繼續利用GOOGLE找出玩的瘋Wonderful親子廚房所在，車子一到達，我地一家就被大草地所吸引，一片綠油油的草地，就在餐廳平房前面，地方好大，真係想即刻落車跑下草地！
為了大家可以盡情享用餐飲同設施，所以呢度會分為兩個埸次：
🔸上午場次為11：00－13：30 🔹下午場次為14：00－16：30
招呼人數有限，才可以玩得不過份擠擁
瞳瞳爸爸就建議大家最好先預約，可以避免摸門釘，雙方都有預算。😁 餐廳室內地方有空調，環境舒適，而且配合大大的落地玻璃，可以方便家長觀察在外面玩耍的小朋友，真貼心！
話明係親子餐廳，當然有小朋友最鍾意的兒童餐點，我地點左一個兔兔咖哩飯，咖哩不辣，似日式甜咖哩，口味甜甜的，加上兔仔造型，瞳瞳好鍾意呀！
我地點了餐飲水果茶、凍咖啡，炎炎夏日非常舒暢～
肉醬意大利麵，非常好味！
燻雞蘑菇披薩～足足８吋大，而且係手工pizza，足料，餅底亦脆。
白雪公主下午茶杯壺組合～有三樣食物，當日精選蛋糕（芝士餅）＋奶茶＋小糖果，留意下白雪公主個頭，其實係一隻茶杯嚟架！幾得意！公主控的朋友不能錯過呢set咁優雅的甜品！我地食飽飽，最後嚟呢份甜品做總結就啱啱好！
食飽飽咯～呼～
室內有一大塊Lego牆同電視遊戲機玩，各適其適，年紀稍大的小朋友都可以照顧到～
大人小朋友係玩的瘋Wonderful親子廚房，可以安心食、安心玩，而且如果你一大班朋友來的話，Rachael 可以安排包場的，到時可以成班朋友獨享呢片小天地，在旅途之中大家找個位置聚一聚。😁
有用資料:
1. 玩的瘋Wonderful親子廚房
營業時間：https://www.facebook.com/wonderfulYilan/ (留意facebook公佈)
地址：宜蘭市金泰路 62 號
電話：+886 3 922 9268
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
沒有留言:
張貼留言