我地行程差不多到尾聲，所以今晚會係我地宜蘭之旅的最後一晚，瞳瞳一家都非常唔捨得呀。宜蘭好山好水好地方，真係令人難忘。
我地最後一晚會住惠欣綠花園，前文介紹過陀陀螺TOTOLO，陀陀螺TOTOLO其實就係惠欣綠花園入面，惠欣綠花園本身就好似一個大花園，一個「民宿＋綠花園＋咖啡廳」的三合一組合，滿足哂三個願望。
先介紹惠欣綠花園的多肉植物體驗：多肉植物是指植物能在氣候或土壤乾旱的條件下擁有肥大的葉或莖，最為人熟悉的「仙人掌」就係其中一種啦！佢地特性就係淋少少水亦可以生存，所以瞳瞳爸爸返工Office入面，都有好多同事種植呢類多肉植物，貪佢地易打理丫。
我地入場之後，安排去到一間有冷氣的課室，由老師教做DIY，今次自已先設計一個盆栽，之後再按次序放不同的泥落去，最後完成一個靚靚盆栽。我地真係好羨慕台灣的朋友，佢地可以帶返屋企繼續栽種，但因出入境條例，我地就只好放在欣賞區比遊人欣賞啦！
先揀心目中想栽種的多肉植物，因為唔同的品種大小，所需要的花盆大小會有不同。
之後我地揀一個小花盆做水彩裝飾，瞳瞳同瞳瞳媽媽一齊畫，沒有限制主題，純粹發揮創意。
先鬆上底色，用風筒吹乾，再畫上喜歡的圖案！兩位加油！
我們慢慢放入養土、翻土、壓土、擺放小石裝飾等等。。。。
完成了，我們就放在欣賞區好好給參觀者欣賞
惠欣綠花園民宿
多肉植物教室的旁邊，就有一道門通往民宿。不過去民宿之前，就要先去陀陀螺旁邊的咖啡店，因為民宿key要係呢度拎，仲有翌日早餐，都係嚟返呢個地方食。
住開民宿的你都會知道，民宿大多沒有升降機，所以瞳瞳爸爸建議大家，最好換成hand carry，只帶當晚要用的東西上樓，其餘的放在車上，咁就唔駛拎得咁辛苦啦！
嘩，一步入民宿就嚇一跳，我估唔到台灣民宿有泳池，而且係一個都叫大的泳池。呢種長長的泳池就似泰國的Villa，我地上房間頓好之後，就立即和瞳瞳同豬小B一齊衝向泳池，佢旁邊仲放左幾個水泡、浮板可以比大家玩。
水質都唔錯，因為當日得我地一組，未見有其他客人，所以尚算闊落，進行七月份的第一個「夏水禮」，YEAH！
起初豬小B有少少怕水，我先在泳池樓梯陪佢拍下水，然後佢就開始大膽自己拍水啦～至於瞳瞳姐姐，經過一年小一的生涯，在雨川小學上的游泳課，似乎都學有所成，自己靠住浮板游到啦！
兩姐弟，好溫馨
民宿分為地下，二樓及三樓，入屋要脫鞋啊！地下有一個大廚房，不過係留宿員工專用的，不要打擾。另一邊就係休閑區，有舒適梳化、大電視。
休閑區
上到房啦！房間好大，呢度左右兩邊都有窗，兩邊景色都見到，亦因為佢係鄉郊地方，附近無咩高樓大廈，視野十分開揚。
房間十分舒適，我地今次係四人客房，有兩張特大雙人床，又大又舒服！一般的大電視、熱水壺等一應俱全，大到就連衣帽間都有。
洗手間為企缸，因為我地有豬小B，民宿特別安排澡盆比我地，好細心。坐廁係日式的馬桶，毛巾、沖涼液、洗頭水等等都齊哂呀！
晚上，四周都係田野，非常寧靜，走出露台，一家四口望下星星，好開心呢～
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
沒有留言:
張貼留言