瞳遊樂 (八十後香港家庭的親子旅遊blog): 2023

2023年12月11日星期一

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】Day 4 :日本人渡假酒店體驗：伊良湖海濱渡假酒店(Irago Ocean Resort)一泊兩食(2之2)

伊良湖海濱渡假酒店(Irago Ocean Resort) 位於伊良湖岬一處山頂上，在渥美半島的盡頭，點解今次會搵到呢間酒店呢？因為行程之中想同小朋友去水族館，聽聞鳥羽水族館係全日本最大，就想帶佢地睇下，本來離開富士山之後，可以循大路經名古屋落去，不過發現行大圈，反而渥美半島的盡頭，有汽車渡輪(伊勢灣郵輪)直接過對面岸的鳥羽，而鳥羽水族館更加正正係碼頭旁邊，所以今次決定在伊良湖岬過一晚夜，行下小城市小鄉村。

酒店離伊勢灣郵輪碼頭只係5分鐘車程，所以時間好易掌握

酒店外觀，白色的外牆，加上藍天白雲海水，超級渡假感覺！

由酒店天台的展望台望返大海，居高臨下！

門口就係停車場，泊好車就行入去酒店Check in，大堂有幾個位置放上椅子，專供人們欣賞海景。

正當我忙緊Check in手續時，瞳祈媽媽就負責帶家姐細佬二人去旁邊揀浴衣。

酒店所有客房都有海洋全景、藍天和閃亮的星星，陽光下閃令令的海景真係好正！

今次就揀左住「日式房間榻榻米」，對我地嚟講係特色，但當地人就鍾意住西式床房（正正平時都瞓榻榻米）

房間設施都一應俱全，好齊備，基本需要都有，不過記得浴衣要係先頭大堂度拎～

由客房望出去的風景

祈祈最鍾意既位置，扮多啦Ａ夢？ＸＰ

酒店有個天然溫泉露天浴池，。仲要係無邊際露天浴池 ( Infinity pool 既溫泉版)，抱歉溫泉唔可以影相，但真係好想同大家分享，借幾張酒店的圖比大家睇下

無邊際浴缸，可欣賞融入地平線的壯麗景色，從海拔100m的露天浴池可以欣賞海景。

瞳瞳爸爸評語：一定要試，個景超靚，用眼球記住呢一刻，最特別係，雖然對住大海，但無咩風，睇黎係精心設計

睡覺洗澡區，溫暖的陽光和舒適的熱水輕輕地包裹著您，是一個令人放鬆的空間。請盡情享受藍天碧海的美好時光。

瞳瞳爸爸評語：出面少有瞓住浸，正！

按摩浴缸噴射氣流從核心放鬆您的身體，溫和的氣泡按摩。這是只有在伊良湖海洋度假村才能體驗到的海景按摩浴缸。

瞳瞳爸爸評語：正常的按摩浴缸，水柱唔會打到個身好痛

伊良湖天然溫泉（室內浴池）寬敞的室內浴池，從大窗戶照射進來的舒適光線。微鹼性的泉水被稱為“美容熱水”，可以使皮膚光滑。

瞳瞳爸爸評語：熱水池

季節性熱水

熱水浴添加劑促進血液流動，提高體溫，緩解疲勞和對寒冷的敏感。享受季節性的香氣。

瞳瞳爸爸評語：有唔同主題，屬於期間限定

水浴

熱水浴和冷水浴交替進行桑拿、沐浴和冷水浴，可以訓練自主神經系統，預計對健康有很大好處。

瞳瞳爸爸評語：冰凍水池，要有心理準備

高濃度碳酸泉「壺湯」（僅限男性）

據說其促進血液循環的效果約為Sarayu的4倍，並且還可以透過玻爾效應來改善新陳代謝。

瞳瞳爸爸評語：其實就似浸落汽水度，全身泡泡

浸完溫泉，就梗係飲返支牛奶啦！正！

溫泉門口有自助販賣機，記得帶定少少錢落去

在溫泉旁邊有一個小型既Game Centre，有遊戲機同夾公仔機

日落，開始夜了

，夜晚我地會在酒店餐廳「Bold Kitchen」食自助晚餐，佢而第二天的早餐都在同一餐廳食

地方好大

我地揀左個窗口位坐

食物種類都多，好豐富！

渥美半島野菜盛，將呢個地區最好既放埋一齊！

薄餅真係由呢個焗爐焗的，新鮮熱辣辣，平時食自助餐唔食既Pizza，呢度一出爐係全部無哂！

呢個位置餐廳叫兒童角落，因為可以大人小朋友一六玩，有適合小朋友食既炸物外，仲可以自己整棉花糖。

咁我呢位小朋友當然都忍唔住要食棉花糖啦，仲要同正餐一齊

返到房間的時候，酒店職員已經幫我地舖好床啦！

好啦，祈祈你繼續扮多啦A夢啦，bye bye～

