蓮花：「出淤泥而不染，濯清漣而不妖」
起初睇到宜蘭朋友介紹的行程，出發前我心目中的畫面係：我同阿囡在池塘上泛舟，然後划船到有蓮花的地方，彎腰低身就可以輕輕一摘。。。。。。
但原來。。。。。。並不是這樣
我地父女二人係要換衣服落池塘採摘蓮花呀～
。。。但原來係好好玩架！😁
我地跟住手機GPS定位，就到達「御品蓮休閒農莊」，門口有個小小的停車場，因為我地有預約，所以農莊主人係門口已經等待準備招呼我地。其實停車場旁邊就已經有個池塘，主人話一陣我地就係呢個池塘採蓮花，我立刻瞄一瞄，唔見小艇既？
我地帶到小屋入面，主人就叫我換衫！下！咁大整古呀！好彩，我地唔駛「大換衫」，大人就只係外面加上一件好似賣魚勝同豬肉榮咁既裝束，小朋友就換上佢安排的襪，帶埋頂帽，就可以準備落池塘啦！
大人裝束
小朋友裝束
出發去了，我地同農莊主人動作幾咁一致
呢度的蓮花係有機種植，所以好放心落池塘，我地首先慢慢由塘邊落去，一踩！係淤泥，水唔深，未到膝頭，但我地已經寸步難行，因為吮住對腳，瞳瞳著住襪直接踩落泥中，又係一個好體驗！我地在主人的指示下，就用佢教我地既技巧去採摘蓮花了，我地都收穫左3至4朵，本來池塘中心仲有，但我地行唔到咁出啦～哈哈！！
呢個時候，農莊主人拎出一個魚網，竟然叫我地玩下捉魚仔，池塘入面真係好多魚毛仔，我地係採摘蓮花果陣已經見到，今次有竟然有埋工具，我地又玩左一陣，好開心，香港唔會有咁既體驗。
農莊用我地剛剛採的蓮花來泡茶，茶好香好清新，浸泡果時花瓣仲慢慢散開添。好甘香，消暑一流，尤其啱啱玩完戶外活動，來一杯正好！農莊主人說，一朵蓮花可以用熱水泡來回3至4次都不會淡味！
之後竟然拎出－「蓮花雪糕」（真正的蓮花杯😂），原來蓮花都可以當材料做雪糕，好有蓮花香，味道超好味，勁有口感。大家真係要嚟試一試！！
呢度仲有蓮花做的蛋卷、茶餅等等，而家先知原來有有咁多用途！仲有蓮花花蕾的底部，可以唧出啫喱狀膠質的物質，對皮膚來說有非常美好的功效。
最後，農莊主人好熱情咁教埋我地食蓮子，即刻生剝，只要唔食中間條「芯」，咁就唔會苦架啦！
農莊主人話佢一共有5大片呢類池塘，但暫時只開放1個塘來做生態教育。所以大家有機會一定要帶小朋友來落下水，香港太過城市化，根本無機會可以咁樣落去接觸大自然，所以出來旅行要玩ｄ平時無得玩的項目，咁先正架嘛！😎
有用資料:
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
沒有留言:
張貼留言