【台灣、宜蘭民宿】2018玩盡宜蘭六天親子遊：飛天小火車出發啦！米妞的假期～

真係無諗過民宿，可以玩到咁盡！

小朋友可以安安全全玩到癲，大人又唔駛擔心，本來呢間宜蘭民宿真係想自己收收埋埋，唔忍心介紹，生怕下次full booking無得嚟玩😍　但有好野，唔想自己收埋，都係同大家分享，唯有下次自己要早點book！XP

「米妞的假期」位於宜蘭的冬山鄉，鄰近冬山火車站，當然揸車自駕或者包車會比較抵玩，一車直達，而民宿就係一大片綠油油的田邊～

民宿主人大門等候著我們。由地下推開大門，瞳瞳真係想大叫（我見佢好努力忍住），地下大廳已經有一個小火車造型的滑梯，小朋友見到點會唔興奮呀？直情想撲出去玩～

米妞的假期有地下、一樓同二樓：首先介紹地下，一個大飯廳加廚房，地方好大！左手邊的飛天小火車，其實係一道滑梯，小朋友固然玩得開心，火車底下面係小朋友的玩具角，有小廚房扮煮食物、亦有一間小食店、又有圖書角，瞳瞳同豬小B兩個玩得好開心，我地亦都好放心比佢四圍爬爬走。

飯廳有長長的飯桌，中間有個BB窿，好趣緻，餵豬小B食野就一流啦！

末端係廚房，所有刀、叉、碗、碟、雪櫃、水煲、多士爐、咖啡機、冷熱水機等等，通通一應俱全，而且民宿主人好貼心，有好多溫馨提示提大家，方便大家使用設備。

翌日的早餐，民宿主人會安排放在雪櫃內，自己取出來做多士就可以了。

民宿地下仲有「乾衣機」，方便我地清洗同替換呢幾日的衣服，救我地一命啊～

米妞的假期只有六間不同的主題房：「小湯寶」、「小城堡」、「小旅行」、「小樹屋」、小公主」及「小畫家」，房內都有不同主題的滑梯，所以房入面小朋友亦都玩到飽，真係好開心！

房間數量有限，預訂房間大家要快手啦！手快有手慢無～

我地帶大家睇下睇兩間房丫，一間係「小樹屋」，另一間係「小城堡」。我地睇「小樹屋」先，知道小朋友都係著眼滑梯，所以我地就由瞳瞳示範滑梯比大家睇～😜

呢間就係「小城堡」，一樣好funny架！

至於我地就住係「小湯寶」，大家快快來睇下啦！我地因為有豬小B，所以民宿主人安排好bb床比我地。湯寶，就是我地Thomas的意思，火車頭呢～呢間房的主題就係「Thomas火車頭」，色調以藍、白色為主，亦有不同的Thomas火車頭裝飾擺設。

滑梯上面其實都係一個床位嚟架，結果瞳瞳果晚就係上面瞓啦～

下面有個爬爬區，有圖書角、有小玩具，兩姐弟最鐘意係度玩～

房間內浴室都一應俱全，而且有浴缸，想浸浴的小朋友就開心哂啦！

最特別房間內係無電視提供，呢個係民宿主人專登的安排，希望入住的家庭，可以有一天半天遠離「螢光屏」，大家專心盡情地玩，享受一下民宿的設施。

晚餐我地就揸車出去冬山市區冬山路食飯，果度已經集中咗好多餐廳同埋7-11便利店咁，方便補給同買零食返民宿。

米妞的假期，一間可以玩到盡的民宿，小朋友玩得開心，大人放心～　脫離無螢光屏的空間。房間可以玩，大廳又可以玩，處處感覺民宿主人的細心，放眼望出去盡是綠油油的田野。飛天小火車要出發啦～大家都來玩啦！



有用資料: 

1. 米妞的假期

地址：宜蘭縣 冬山鄉富農路一段229巷69號

電子信箱 : cestmignon69@gmail.com

網頁：http://www.cestmignon-bnb.com/

電話：0953516906 (9:00～12:00、15:00~18:00 才有人接唷！)

以下係我地2018年夏天去台灣宜蘭六天行程，歡迎大家參考😁😁😁😁

第一天　香港飛台北

住宿：台北車站附近、罕有附設浴缸的酒店 - 蜂巢Bee House

第二天

大人小孩一齊化身藝術家，莎貝莉娜精靈印畫學院

親身落池塘同囡囡玩，蓮花造的雪糕食過未？御品蓮休閒農莊

住宿：180無敵太平洋海景民宿，看海．聽浪～窩在懶洋洋

第三天

好玩又環保～小河生活獨木舟，冬山河划船體驗

進入一個「畫」與「畫框」的世界～畫框博物館

有得食有得玩，天氣瓶x噴砂玻璃杯x紙飛機發射器，大風吹手作輕食館

住宿及晚餐：在阡陌之中住宿、享受當地私房食材～傳藝渡假會館

第四天 

白米木屐館，體驗穿木屐之旅

擁有大大草地、玩水池的宜蘭親子餐廳～玩的瘋Wonderful親子廚房

住宿：飛天小火車出發啦！米妞的假期～ 

第五天 

玩盡台灣，包車首選～小宋-台灣輕鬆趣&親子旅遊包車團隊

早餐：自家製麵包、手工優格健康素食店「活力泉源」

全世界第一間指尖陀螺主題館～陀陀螺TOTOLO

住宿：多肉植物體驗＋泰國式Villa泳池民宿～惠欣綠花園

大過手掌的JUICY雞扒～宜蘭名醬堂醬燒雞扒

第六天 

生鬼有趣、大人細路DIY茶香冰淇淋～星源茶園