【香港本地】【美食】【旺角】親身體驗：山下菓子旺角分店，全球首間期間限定AP鴨主題Café(活動已完結)

自從Ahiru No Pekkle（AP鴨）在Sanrio舉行的「Sanrio人物大賞2018」勇奪冠軍，佢身邊的產品就不斷出、一直出，由7-11便利店到百貨公司千色店，已經不在話下，各式各樣的產品都有，「瞳祈媽媽」正正係AP鴨的多年粉絲，AP鴨一下子的精品返哂嚟，真係「買都買唔切」。

估唔到AP鴨又再進一步啦！今次係同「山下菓子」合作，搞咗間全球首間期間限定AP鴨主題Café！嘩！瞳祈媽媽知道就梗係興奮啦！而作為AP鴨粉絲的你亦都不要錯過呀！

今次我地介紹之餘，

仲教你點樣可以好好收藏佢既精品添～

山下菓子在旺角開嘅Café叫做Kingsley Desserts & Gourmandises，位於旺角彌敦道700號T.O.P商場3樓315號舖，即係邊度？咪就係旺角中心（旺中）隔離，以前叫「工業貿易署大樓」果度呀，而家佢底下幾層變為商場，叫T.O.P商場啦！

搭扶手電梯已經見到啦

我地當日去的時候，店還未開門，但門外已經排有長龍，聽講未來一星期的訂位都full咗，要靠walk-in試試運氣。（好彩我地訂咗位）

門口對出走廊位置有幾個鴨仔的擺設，大家可以影下相打卡like下！

趁店還未開，比大家睇下舖頭環境，我想大慨可以招待50人左右吧，亦可見到全店的AP鴨主題裝飾。

門外排隊位都可以影

門口有個射地燈，Fans們都唔好錯過呀！

門口呢隻大鴨，係咖啡杯出現，都係打卡必到！

比較少人留意，原來連地下都有鴨仔的腳印行入餐廳架！

 門外的食物模型，還原返餐牌上的食物，可以比大家有個idea參考。

好啦！我地入座啦！嘩！超讚呀，大家明白的！

入座後，每張檯都有紙檯墊，可以收起帶回家收藏！當然大家要有公德，不要貪心，自己取自已位的那一張，不要多取別人的！

 準備點菜啦！期間限定有AP鴨的餐牌，因地方有限，所以都有限制：

1.　12歲或以上每位最低消費$180 ／6-11歲小朋友每位最低消費$100／

5歲以下小朋友免費，每位大人只限帶一個

2.　用餐時間為75分鐘

3. 每消費滿$200就可以有襟章一個（襟章一套有6款）

所以今次我地目標要食$400，就可以有襟章兩個啦～

點菜時，可以向店員有禮要求將食物上的TAG分開上，咁你又唔怕食物汁液沾到，又可以收藏多幾個鴨仔紀念品啦～

 叉燒烏冬，$139，叉燒算大件，兩大片厚厚的，玉子上有AP鴨樣，有心思！叫呢個餐最重要有埋牛奶樽送埋，可以帶走（下圖介紹）

 左手邊牛奶樽係跟上面個烏冬，可以帶走，入面係凍咖啡，口味可以揀（如Latte、Mocha等）。原隻吉列蠔配薯條，$69，薯條香脆，蠔亦新鮮，小心太熱燙口。

 無時無刻都有「隱藏鴨仔」

 雜菜薯餅漢堡配薯條 $129，漢堡好好食好juicy，超驚喜，伴碟有兩塊曲奇，係AP鴨好朋友「Pitchi」嚟既～

 最後來一杯AP鴨特飲配果凍 $69，正常的梳打特飲，果凍係「Pitchi」造型，「Pitchi」係菜單上出鏡率真高！XP

食飽飽可以係餐廳行下，有一個角落放了數大年前的AP鴨產品，現在已經成為絕版貨。

仲有AP鴨家族成員介紹...............

臨走時，我地埋單兼順便抽埋襟章，記得要同門口大鴨仔合照呀！

有用資料: 

1. 山下菓子旺角Café「Kingsley Desserts & Gourmandises」期間限定AP鴨主題Café (由11月30日開始連續三個月，大約到2019年2月底)

地址：旺角彌敦道700號T.O.P商場3樓315號舖

電話：3905 1470 

營業時間：12:00-21:00

facebook：https://www.facebook.com/KingsleyDesserts/