瞳遊樂 (八十後香港家庭的親子旅遊blog): 【台灣、宜蘭】2018玩盡宜蘭六天親子遊：白米木屐館，體驗穿木屐之旅

2018年8月1日星期三

【台灣、宜蘭】2018玩盡宜蘭六天親子遊：白米木屐館，體驗穿木屐之旅

離開民宿，我地一大早就到白米木屐館。白米木屐館位於宜蘭縣蘇澳鎮山上，去到附近要留意，因為馬路邊有一列商店都係標榜「木屐」，亦有熱情的店員「拉客」，不過白米木屐館只此一間，唔好去錯啊！在木屐村對面就有數個路邊停車位了。

入去之前，和台灣其他觀光工場一樣，我地買門票入場如下（2018）：

1.全票150：一般參觀民眾
2.優惠票100：宜蘭縣民、75歲以上民眾（憑身分證明）
3.免費：身心障礙者（持身心障礙手冊）、身高115公分以下或3歲以下兒童、蘇澳鎮鎮民（憑身分證明）
4.備註：門票包含館內導覽、附贈玲瓏木屐鎖圈DIY體驗一份。門票既售出，恕不退換。

我地由導賞姨姨帶領住，一開口已經令我地好震撼～～識講～廣～～東～～話！😃 咁我地就易明、投入好多了。

導賞姨姨問我地自身有沒有毛病，原來跟住落嚟叫我地穿木屐參觀，我地三個都換上木屐出發（豬小B無份😜）

我地由門口出發，先介紹做木屐的原材料同工場，從一對木屐誕生開始，原來一對木屐係由相同一舊木所裁成。

之後我地搭升降機上去最高一層（估唔到展館內有升降機😂），先睇一段片段介紹白米社區同木屐之間的關係。

了解過後，我地就參觀各種不同特色的木屐，例如白米社區土地公神誕出巡，土地公就會穿著為衪特製的木屐在社區行行走走，據說所到之處會帶來祝福。

之後導賞姨姨帶我地落下一層，果度係DIY工場，大家可以體驗一下做木屐的工序，扮做一個木屐師傅。😁因為要用上機器，所以由瞳瞳爸爸親身示範！

做木屐剩下的木塊，師傅們都無浪費，物盡其用，可以用來做墨水筆。

前面果D體驗都係要對住機器，所以比較細個的小朋友就可以玩做呢樣體驗：「DIY木屐鎖匙扣」。由導賞姨姨指導，利用簡單的工具，將心愛的圖案打印落一塊皮革上，然後再塗上顏色、風乾、搽Lotion，最後交俾師傅幫我地釘好同寫字，咁就大功告成啦！過程大約30分鐘。瞳瞳拎起工具都有板有眼架，見到佢好用心、好專注咁做，作品完成果下佢好滿足！