瞳遊樂 (八十後香港家庭的親子旅遊blog): 【台灣、台北】[台北酒店推介]台北車站附近、罕有附設浴缸的酒店

2016年7月25日星期一

【台灣、台北】[台北酒店推介]台北車站附近、罕有附設浴缸的酒店 - 蜂巢Bee House

抱歉最近這陣子太忙，忙得連4月復活節一個人獨力帶瞳瞳去的「台北之旅」都未寫出，要在現在7月底時才寫到，因為台灣真的是我們香港人熱門的外遊地，今年暑假又不知有多少家庭到台灣一遊，於是決定要快快趕起，好讓大家參考。

「台北」，去台灣就一定會黎過呢個大城市，一般坐飛機到達桃園國際機場以後，就會坐預先安排好的包車，或者好似瞳瞳爸爸坐巴士出台北市，大家都會以「台北車站」為終點，瞳瞳爸爸去左咁多次台北，都係只會揀「國光客運」到台北車站的路線，TWD $125/位，由桃園國際機場到達台北車站，中間只有一兩個中途站，坐位又舒適，而且行李會登記好，好放心。（瞳瞳爸爸聽過朋友話坐其他巴士會中途要求下車的經歷........）

至於酒店，如果兩口子或者一大班朋友去的玩，我會介紹佢地去西門町，因為夜晚多野行下逛下，而且夜生活同酒吧又多。不過今次得我同阿囡兩個，都係打算揀台北車站附近，一來交通方便、黎緊幾日行程靠哂佢；二來既然機場巴士直抵台北車站，唔駛再轉捷運又多幾個站去「西門」（西門町）。

國光客運很受旅客歡迎，大排長龍，希望日後機場捷運開通，選擇就多一點！

TWD 125 一位

本身瞳瞳有個喜好，就係「浸浴缸」，但台北有「浴缸」的酒店數量非常少，而且台北車站都係已發展地區，新酒店也少，以老牌酒店為主，尋尋覓覓下，終於搵到今次主角 - 「蜂巢Bee House」。

先介紹下「蜂巢Bee House」，佢係為天成飯店集團（好多去台北玩既香港人都聽過天成飯店）、台北花園大酒店聯手打造的一間時尚精品旅店。位置係當地人口中的「後車站」。咩係「後車站」呢？台北車站大家有概念吧！SOGO、太平洋百貨就是「前車站」，相反佢對面一帶的就是「後車站」，區比較舊，主要係批發市場為主，但同樣在台北車站旁邊而已！

紅框「台北車站」；車站下方為SOGO、太平洋百貨、西門町方向；車站上方為「後車站」、蜂巢Bee House

由台北車站到蜂巢Bee House

由國光客運巴士一落車，大部分人會落車即刻行入車站大堂，但其實你只要向車頭方向行，就會見到一部升降機，升降機會直到「台北車站地下街黃區」，非常適合攜帶行李既我地。到「台北車站地下街黃區」，所有出入口都係以「Y」字開頭（配合英文yellow吧），我地就搵Y13出口，沿途地下街入面有好多店鋪，賣鞋、衣服、內衣、玩具、雜貨、極多格仔店，唔好睇咁耐呀，會好耽誤時間架！去左酒店先啦～　XP

阿囡瞓左覺添。。。

「台北車站地下街黃區」，所有出入口都係以「Y」字開頭

由Y13出口直行大約5分鐘，就到「蜂巢Bee House」啦！「蜂巢Bee House」取其蜜蜂歸巢的概念，提供一個自然簡約的時尚住宿空間，並且以輕鬆不羈的氣氛與貼心完整的服務，來讓每位旅客留下一個難忘的住宿經驗。

行過酒店門口，如果唔細心留意，真係行過龍的！因為佢門口係佢附設的麵包店 - 「La Fusion Bakery 六國麵包坊」，由台北花園大酒店點心房主廚每日精心製作的各種手工甜點與麵包，隨時提供最新鮮美味咖啡與麵包。進入以後，就會見到「Garden Café」，亦係我地往後每天早餐的地方。接待處就在旁邊靜靜一角，佈局簡潔。