瞳遊樂 (八十後香港家庭的親子旅遊blog)

2024年11月14日星期四

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】Day 6 : 相差海女小屋BBQ午餐體驗 (2之1)

翌日中午，離開新八屋溫泉旅館，又係時候食lunch，順道試下當地特色美食同文化，於是我地去到附近一個叫「相差町」的地方，認識一下海女的文化。

自駕遊有個好處，沿途見到有咩得意，可以隨心隨意走走，中途我地就經過「鳥羽觀景台」，風景好靚，人唔多，而且休息站亦都係一個靚靚咖啡店加手信站：

原隻伊勢龍蝦，勁想買返香港

「在伊勢志摩地區，約有1,000名專業的女性貝類潛水員，他們被稱為“海女”。她們是伊勢志摩生機蓬勃的職業女性，並且還留有一句諺語， “一位成熟的海女有膽量養活自己的丈夫”。遵循著傳統，她們會在不攜帶氧氣瓶等現代潛水設備的狀況下潛入大海，捕捉貝類和收穫海藻。她們的捕魚技術擁有悠久的歷史，被一些古老的的文獻當中所記載著。這是日本文化很重要的一部分。這種呼吸方式被稱為“磯笛”（lsobue，是海女回到海面時，以口笛方式吹出聲音藉此調整呼吸避免傷害肺部的一種方式）。因為有著令人嚮往的音調，它曾一度被評選為日本的音風景百選。」

離開鳥羽觀景台，跟住ＧＰＳ，先到「相差海女文化資料館」，資料館位於住宅區之中，入面地方唔大，門口有一個小小停車場，大約可以泊到十部車，停車場有位叔叔會幫大家睇位，入場免費：主要透過展示過去海女所穿戴的工具和磯衣，可以體驗海女文化的歷史和精神。

「相差海女文化資料館」地方唔大，大約參觀１０至１５分鐘，之後就可以去海女小屋準備BBQ午餐體驗，兩者距離好近，大約只係唔到５分鐘車程。

去到海邊，就落車頂住個太陽，行去海女小屋。。。。。。。沿住海堤行呀行。。大約十分鐘就到啦！

路盡頭既海女小屋

咦！點解無開門既？？？當即立下決定退返停車場度先，明明記得係ＢＯＯＫ咗呢間架喎。。。

去到停車場，回頭一望，見到另一間「海女小屋」，原來呢度有兩間「海女小屋」，不過因為人客少（疫情過後），所以而家只開其中一間。

海女小屋其實係一間小木屋，全身白衣的就係招呼我地既「海女」啦!

屋入面有一個又大又長的炭爐，就係烹調食物的地方。

工作人員又會幫我地拍照，我地預先網上訂咗海鮮午餐，食得好開心=)

正值夏天，木屋入面無冷氣，所以係非常非常之熱，我估如果冬天，對住澟澟海風，反面圍住個炭爐取暖，感覺應該唔錯。當日人唔多，計埋我地只有三檯客人，至於食物係好味，特別係你睇住佢燒之後上檯，海鮮記得有魚、帶子、魷魚等，我地全部都係網上預訂好，而佢地亦只接受預訂，旅行雖然未必好好交流，但佢地真係服務好好，成日都邀請我地行出去影相。

有用資料:

1. 相差海女文化資料館

地址：〒517-0032　三重県鳥羽市相差町1238

電話：0599-33-7453

開放時間：9:00～17:00　（留意網頁）

網頁：https://osatsu.org/amabunka/

2. 海女小屋體驗「相差竈」

地址：

地圖代碼338 499 193

坐標E 34.388261　　N 136.909050

電話：0599-32-5321

網頁：https://osatsu.org/ch/

參考資料：

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】準備及介紹篇

Day 1：香港國際機場＞東京成田機場＞成田特快「N'EX」+東海道新幹線品川去靜岡 (3之1)

Day 1：靜岡車駅零距離靜岡ASSOCIA飯店 (3之2)

Day 1：靜岡市內閒逛+魂心家拉麵 (3之3)

Day 2 : 靜岡鐵道「新靜岡到新清水」＞S-PULSE DREAM PLAZA櫻桃小丸子樂園 (3之1)

Day 2 :清水魚市場河岸の市 (3之2)

Day 2 :尋找櫻桃小丸子卡通真實場景 (3之3)

Day 3 :TOYOTA Rent a Car自駕租車，隨意自駕路邊UNIQLO+GU+無添壽司 (2之1)

Day 3 :富士河口湖水之里湖畔酒店一泊兩食 (2之2)

Day 4 :可以揸車入去睇動物：富士野生動物園Fuji Safari Park＋渥美半島遊 (2之1)

Day 4 :日本人渡假酒店體驗：伊良湖海濱渡假酒店(Irago Ocean Resort)一泊兩食(2之2)

Day 5 : 伊勢湾渡輪 (伊良湖去鳥羽) (3之1)

Day 5 :飼養種類約1200種，日本第一：鳥羽水族館＞麥當勞+鳥羽市內(3之2)

