2019年尾，我們有一個突如其來的假期，於是好好把握這次外遊的機會。
瞳祈媽媽工作不定時，她在23號才獲公司告知全體27號可以放假，這樣我們便可以把聖誕節及星期六日假期連起來，展開我地25號聖誕節出發，到29號出發的5日4夜日本之旅。
12月尾冬天，和太太商量很久，究竟帶唔帶兩個小朋友感受落雪呢？北海道太貴，我們負擔不起，而且亦趕不及預訂行程。我地也知道落雪係自然現象，無得強求，我地最接近的一次睇雪，係2016年的「草津溫泉」之旅(＜＝可按連結重溫)，不過當時只有積雪，而沒有落雪。於是今次我決定「搏一搏、單車變摩托」，帶一家人去東京往北走的地方，希望可以遇上落雪啦！於是我就揀「那須鹽原」呢個地方啦！
「那須鹽原」又係咩地方嚟呢？等我簡單介紹下先，佢位於栃木縣東北部，栃木縣出名就係出產士多啤梨的地方（如果大家買日本士多啤梨的話可以留意包裝），入面可以細分為「那須」同「鹽原」兩個地方，主要以自然景觀同溫泉為賣點。至於當地「那須雞蛋」同「那須牛牛乳」，亦係當地的名物。
又講下「那須鹽原」有幾遠先，佢係東京向北海道方向走，如果乘坐JR東北新幹線從東京車站至那須鹽原車站約1小時15分鐘，不過我計算：如果成田機場去東京站都要1小時，再要轉車到那須鹽原，也要2小時15分鐘左右（尚有轉車時間未計）
既然去那須鹽原自駕比較方便，於是就決定展開我人生第一次日本自駕遊，由東京成田機場直接駕車去那須鹽原，Google大神告知需時2小時45分鐘，但不用轉折，一次過一程車就可以直達目的地。
23號太太告知有假期 ＞ 24號訂機票、酒店、book車、計劃行程 ＞ 25號 Xmas就出發啦！一切一切都怱怱忙忙之下完成...........
行程計劃：
25/12 香港＞日本航空＞東京成田機場＞到租車公司取車＞接近3小時車程＞Epinard Hotel Nasu＞Epinard Hotel Nasu 酒店內享用聖誕自助晚餐
27/12 星のあかり溫泉旅館＞那須高原＞千本松牧場＞Aeon Town Big Extra (午餐)＞Nasu Mid City Hotel＞Nasu Garden Outlet＞牛角燒肉（晚餐）
29/12 酒店早餐＞出發回東京成田機場還車＞國泰航空＞香港溫暖的家
那須鹽原親子5日4夜自駕賞雪之旅，準備出發啦！
【日本、那須鹽原】相關文章:
(最後更新於23/12/2020)
沒有留言:
張貼留言