 |
| 「窩在懶洋洋」。豬小B完美演繹。 |
我地第一晚宜蘭的住宿～「窩在懶洋洋」。豬小B完美演繹。
「窩在懶洋洋」係近年宜蘭新開的民宿，所以建議大家用手機GOOGLE定位！新開張的民宿一定係「乾淨、企理」，我地到達左窩在懶洋洋附近，再聯絡屋主江先生，就很順利跟住江先生把私家車駛到停車場泊好。
「窩在懶洋洋」位於頭城的一幢高樓大廈入面，停車場在地庫，所以泊好車就可以直接由地庫停車場搭升降機到「窩在懶洋洋」的樓層（8/F），真真正正落雨都唔駛怕。
屋主江先生好細心及為我地詳細講解屋內的所有設施，保證各位爸爸媽媽使用時都用得心應手。
一打開門，全開放式的設計，客廳同廚房打通，空間感十足！瞳瞳媽媽洗水果、開奶粉、忙亂之際，都可以見到我地三隻小搗蛋！！
我地行出露台睇下先：因為我地幢大廈已經係海邊，所以就擁有太平洋全無敵海景，天氣十分清朗，所以我地就見到大海中的「龜山島」。宜蘭「龜山島」十分有名，好多人都會到呢帶附近出海賞鯨，而且「龜山島」亦有好多傳說故事，在宜蘭人心目中有一定地位。
望住大海，聽住浪聲地懶洋洋～～～～
我地仲係房內睇到日出添～
 |
| 日出呀～ |
我地睇返間屋入面先，洗手間同沖涼（企缸）都不錯，地方夠大，不過＜窩在懶洋洋＞奉行環保政策，大家記得要自備牙膏牙刷。其他的如水杯、毛巾、洗頭水、沐浴露、風筒等等都有提供的～
客廳的裝修簡約，好有「家」的感覺。冷氣、大電視，最重要又收到小朋友最愛的MOMO台，又有CD機同一大堆CD可以聽，感覺悠閒。望住靚景，聽住CD，一樂也～
呢度仲有兩個私人空間，一個可以在室內窗角位置，見盡海景，瞳瞳同祈祈就最鍾意係呢個位置匿埋啦！識揀喎～
另一個就有呢張小床仔，係洗手間外，有時侯靜靜地計劃下行程都唔錯，不過我地就更加實用，係豬小B換衫的好地方，可以放佢係度爬爬，小B玩得好開心。😉
早餐感謝民宿主人為我地準備好，有麵包、飲品、芝士、果醬和牛油等，好細心，翌日朝早我地有多士爐叮一叮就可以了。
瞳瞳發現其中一個抽屜有好多顏色筆，原來係＜窩在懶洋洋＞的悉心安排，旁邊擺有紀事簿，方便來臨的客人都可以留個回憶，我地委派瞳瞳做呢個工作了。
民宿附近比較清靜，如果想食野、7-11、全聯、麥當勞，揸車唔駛兩分鐘就到大街，其中麥當勞仲有DRIVE IN服務，即係揸住車去麥當勞落柯打買野食。
樓下行出海邊就係「大坑自行車道」，「自行車道」即係我地香港人所市既「單車徑」，沿住海邊可以漫步，欣賞海邊景色，我地仲見到有人進行不同的水上活動添。（因為海邊浪非常大，不建議香港家庭落水）
窩在懶洋洋～每次只會接待一組客人，可遇不可求，所以要盡早預訂呀！
1. 窩在懶洋洋
地址：宜蘭城頭
電子信箱 : jennifer19312@gmail.com
網頁：http://www.facebook.com/jennifer193121
以下係我地2018年夏天去台灣宜蘭六天行程，歡迎大家參考😁😁😁😁
第一天 香港飛台北
住宿：台北車站附近、罕有附設浴缸的酒店 - 蜂巢Bee House
第二天
大人小孩一齊化身藝術家，莎貝莉娜精靈印畫學院
親身落池塘同囡囡玩，蓮花造的雪糕食過未？御品蓮休閒農莊
住宿：180無敵太平洋海景民宿，看海．聽浪～窩在懶洋洋
第三天
好玩又環保～小河生活獨木舟，冬山河划船體驗
進入一個「畫」與「畫框」的世界～畫框博物館
有得食有得玩，天氣瓶x噴砂玻璃杯x紙飛機發射器，大風吹手作輕食館
住宿及晚餐：在阡陌之中住宿、享受當地私房食材～傳藝渡假會館
第四天
白米木屐館，體驗穿木屐之旅
擁有大大草地、玩水池的宜蘭親子餐廳～玩的瘋Wonderful親子廚房
住宿：飛天小火車出發啦！米妞的假期～
第五天
玩盡台灣，包車首選～小宋-台灣輕鬆趣&親子旅遊包車團隊
早餐：自家製麵包、手工優格健康素食店「活力泉源」
全世界第一間指尖陀螺主題館～陀陀螺TOTOLO
住宿：多肉植物體驗＋泰國式Villa泳池民宿～惠欣綠花園
大過手掌的JUICY雞扒～宜蘭名醬堂醬燒雞扒
第六天
生鬼有趣、大人細路DIY茶香冰淇淋～星源茶園
沒有留言:
張貼留言