Day 5 : 新八屋溫泉旅館及晚餐 (3之3)

Day 6 : 相差海女小屋BBQ午餐體驗 (2之1)

Day 6 : 大阪天下茶屋小百合民宿(卡通片一樣的家)+商店街掃街 (2之2)

Day 7：三井LaLaport 堺 STUDIO ARC 影家庭照 (2之1)

Day 7：忍者堂忍者體驗 + 燒肉特急 (2之2)

Day 8 : Star Gate Hotel Kansai Airport (2之1)

Day 8 : Budget租車+Mega Donki+焼肉きんぐ+泉佐野漫遊 (2之2)

Day 9 : 大阪府立大型兒童館BigBang ，全天候室內遊樂設施 (2之1)

Day 9 : 浜寺公園，超好玩室外兒童遊樂場 (2之2)

Day 10 : 臨空城Outlet (1之1) ＞大阪關西機場 > 香港

2024年7月4日星期四

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】Day 5 : 新八屋溫泉旅館一泊兩食 (3之3)

今次行程都搵左好多比較少香港人會到景點，今次我地到左鳥羽南面一個叫石鏡町的地方，入住新八屋溫泉旅館的一泊兩食方案。

我自已好鍾意閒時睇下GOOGLE MAP，所以大部入酒店或者溫泉旅館都係果度搵到，有個名字之後，就睇下網上有無評論，之後就BOOK了。變相好多時我地BOOK到接待日本當地人為主的酒店或者溫泉旅館，有時令到我地都好驚喜。

今次新八屋都係咁樣搵返嚟，石鏡町一帶有好多溫泉旅館，而且景觀一流，新八屋亦都唔例外，每間房都係對住伊勢海海景。沿住海邊山路，好快就到新八屋溫泉旅館，免費停車場位於旅館下方。

沿返車上去，就係溫泉旅館正門

LOBBY位置好大，裝潢有點年紀，但我鍾意呢類型，溫泉旅館應該保留一點舊式的感覺。

酒店的小賣部，有手信紀念品出售。當日酒店客人唔多，連埋我地大約得兩三組。

旅館只有17間客房，而我地就住唯一一間専用露天風呂付のお部屋です「華彩庵」，華彩庵面積有「12帖＋6帖＋専用露天風呂」，入去之前會經過好有儀式感既走廊。

外邊仲有一個小庭園，好舒服

毛巾、浴衣房間內已備

旁邊有個休息空間，仲有專屬既按摩椅，好多年歷史，不過當年既日本牌子就係咁耐用。

行出去就見到風呂啦

好啦，跟住出去「専用露天風呂」，由房間伸延出去走道。

風呂旁邊沖身設施都齊哂。

調校水溫控制器

望住伊勢灣

除左私人風呂，當然仲有酒店既大浴池

使用時間6:00～23:30

來源名稱：新美里温泉

品質：鹼性單純泉

功效：神經痛、肌肉痛、關節痛、肩周炎、運動麻痺、跌倒傷害、關節僵硬、扭傷、慢性消化系統疾病、痔瘡、怕冷、病後恢復期、疲勞恢復、促進健康筆記急性疾病（尤其是發燒）、呼吸衰竭、嚴重貧血、惡性疼痛、腎衰竭、懷孕（尤其是早期/晚期）、晚期疾病或嚴重心臟病。

之後到晚餐時間，嚟到伊勢，當然要食龍蝦啦！所以今晚我訂左左「伊勢龍蝦和鮑魚菜餚保證！主廚精選懷石料理♪」

龍蝦好正呀！刺物非常新鮮，擺盆又有心思，蝦刺身上面落金箔，好鬼闊佬XP

用返鮑魚的肝汁做返醬汁淋上去，完全物盡其用。

通常日本訂溫泉屋，會輸入哂姓別、小朋友歲數，為的就係方便店家安排男女浴衣數量、小朋友餐點，小朋友的兒童餐都唔馬虎，炸物、熟食為主。

希望兩姐弟相親相愛落去啦～

當我地食緊晚餐既時候，佢地就係另一邊幫我地打點床舖。

由於房內已經有溫泉池，食飽就去浸，浸到夜一夜都得。

=====================================================================

經過一晚，第二朝起身，又再浸浸浸

早餐時間到啦，同樣服務超好、有禮的服務員嚟幫手打點、舖檯咁。我地都係自己房間入面食，周樣豐富，小朋友餐佢會盡量避開刺身，以炸物、漢堡扒等等為主。

新八屋溫泉旅館我自己超like，一來人唔多，二來環境靚，有私人風呂浸個夠，三來員工服務有禮友善，念念不忘。四來食物好味好新鮮，真正係伊勢食伊勢龍蝦。

後記：回港後某一天，收到一封電郵，原來由新八屋溫泉旅館send俾我，內客大致上表示擔心言語上的隔閡，怕招待不周云云，其實我地無呢個感覺，仲玩得好開心添 =) 真心推薦俾大家。