【日本、東京、草津溫泉】2016聖誕節 東京+草津溫泉 七日六夜卡通親子遊 (準備篇)

 2017年，瞳瞳爸爸代表<瞳遊樂>祝大家新一年身體健康！事事順利！小朋友精乖伶俐！

本來呢個聖誕節行程唔係計劃之中，因為啱啱暑假先去完泰國，真係「氣都未回」，而且聖誕節旺季無論機票、酒店都貴，在上一年我地都完成左「2015大阪跨年5天親子遊」！

不過計計下，今年(2016)係瞳瞳既幼稚園最後一年(K3)，下一年就係小學階段，小學年尾一般都係考試/期中試多，之後未必可以在聖誕節長假出去外遊，我又好想帶佢睇下落雪，所以目的地都係選擇日本。仲有就係瞳瞳而家6歲，在日本6歲以下搭車不佔坐位係免費既，酒店亦一樣，6歲以下都唔會加床收錢，景點門票好多仲可以free。

既然係咁，我地就決定用盡埋6歲前的優惠。(嘿嘿.....)

我地聖誕節凌晨出發，先在香港機場同朋友講聲Merry Christmas

我地一家人去日本既次數唔多，之前兩次都係大阪，為左睇落雪，目的地較為北上，原本都有諗過北海道，但機票、酒店確實一票難求($$$$$$$$$)，反而首都東京真係未去過，所以今次決定去東京，再加埋一個入山區既草津溫泉(位置比輕井澤更深入，係我地可以睇雪希望)，去適合小朋友玩既主題公園/博物館，就促成左今次「2016 東京+草津溫泉 七日六夜卡通親子遊」啦～

我地今次揀既落腳點係新宿，主要方便我地未來幾日既行動，行街、搭車都方便，連２４小時的食肆都較多。如果你係第一次去東京，新宿係一個好好既選擇。至於酒店方面，因為我地中途要去草津，行李要放一晚在酒店，直到草津返出來為止，我後來發現，有部份新宿酒店咁樣放一晚行李係要收錢，後來揀左「新宿燦路都廣場大飯店」，一來佢為我地免費keep行李，二來好迎新宿駅，只係6分鐘路程就到，之後會慢慢介紹。

今次行程就都係輕輕鬆鬆，簡簡單單，飛機就凌晨機出發，所以第一日偷左唔少時間，好好用。另外行程當中部份車程都幾長下（例如新宿去草津溫泉大約３小時），用於交通上的時間就較多。

2016聖誕節 東京+草津溫泉 七日六夜卡通親子遊

Day 1　香港航空HX606 飛往東京成田機場 ＞　成田機場買「JR東京廣域周遊券」及乘坐成田N'EX到新宿　＞　新宿燦路都廣場大飯店　＞　午膳：池袋　無添壽司　＞　上野動物園　＞　燒肉放題：牛角　＞　聖誕節＠新宿　＞　飯店休息

第一次坐香港航空(HX)，感覺唔錯，服務好好呀！

第一個行程去上野動物園，行當地的公園，好似卡通片、日劇的劇情

Day2　酒店　＞　JR新宿駅買日本火車弁當　＞　新宿到赤羽駅轉「草津一號」到長野原草津口駅，再轉JR巴士到草津溫泉　＞　草津溫泉大阪屋（一泊兩食）　＞　下午茶：吾妻燒肉　＞　草津溫泉傳統文化體驗：揉湯　＞　漫步草津溫泉街、光泉寺、美食　＞　溫泉旅館休息

火車弁當一點也不馬虎，款式多，又好味！

火車上食弁當，好有風味呀！

我地在草津溫泉體驗獨有的傳統「揉湯」活動

雖然我地係草津遇唔到落雪，但有積雪在路邊，一樣玩得開心

Day 3　溫泉旅館 ＞　JR巴士到長野原草津口駅轉「草津二號」到高崎，快閃遊高崎駅，繼續新幹線去輕井澤　＞　輕井澤王子OUTLET　＞　輕井澤搭新幹線去大宮轉車回到新宿　＞　晚餐：日本麥當勞　＞　宵夜：日本特色～屋台拉麵

一個人的浪漫，在新宿街頭遇上屋台。

Day 4　酒店　＞　新宿駅坐小田急線到登戶駅轉藤子Ｆ不二雄博物館接駁巴士　＞　藤子Ｆ不二雄博物館　＞　登戶駅坐小田急線到多摩中心站　＞　午餐：拉麵　＞　Sanrio Puroland (第一次)　＞　日本火鍋放題：牛太　＞　宵夜：博多天神拉麵店

