常傾計、聚首的其中一個地方，最特別係神社旁邊既小屋，就似卡通入面提及爺爺同嫲嫲成日去既「街坊會」

今時今日「白髭神社」仲係當地小朋友聚腳地方，而「街坊會」真係有街坊出入既，一切盡在生活之中！

４. 淡島神社

跟住下一站就係虛空藏尊社，又叫「淡島神社」，沿住街行，都係寧靜住宅區，行人都好少見到，得我地一家四口係度行，中途就遇到一家蔬菜店。

４. 淡島神社

「淡島神社」就小丸子卡通入面，有個角色叫「佐佐木老伯伯」，當中佐佐木老伯伯守護既神社大樹，就係度啦！

佐佐木老伯伯守護既神社大樹

淡島神社，卡通片內的一對石獅子

專門守護清水市各種樹木同植物，同守護巴川河既川田先生互相輝映。

５. 入江小學校

淡島神社附近已經係「入江岡駅」，不過我地未返去靜岡住，仲有小丸子的學校仲未去呢...

小丸子卡通入面讀的學校叫做「入江小學校」，現實係「静岡市立清水入江小学校」，學校係正常運作，有學生讀書，所以校園範圍，不得擅進，我地只能夠係外圍遠觀，見到學校外型、操場、小山滑梯等等，還原度有９０％。

下圖左手邊的小山滑梯，亦都係卡通片內出現過

學校有一個大大的操場，又幻想一下小丸子成班同學係度跑步，大野同杉山應該係最快！

６. 追分羊羹（追分羊羹總店）

「創業於元祿八年（１６９５年），擁有３００年東海道風味的追分羊羹，追分羊羹的日式點心中使用的紅豆來自北海道，店家手工清洗每片竹皮，並小心翼翼地將豆沙包裹在竹皮中，用竹皮繩將羊羹綁起來，然後蒸熟，以保留傳統的味道。」～來自店家的介紹。

羊羹味道偏甜，係日本人的甜點，食的時候如果配上一樣靜岡綠茶，一甜一澀，剛剛好！追分羊羹係當地清水市名物，都有係小丸子卡通度出現過架！不過記得留意營業時間啊

原來有好多種不同的羊羹，我地都買咗Ｄ返去做手信

最後我地買咗呢幾款返香港試下～

特別驚喜，小丸子作者舊居

講起蔬菜店，其實作者一家真係開屋企門口開蔬菜店，據說因為卡通場景好多在屋企發生，如果每次都畫蔬果會好麻煩，所以就索性唔畫，如果細心發現，卡通入面無講佢爸爸係做咩工作，不過佢爸爸係有架私家車，係當時黎講算家境幾好。同多啦Ａ夢相比，起碼唔似得大雄爸爸係上班族，小丸子媽媽又無大雄媽媽咁憂柴憂米同擔心房貸。

不過。。。。同樣卡通同現實係有出入

現實的小丸子作者屋企，兩層高的建築物，下面而家係車房，可能以前就係賣菜的地方。

據說小丸子作者一家已經搬離了很久，後來的租住者都知道間屋的特別，所以有少少關於小丸子的展示。不過始終係私人地方，地點就不便透露了。

同小丸子屋企合照先

「搵場景」可能係我一個藉口，俾屋企人好似ＣＨＥＣＫ　ＰＯＩＮＴ咁有Ｄ目標，仲重要係一家人可以係日本街道漫步，傾下計，一路行、一路有新發現。去旅行唔一定迫遊客區，有時間不妨到小區走走，更多體驗。

有用資料: 

1. 追分羊羹

追分羊羹總店

地址：靜岡市清水區追分2-13-21

電話：054-366-3257

營業時間：9:30-15:30

週日、週一休息

追分羊羹大曲店

地址：靜岡市清水區入江3-10-29

電話：054-371-0300

營業時間：9:45-17:30（全年無休）

網頁：http://www.oiwakeyokan.com/index.html

參考資料：

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】準備及介紹篇

 Day 1：香港國際機場＞東京成田機場＞成田特快「N'EX」+東海道新幹線品川去靜岡 (3之1)

 Day 1：靜岡車駅零距離靜岡ASSOCIA飯店 (3之2)

 Day 1：靜岡市內閒逛+魂心家拉麵 (3之3)

 Day 2 : 靜岡鐵道「新靜岡到新清水」＞S-PULSE DREAM PLAZA櫻桃小丸子樂園 (3之1)

 Day 2 :清水魚市場河岸の市 (3之2)

 Day 2 :尋找櫻桃小丸子卡通真實場景 (3之3)

 Day 3 :TOYOTA Rent a Car自駕租車，隨意自駕路邊UNIQLO+GU+無添壽司 (2之1)

 Day 3 :富士河口湖水之里湖畔酒店 一泊兩食 (2之2)

 Day 4 :可以揸車入去睇動物：富士野生動物園Fuji Safari Park＋渥美半島遊 (2之1)

 Day 4 :日本人渡假酒店體驗：伊良湖海濱渡假酒店(Irago Ocean Resort)一泊兩食(2之2)

 Day 5 : 伊勢湾渡輪 (伊良湖去鳥羽) (3之1)

 Day 5 :飼養種類約1200種，日本第一：鳥羽水族館＞麥當勞+鳥羽市內(3之2)

 Day 5 : 新八屋溫泉旅館及晚餐 (3之3)

 Day 6 : 相差海女小屋BBQ午餐體驗 (2之1)

 Day 6 : 大阪天下茶屋小百合民宿(卡通片一樣的家)+商店街掃街 (2之2)

 Day 7：三井LaLaport 堺 STUDIO ARC 影家庭照 (2之1)

 Day 7：忍者堂忍者體驗 + 燒肉特急 (2之2)

 Day 8 : Star Gate Hotel Kansai Airport (2之1)

 Day 8 : Budget租車+Mega Donki+焼肉きんぐ+泉佐野漫遊 (2之2)

 Day 9 : 大阪府立大型兒童館BigBang ，全天候室內遊樂設施 (2之1)

 Day 9 : 浜寺公園，超好玩室外兒童遊樂場 (2之2)

 Day 10 : 臨空城Outlet (1之1) ＞ 大阪關西機場 > 香港