今次係我地宜蘭最後一站：星源茶園，為「2018玩盡宜蘭六天親子遊」劃上完滿句號。你可能會問：「去茶園好悶喎！」「又辛苦！又曬！」。但其實呢個茶園有好多估你唔到咁多野玩，可以親身打扮成小茶農，仲可以DIY整冰淇淋添！DIY整冰淇淋？？？？係呀！只需按照步驟，二十分鐘左右就有美味雪糕食啦！
最後一天，我地一家人到達－星源茶園，茶園主人Stella已經在門口迎接我地，Stella十分年輕，估唔到年紀輕輕既佢已經係一大片茶園的揸fit人之一！落車已經可以望到面前一大片茶園，唔駛急，先入內坐定定先，了解下我地今次玩D咩 ^^
茶園主人Stella一邊奉上荼園沖的靚茶給我們一家品嘗，一邊聽佢娓娓道來茶園的故事：「星源茶園」是Stella丈夫和他老爺二人各取一字命名做紀念，現時Stella和他先生二人打理，希望好好保存同推廣茶園事業，加入DIY茶味冰淇淋是突破傳統茶園的行程，變得更加有趣。
講返杯茶，好好飲！正值夏天，奉上的是凍茶，好消暑！好啱飲！連一向對茶無咩興趣的瞳瞳，都飲咗好幾杯！我自己都一杯接一杯，味道清淡，沒有苦澀味，好順喉！
Stella茶園的茶，都拎過台灣國內不少的獎項，真正「舉目皆是」。Stella亦和我地簡單講少少的茶葉知識，佢地種的係平地茶，並非一般的高山茶，平地茶價格就比較親民，收成期較多。
之後就講下今日玩咩啦！
先為瞳瞳打扮做小茶農＞落田親手採茶＞DIY茶香冰淇淋
小茶農打扮的瞳瞳，有帽、頭巾同採茶的小籃子，有齊呢D「道具」，一陣採茶影相就一流啦！
我地落茶園啦！天氣好好！係Stella教導下，我地開始採茶！唔講唔知，原來採茶唔係就咁「搣」架，係要有一個「手勢」先可以靚靚地摘取下來又不損茶葉。
在採茶的過程，每次都會遇上大自然驚喜，來上一堂自然課啦！
茶與茶葉，自己親手摘的感覺又不同
填滿茶葉的小攬枕，加上枕套的特色圖案，豬小B好鍾意呀！
之後就係戲肉：DIY shake shake茶香冰淇淋
Stella好細心，所有工具都好整齊、整潔，而且會貼上中文，只要你一步一步跟住佢，就唔會有錯。
首先將「鮮奶」同「鮮奶油」調好（有紅、藍線做提示）
然後加上綠茶粉，味道濃淡就個人喜歡啦～
調好之後，把盒蓋好，再用膠紙實實地將蓋貼住！
將膠袋放入大桶，放入冰塊＞放入鐵盒＞再填滿冰塊＞加上海鹽，目的就係將佢急速冷凍
紮好之後，加上保護套，就唔怕凍親雙手！之後大家開始shake shake啦！咁要幾耐時間呢？活潑鬼馬的Stella話安排三首節拍強勁的快歌比大家，歌曲完畢，就是完成的時候！給果大家係佢一聲令下，開始shake啦！好好玩呀！！！！大人細路一齊shake！
三首快歌的時間，大約共十分鐘，我地打開睇下成果啦！好緊張呀！成唔成功呢？
成功呀！！！我地自己做的冰淇淋！！上面一層已結成霜，好神奇呀！再加上係由自已親自一手一腳做，特別好味！
旁邊有茶園手信區，可以將茶園的靚茶帶返香港
真係好開心，因為可以體驗香港無的採茶過程，而且佢既活動有室外，也有室內，一D都唔悶，最後的DIY做茶香冰淇淋，最緊要小朋友玩得開心，最後又有得食丫嘛！當然要歸功Stella，因為佢好nice同搞笑，如果大家下次去，可以同佢預約呀，而且Stella識講英文，可以做英文介紹，外國朋友仔都可以來呀！
有用資料:
1. 星源茶園
營業時間：早上9:00~下午4:00
地址：269宜蘭縣冬山鄉中城路115號
電話：+886 3 958 8947（請先預約）
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
沒有留言:
張貼留言