「人人期望可達到」，終於可以同叮噹等卡通人物接觸啦～

Day 5　酒店　＞　大黑屋　＞　東京迪士尼　＞　晚餐：「和幸」豬扒

東京迪士尼真係好大好大，多謝米奇老鼠同我地簽名

Day 6　酒店 ＞　Yodobashi　＞　坐小田急線到多摩中心站　＞　Sanrio Puroland (第二次)　＞　坐小田急線到新宿駅　＞　晚餐：磯丸水產

位於多摩市的Sanrio puroland，老婆終於同最鍾意的卡通人物 - Ahiru no Pekkle成功合照

磯丸水產手掌咁大隻的帶子同蜆

磯丸水產的店員，好開心呀～

Day 7　酒店 ＞　利木津巴士到東京成田機場　＞　香港航空HX609 飛回香港

之後行程係點，我地會慢慢出爐架啦～　誠邀大家眼睛去旅行～　亦可以計劃行程時作為參考～　待續～

延伸閱讀：

2016聖誕節 東京+草津溫泉 七日六夜卡通親子遊 (準備篇)

http://tungbama.blogspot.hk/2017/01/2016.html

2016東京+草津溫泉7日6夜聖誕卡通親子遊～「Day1 5之1：將更好的帶上雲霄：香港航空」

http://tungbama.blogspot.hk/2017/02/2016.html

2016東京+草津溫泉7日6夜聖誕卡通親子遊～「Day1 5之2：成田機場買「JR東京廣域周遊券」及乘坐成田N'EX到新宿」

http://tungbama.blogspot.hk/2017/02/201676day1-52jrnex.html

2016東京+草津溫泉7日6夜聖誕卡通親子遊～「Day1 5之3：新宿站6分鐘、交通便利、早餐非常豐富：新宿燦路都廣場大飯店」

http://tungbama.blogspot.hk/2017/02/201676day1-536.html

2016東京+草津溫泉7日6夜聖誕卡通親子遊～「Day1 5之4：新宿站先取未來兩天車票＞無添くら寿司@池袋＞歷史悠久的「上野動物園」」

http://tungbama.blogspot.hk/2017/02/201676day1-54.html

2016東京+草津溫泉7日6夜聖誕卡通親子遊～「Day1 5之5：暖暖聖誕牛角燒肉放題＞期間限定的溫馨浪漫燈飾＞日本剪髮初體驗」

http://tungbama.blogspot.hk/2017/02/201676day1-55.html

2016東京+草津溫泉7日6夜聖誕卡通親子遊～「Day2 3之1：出發去全日本排行第一溫泉～必食好味的火車弁當＞新宿到草津溫泉交通攻略」

http://tungbama.blogspot.hk/2017/03/201676day2-31.html

2016東京+草津溫泉7日6夜聖誕卡通親子遊～「Day2 3之2：全日本第一溫泉：「草津溫泉」+溫泉旅館 大阪屋（一泊兩食）」

http://tungbama.blogspot.hk/2017/03/201676day2-32.html

2016東京+草津溫泉7日6夜聖誕卡通親子遊～「Day2 3之3：吾妻燒肉＞草津溫泉傳統文化體驗：揉湯＞漫步草津溫泉街、光泉寺、美食」

http://tungbama.blogspot.hk/2017/03/201676day2-33.html

2016東京+草津溫泉7日6夜聖誕卡通親子遊～「Day3 2之1 溫泉旅館＞JR巴士到長野原草津口駅＞高崎駅＞輕井澤王子OUTLET」

http://tungbama.blogspot.hk/2017/03/201676day3-21-jroutlet.html

2016東京+草津溫泉7日6夜聖誕卡通親子遊～「Day3 2之2 輕井澤駅巧遇火車迷慕名弁當＞新宿晚餐：日本麥當勞＞宵夜：日本特色～屋台拉麵」

http://tungbama.blogspot.hk/2017/03/201676day3-22.html

2016東京+草津溫泉7日6夜聖誕卡通親子遊～「Day4 2之1：人人期望可達到～藤子·F·不二雄博物館(多啦A夢全面睇)」

http://tungbama.blogspot.hk/2017/03/201676day4-21fa.html

2016東京+草津溫泉7日6夜聖誕卡通親子遊～「Day4 2之2：日本平價門票專賣店-「大黑屋」介紹、為Ahiru No Pekkle而來，玩盡Sanrio Puroland+多摩市100yen店超好買+遇上地震經歷」

http://tungbama.blogspot.hk/2017/04/201676day4-22ahiru-no-pekklesanrio.html

2016東京+草津溫泉7日6夜聖誕卡通親子遊～「Day5：東京迪士尼樂園」

http://tungbama.blogspot.hk/2017/04/201676day5-21.html

2016東京+草津溫泉7日6夜聖誕卡通親子遊～「Day6：新宿站周邊散策-Yodobashi、和幸豬扒、博多天神拉麵、磯丸水產」

http://tungbama.blogspot.hk/2017/05/201676day6-yodobashi.html

2016東京+草津溫泉7日6夜聖誕卡通親子遊～「Day7：利木津巴士到東京成田機場」

http://tungbama.blogspot.hk/2017/05/201676day7.html