對我地來講簡直「晴天Pig Pig」，瞳瞳姐姐就好失望啦！不過我同瞳祈媽媽最後決定，堅持上去滑雪場，就算入唔到去，都希望係附近可以見到雪啦！
於是我地開車往山上走，途中就見到一個山邊的停車場，原來係當地一個景點：「殺生石」。隨行隨停就係自駕遊的好處，於是我就將車子駛去停車場停低，落車參觀一下，停車場旁邊亦備有乾淨洗手間～
一路沿木砌行人走道上山，半路聞到刺鼻氣味，原來正正就係硫磺，呢個位置係昔日溫泉挖取「湯之花」的地方，湯之花即是指沉澱在溫泉內之礦物。
殺生石故事：一位被稱為「玉藻前」妃子獲得鳥羽天皇的寵愛與信任，後來天皇得了怪病倒卧床榻，大臣們因此開始懷疑她，結果「玉藻前」的真面目終於曝光，原來是一隻來自中國的九尾妖狐，於是她便逃離京城，躲避到遠方。大戰兩天兩夜之後，妖狐落敗，在那須野被斬殺，它死後因怨念不散化為一塊巨大的岩石殺生石。據說殺生石對任何想要接近自己的人或動物都會發動攻擊或施以詛咒，它能噴出一種毒液和一種不明氣體，一旦不小心接觸到則必死無疑，可謂是觸之即死。後來會津元現寺的第一代主持玄翁和尚利用他的法力將岩石打成碎塊，才徹底消滅了妖狐的惡靈。在日本的許多寺廟裏至今還供奉着從那須野搬運而來的「殺生石」，以作為神物安放在大殿內。
好多由石頭砌出來的小土地神，每個都頭戴冷帽，可能怕佢地冷親～哈～
我地行去屋仔位置就返轉頭，佢係類似一個休息站
屋仔附近，我地發現了積雪，雖然唔多，但大家已經好開心，豬小B更加係第一次觸摸到雪。
離開「殺生石」，我們繼續開車，終於在路的兩旁看到積雪，好開心，於是我在一個安全地方停車，大家拍拍照、玩玩地上積雪。
再開車大約十分鐘，就到達「MT.JEANS那須」滑雪場，先在停車場泊好車子，我地行去滑雪場期間，見到不少當地人帶齊滑雪工具去玩。我記得上一次嚟滑雪場，已經係大阪附近六甲山的一次。
整個滑雪場的MAP。本來我地想去左下角的「兒童樂園」，就係正正當日佢無開到呀～
我地走進滑雪場主樓，見到店舖同食肆都有開，穿過去就到滑雪場啦！
在我地右手邊，應該係本來「兒童樂園」的地方，見到有圍網，原來滑雪場劃出了一個角落讓小朋友玩「雪兜」，只要自己在旁邊自已取雪兜就可以了。
瞳瞳姐姐就興奮不已
細佬豬小B仲叻，叫媽媽拉佢上去高地再滑下來
最後太貪玩，豬小B自已拉雪兜上去
我地二人都嚟個雪地留影先。
其實在滑雪場，甚至呢幾日係那須鹽原，體感溫度唔算好凍，反而幾舒服下！
兩姐弟玩咗好耐雪兜，之後再帶佢地係玩砌雪人～全個滑雪場播Let it go....Let it go....(Frozen)，再播最新的Into the unknown.....(Frozen 2) 令到一班小朋友好開心好興奮！
凍冰冰的BIG hug
最後講下去滑雪場，我地就真係純玩圑，純綷俾小朋友感受一下雪地感覺，記得準備一條「跣水」的長褲，避免跌落雪地成個pat pat濕哂！仲有「防水手套」，小朋友可以玩下雪，至於著的鞋，我覺得普通皮面波鞋就可以，行下雪地，不過要預備鞋會入冰變水濕哂，走的時侯記得弄乾就可以了。
我地一致覺得，今次比上幾年六甲山更加好玩，雪比較軟，人亦不多，空間更大更闊！
有用資料:
1. 「MT.JEANS那須」滑雪場
地址：〒329-3223 栃木県那須郡那須町大字大島
電話：0287-77-2300
傳真：0287-77-2311
網頁：https://www.mtjeans.com/winter/
交通：東京站→JR那須鹽原站(1小時15分鐘)→ 免費大巴※→Mt.JEANS那須
(※僅限預約客人)
滑雪場會受天氣影響而隨時關閉，要多留意官網消息
【日本、那須鹽原】相關文章:
(最後更新於23/12/2020)
沒有留言:
張貼留言