一到宜蘭，沿路田野景色好靚，我地亦好快就到達「莎貝莉娜精靈印畫學院」。台灣各地都有唔同的所謂的觀光工廠，以我地香港來講就係活化，把原有產業去轉型，而且變得更有趣！
"莎貝莉娜SABELINA"品牌名，引自安徒生"拇指姑娘"童話，因為拇指姑娘精緻靈巧、優雅美麗的意思。呢度以製造印台、推廣「手印工藝」為主，佢地出產的印台系列產品，已經發展到可以印落去：紙、布、木、陶瓷等材料質地，亦生產出多樣色彩印台。兩者配合下，我地就可以用一個簡單的印台同色彩結合，去做出好靚的手工藝品啦！
門口有停車場可以停車，我地到達正門，先買入場劵每人50元，呢50蚊係可以抵償入面任何消費，即係如果入面有紀念品係100元,咁你出示門票+50元就可以買到啦！所以呢50元基本上係送比你咁滯！！
 |
| 「莎貝莉娜精靈印畫學院」門口，已經見到搶眼圖案。 |
館內主要分為展覽同工作室兩個地方：買左入場劵之後，就會有導賞姐姐講解一下館內展品，入面佢地同好多藝術家合作，作品有畫、音樂盒、木板、布袋甚至音樂盒。
 |
| 導賞姐姐正在講解中 |
當中佢帶我地睇一張藝術世界地圖。但原來行埋去一睇，係用彩色的印台去併砌出嚟架！
文章前面，瞳瞳爸爸介紹過入場劵可以用左去既，我地精打細算計過，就係參加佢地DIY課程用左去就最抵啦！一來有DIY體驗，二來又有獨一無二的紀念品帶返屋企丫嘛！我地三個人就揀左實用的布袋系列：「水袋」、「斜揹袋」同「筆袋」。
揀好左想做咩之後，就帶我地入去工作室，為我地準備材料同用具，仲安排老師教我地點樣去做喇～ 其實老師講得清楚易明，工具又簡單，最緊要係記住步驟，人人都好快變成藝術家，擁有自已的作品啦！
 |
| 光潔明亮的工作室，好多人已經做緊 |
 |
| 就係呢個小小水晶印章啦 |
 |
| 我地做印畫的工具 |
 |
| 我都得呀！ |
係啊係啊！！心水清的你，可能會問。。。
「點解唔見咗細佬豬小B祈祈嘅？」。。。。。
放心放心，館內設有「爬爬區」，可以比年紀較細的小朋友係呢個安全區域玩，四圍爬來爬去，今次我地剛好有台灣好朋友Ann姐一家替我們代為照顧，所以我地做DIY玩得好放心，豬小B又有地方放電。
有用資料:
1. 莎貝莉娜精靈印畫學院
地址：宜蘭市梅洲一路16-3號
營業時間：週一 - 週日: 9:00 - 17:00
客服電話：03-928-5563
傳真：03-928-5561
客服信箱 : craft@sabelina.com.tw
入場須知：
1.營業時間：週一至週日，上午9點至下午5點（颱風天 休館時間依宜蘭政府公佈標準為準）
2.入場收入場卷費用50元。（90cm以下免費入場）
3.入場卷可抵DIY課程費用(一張入場券限抵一項DIY課程) 或消費
4.DIY課程採預約制，團客（20人以上）請於3天 前預約
5.學校團體體驗課程請於7天前來店預約
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
