今早行程我地安排係去划船，船，其實就係獨木舟
香港人來到台灣玩獨木舟？唔係嘛？台灣有獨木舟玩架咩？
係真架！仲要好好玩添！😃
地點係冬山河，冬山河都係宜蘭一個出名的地標，就好似我地香港城門河咁，不過冬山河河道較闊，而且兩邊都甚少建築或者高樓大廈，仍然保持自然氣息。
出發前，收到神秘指示，我們要到一個叫「五結防潮閘門」的地方集合，無問題，反正我地GOOGLE就是，之後沿GPS指示，一直抵達目的地。
打電話聯絡上我地今次既教練Marco，原來佢正行出來接我地，本身我地可以泊落去河邊碼頭位置，不過因為潮漲，所以私家車就唔可以開落河邊啦～
事不宜遲，今次瞳瞳爸爸報名係初體驗，行程大約1小時（課程報名：https://www.rivercanoe.com.tw）
我地行到碼頭，教練Marco首先介紹一下冬山河的水文情況，因為佢多年在河道上划船，所以對河道瞭如指掌，然後就教我地著救生衣，原來著救生衣都有學問架！救生衣係激流用的版本，安全系數更高更放心！
之後我地由教練帶領做熱身運動
同埋講下點樣揸槳同遇事緊急狀況的應對方法
好！教練！我地準備好啦！可以出發！
真正出發啦！河道非常平緩，沒有大風浪，河的盡頭就係大海，亦因為咸淡水交界，所以生物特別多，好多魚係河面上跳來跳去，原來都試過有魚誤跳左上船架～河水好清，沒有污染，我放手落水，好涼好舒服～
教練全程緊隨我地，所以非常放心！
我開始稍為掌握到技巧，教練Marco就話要帶我地去「探險」！！好刺激咁～好！一於照跟！
原來佢帶我地闖入對岸的蘆葦草堆中，如果無佢的話真係睇唔出入口係邊，入到去見到有候鳥，不過最難的要係蘆葦草堆中穿梭，正正係「山窮水盡疑無路，柳暗花明又一村」，不過最大經歷係瞳瞳在船頭成日「食草」，好搞笑！！
 |
| 瞳瞳「食草」喇 |
最後，1小時既行程真係好快就完結，我地好唔捨得，尤其係我啱啱先掌握到划槳的技巧。
提提大家一定要帶：防曬、帽子、水、太陽眼鏡上船😃
小河生活獨木舟仲有一個大約3小時的行程：獨木舟到出海口，之後上神秘沙灘，還請大家幫忙到沙灘上執垃圾，我覺得更富意義同教育意思！
有用資料:
1. 小河生活獨木舟
地址：冬山河上
電話：+886 975 816 475（需預約）
電子信箱 : elandcanoe@gmail.com
Facebook：https://www.facebook.com/rivercanoe/
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
沒有留言:
張貼留言