【生活分享】[2015聖誕新年親子特集 - 寄信給聖誕老人]4個步驟，step by step寄聖誕咭比聖誕老人(香港版)

上次我地教左寄聖誕咭去外國既聖誕老人，今次就教寄比我地香港既聖誕老人。每一年既聖誕節，本地都好多小朋友都想寄聖誕咭比聖誕老人，所以「香港郵政」都唔會令小朋友失望，會有職員義務手寫覆返比大家，而且仲係中文，倍感親切，瞳瞳一家亦都希望藉住呢個平台，多謝果班默默耕耘既「聖誕老人」!Thanks! 有你地，先可以Keep住個夢!

！！！記住，2015年係22號截郵！！！(每年都唔同架!)

即係話你要係22號當日郵筒收信時間之前寄，就「有機會」收到聖誕老人回信啦！

香港本地好容易既！開始。。。。。。。。。。。。。。。。。。

第一步：買聖誕咭

聖誕咭靚唔靚都無咩所謂，不過因為係「本地聖誕老人」，今次Size就可以隨意啦！

第二步：聖誕咭內容

其實寫咩都無所謂，我就留左一半空間比瞳瞳隨意畫畫，另一半就寫少少文字比聖誕老人，都係祝福語之類，大個少少既小朋友，都可以將你心事同聖誕老人講，話唔定佢會跟你內容覆架 =)

第三步：寫地址格式

認真，如果官方就係要寫「寄 香港郵政總局........」。 不過，童話故事就繼續讓佢童話落去吧!! 我自己就會寫「寄 北極聖誕老人」之類，放心，郵差會將呢D信分開處理，唔駛擔心。

寄 北極聖誕老人收

記得係信封背後寫「回郵地址」呀!! 唔係唔知點寄番比你 !

第四步：買郵票及寄信

最後一步，去郵局買郵票，記住都要郵票$1.7(2015年12月價錢)。完成之後就把信件投寄到平郵郵箱就可以了！(唔駛回郵信封)

回信了

每年香港郵政的聖誕咭都唔同，而且DESIGN都好靚，幾值得收藏!

有用資料: 

1. [2015聖誕新年親子特集 - 寄信給聖誕老人]4個步驟，step by step寄聖誕咭比聖誕老人(海外版)