宜蘭好山好水，我地只係嚟左幾日已經確實感受到！我地揸車沿路都係阡陌田野，屋的密度又無香港咁高，放眼都係青蔥一片，好舒服，連眼球都放假呀！
今晚我地住的地方係「傳藝渡假會館」，佢位置其實係「五結鄉」呢一個地方，我地都係跟GOOGLE出發，架車係農田當中的鄉村小路走來走去，對我而言都係駕駛的樂趣！
到達傳藝渡假會館後，門口有地方可以泊車，民宿主人出來迎接我地同打點車位，然後就帶我地到大堂同介紹所有設施，呢度的規矩入屋要脫鞋，大家可以自由選擇穿由民宿提供的拖鞋或是赤腳也可以，好似回家一樣，RELAX~😅
大堂非常闊落，左右各有一個大廳，亦有果汁供應客人享用，非常貼心。
傳藝渡假會館僅樓高兩層（地下 & 2樓），而且只有10間房，所以訂房真係「手快有、手慢無」，再者入住人數有限，所以服務也非常好！我地今晚住的房間安排在2樓的「夕陽四人房」。
打開房門！嚇人一跳呀！！好好好好好好靚呀！特大的隔熱玻璃，令我地無阻礙地盡情欣賞附近的田野景色，加上正正住在田野同河流之間，絕對感受到「被大自然包圍」的感覺。
我地一家人在窗邊靜靜觀看河上的水鴨、雀鳥的動靜，又花了半個小時。😅
房間內設施都一應俱全：冷氣 、風筒、電視（當晚瞳瞳爸爸睇到世界杯決賽😎）、獨立淋浴間（企缸）、毛巾等。面積好大，仲夠地方擺放日式的檯椅在房中心，我地4人一齊再擺埋行李箱唔見覺迫！
民宿主人好細心，知道有豬小B，特別為我地安排沖涼盤、矮凳同清潔套裝。
仲有紫外線奶樽消毒機、暖奶器等，位置在地下餐廳，如有需要，可以來用呀，所以小Baby來絕對無問題～
我地2/F有個空間，叫做「第二景觀客廳與和式趣味空間」，大家可以當做一個交誼廳，瞳瞳爸爸就覺得好有禪意，如果係度打坐冥想，可能會有所得著。
我地出去外面行下啦！傳藝渡假會館外圍主要係園林景色與植物，一花一草一樹都精心設計同佈置，漫步其中，感覺舒適。
民宿仲有一個屬於自己的湖（佔地超大），仲備有小艇，可以免費玩架！記得穿救生衣玩呀！個湖仲可以約魚，釣具可以問民宿主人借用，當日我地都見到有人約魚添～
瞳瞳就鐘意留係沙池玩，堆下沙，民宿已備有挖沙工具，小朋友一來到都急不及待挖挖挖挖挖挖。。。。
因為四處是鄉郊，所以我地特別請民宿幫手安排晚餐，換言之我地今晚晚餐就係民宿度食啦！晚餐安排係傍晚六點，我地準時到地下的用餐區用餐，晚餐有3餸1湯，好豐富呀！今晚有青蔥蘿蔔湯、蒸海魚、三星蔥蛋餅、溫體豬肉及清炒莧菜。食材全部由自家奶奶種植或由鄰居購來，所以沒有固定菜單，直到上菜之前我地都未知有咩食，好神秘，因此次次都有驚喜。民宿主人好自豪介紹給我們每一道菜的來歷，佢將當地最好、最新鮮、最當造的拿出來給我們用。我們也感受到她們的熱情，也對自己住的地方有一種愛。
味道非常好味，我地都食唔停，強烈推薦大家試下當地人煮當地人種的晚餐。
早餐也是在前一天晚餐的地方進食，大家都是吃一份份的套餐，不過也非常豐富，配料很多，有湯、粥、沙律等，至於飲品：咖啡、紅茶、奶茶、果汁、豆漿及水果等也可以自由取用。民宿幫豬小B都有自己嘅粥粥食，好開心呀～😆
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
沒有留言:
張貼留言