今次行程要去那須鹽原呢個地方，開展我人生的第一次日本自駕遊。
其實自駕我並不陌生，以前在台灣旅行都經常自駕遊，日本應該更加簡單D，因為駕駛方向、駕駛位置同香港都一樣，適應方面應該無問題。
我就係一個新手BB班，今次去完就同大家分享下點樣租車：
旅來網
起初我同好多新手一樣：「亳!無!頭!緒!」，於是嘗試係Google大神上打「日本租車」，就發現咗呢個網頁「旅來網」（網頁：https://tc.tabirai.net/）。佢好似我地平時訂酒店、機票的「Expedia」、「Hotel.com」、「Agoda」等等，佢會一次過比較哂全日本租車公司的價錢。
租車價錢係咪最平我自己就無研究，畢竟我今次時間緊迫，不過「旅來網」一個網站睇哂咁多間車公司，方便程度係我buy嘅（瞳祈爸爸個人最怕開幾個網頁睇咁麻煩），二來佢有中文繁體介面，一步步來唔怕訂錯！
揀好日子、出發及回程時間、取車地點、車型就可以了，我地租車及還車都係成田機場，如果租車係A地、還車係B地，要另收手續費的～
去日本自駕，以下幾樣嘢各位爸爸媽媽一定要租齊，唔慳得：
1. GPS：一個附有中文繁體介面的導航系統（我租的車公司仲有廣東話語音導航添）
GPS最好用電話號碼去搵目的地，所以大家預先要將目的地嘅電話搵好，日本一般酒店、餐廳、牧場、景點都好容易搵得到。如果車的GPS沒有，就要用手機Google MAP做導航，Google MAP已經十分強大同update，但要留意手機一定要可以上網同電量問題。
車上GPS同Google「揀路」上的分別，車上GPS會教你行大路為主，Google就會揀最短距離，有可能會帶你去鄉郊小路，對我而言又另一番風味。
2. ETC卡：ETC卡就好似我地香港過隧道的AUTOTOLL，主要係方便通過收費路段，不用停車付錢，記得在收費站行「ETC通道」，而租車公司的職員亦會為你安裝ETC卡在車上，不用操心。還車時會由職員收走，透過電腦即時知道路橋費，在租車公司Office即場一次過付款就可以了。
3. BB汽車坐椅：同樣地職員都會一早set好兒童座椅，我地拎車時已經見到在車上啦！豬小B兩歲人仔，就配咗一張「幼童安全座椅」俾佢，見佢都坐得幾好幾舒服，長車程瞓得幾淋～
嬰兒安全座椅：出生~1歲左右（體重0~13kg）裝設方向與行進方向相反嬰兒安全座椅
幼童安全座椅：9個月左右~4歲左右（體重9~18kg）裝設方向與行進方向相同
兒童安全座椅：大約3歲~7歲（體重15kg~36kg）直接讓兒童使用車輛配備的安全帶
日本道路交通法規定未滿6歲幼童乘車時，基本上都必須使用使用幼童安全座椅。
Budget租車公司
最後我地係「旅來網」揀「Budget租車公司」，起初租Sienta，但考慮到我地有機會遇到雪地，都係配備「雪胎」較安全，最後只能揀Jazz（成田機場站只餘下Jazz有雪胎）。
我地乘搭日本航空到達成田機場二號客運大樓，落機後，跟隨Email上的指示，到達出口B附近的JTB櫃台向職員報到（有AVIS/BUDGET的招牌）。
之後職員指示我地到「北口3」出外面，再過兩條馬路就到集合點，等待接駁車接我地到租車公司。
呢度提一提大家，雖然我地叫「成田機場」取車還車，但實際唔係機場取車還車，而係到機場附近的地方。上車前，職員再為我地核對資料，車程大約10分鐘左右，就到租車公司分店。
到達後和在場職員再核對多一次Booking，爽快地直接指出我地今次用的車，仲貼心地安排太太、小朋友、行李先行上車（天氣冷），我自己就去Office辦手續。
 |
| (摘自官網) |
 |
| (摘自官網) |
呢度用pad去簽約，繁體中文，一定睇得明，我轉登影低我架車入咩油，費事入錯。講起入油，又介紹下先，日本大部份的小房車都係入 #95 Regular 汽油，而日本大部份油站都係自助形式，即係要自己入油，大家如果係香港揸開車，油價就同香港差唔多，但係匯率兌換底下，仲有七折平。
見無咩blog講，我就講下個入油程序，我都係第一次咋，亦因為油站不可用手提電話拍低，容我「齋講無圖」XP
日本有好多加油站，價錢分別不算太大，所以對我地遊客而言，有需要就去駛埋去入油啦：
1. 首先將車駛去加油站油槍機泊低，打開汽車油蓋～
（如果知道汽車左定右係油缸口位置，最好將油缸位泊返油槍位置，方便入油，唔怕油管唔夠長）
2. 在油槍機上選擇，先切換去英文介面，方便根據指示。
3. 汽油揀#95 Regular（紅色）
4. 揀你想入幾多錢的油費、還是FULL(全滿)，我就揀FULL，無後顧之憂～
5. Payment我會揀俾CASH(現金)，未入油當然未知要幾多錢，好似港鐵售票機入錢咁，我會入10000 yen，今次經驗，10000 yen一定夠入，有多無少。
7. 完成後，佢會出張收據比你，上面有一個QR code，在油站入面有一部機係可以比你嘟QR code，之後找返錢俾你
（假如我入10000 yen，但入油只用了3824 yen，佢會退回6176 yen）
 |
| 7仔休息一下 |
講返部車，租車的時候係Jazz，後來換咗同級NOTE，聽朋友講NOTE比Jazz稍大和闊落，我地4個人+2件行李，剛剛好！之後由職員陪同再檢查汽車的四周，將本身有「損花」的地方紀錄好，確認裝上雪胎，咁就正式取車匙，我地出發啦！開始我地三小時揸車直到那須鹽原Hotel Epinard Nasu，我要趕及晚上2000的聖誕自助晚餐啊！
最後提一提還車要注意地方，行程當中一定係安全駕駛，車子完好無缺咁還車，仲有要「FULL滿油」還車，如果跑完長途還車，怕做唔到FULL的狀態，可以預早少少到租車公司，然後請職員幫你在GPS set附近的油站（以我地車公司為例，佢會有份附近油站的單張俾埋我地），加滿油之後再還車就可以了。
有用資料:
1. 旅來網
網頁：https://tc.tabirai.net/
2. Budget租車公司
網頁：https://www.budgetrentacar.co.jp/zh/
【日本、那須鹽原】相關文章:
(最後更新於23/12/2020)
沒有留言:
張貼留言