朝早我地上到酒店天台的展望台睇風景，好好彩我地呢幾日行程天氣好好，所以先玩得咁開心！

早餐就同平時一樣，自助形式，同樣有日式同西式咁，所以無特別影相，反而快快食完，浸多次溫泉先=)

有用資料:

1. 伊良湖海濱渡假酒店(Irago Ocean Resort)

地址：愛知縣田原市聖町蜜山 1460-36
電話：0531-35-6111

傳真：0531-35-1267
網頁：https://irago-ocean-resort.com/

參考資料：

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】準備及介紹篇

Day 1：香港國際機場＞東京成田機場＞成田特快「N'EX」+東海道新幹線品川去靜岡 (3之1)

Day 1：靜岡車駅零距離靜岡ASSOCIA飯店 (3之2)

Day 1：靜岡市內閒逛+魂心家拉麵 (3之3)

Day 2 : 靜岡鐵道「新靜岡到新清水」＞S-PULSE DREAM PLAZA櫻桃小丸子樂園 (3之1)

Day 2 :清水魚市場河岸の市 (3之2)

Day 2 :尋找櫻桃小丸子卡通真實場景 (3之3)

Day 3 :TOYOTA Rent a Car自駕租車，隨意自駕路邊UNIQLO+GU+無添壽司 (2之1)

Day 3 :富士河口湖水之里湖畔酒店一泊兩食 (2之2)

Day 4 :可以揸車入去睇動物：富士野生動物園Fuji Safari Park＋渥美半島遊 (2之1)

Day 4 :日本人渡假酒店體驗：伊良湖海濱渡假酒店(Irago Ocean Resort)一泊兩食(2之2)

Day 5 : 伊勢湾渡輪 (伊良湖去鳥羽) (3之1)

Day 5 : 鳥羽水族館＞麥當勞+鳥羽市內 (3之2)

Day 5 : 新八屋溫泉旅館及晚餐 (3之3)

Day 6 : 相差海女小屋BBQ午餐體驗 (2之1)

Day 6 : 大阪天下茶屋小百合民宿(卡通片一樣的家)+商店街掃街 (2之2)

Day 7：三井LaLaport 堺 STUDIO ARC 影家庭照 (2之1)

Day 7：忍者堂忍者體驗 + 燒肉特急 (2之2)

Day 8 : Star Gate Hotel Kansai Airport (2之1)

Day 8 : Budget租車+Mega Donki+焼肉きんぐ+泉佐野漫遊 (2之2)

Day 9 : 大阪府立大型兒童館BigBang ，全天候室內遊樂設施 (2之1)

Day 9 : 浜寺公園，超好玩室外兒童遊樂場 (2之2)

Day 10 : 臨空城Outlet (1之1) ＞大阪關西機場 > 香港

2023年11月22日星期三

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】Day 4 :可以揸車入去睇動物：富士野生動物園Fuji Safari Park＋渥美半島遊 (2之1)

一直以來，都好想揸車入去動物園同小朋友睇動物，終於遇上了：「富士野生動物園（Fuji Safari）」

我地暑假去，所以天氣好熱好熱，我地由Lakeland Hotel Mizunosato十點正check out離開之後，就用大約1小時車程去到動物園…

富士野生動物園（Fuji Safari）的介紹:「在富士山山腳下廣闊的大自然中，悠閒地生息著70種約900隻動物。野生動物區的動物們在接近自然的原生態環境下放養，互動區的動物們可以讓人更近地觀察、還可以給一部分動物餵食。」

先講門票收費：

門票（含消費稅）

成人（高中生以上）3,200日元

兒童（4歲～初中生）2,000日元

老年人折扣（65歲以上）2,500日元

我地揸車入去的話，只要俾一次錢，就可以自由遊覽，即係話，如果你對野生動物好有興趣的話，你係可以入完再入、入完再入咁…

如果唔揸車的朋友，就可以搭園區的特色叢林巴士，1500 yen/位。園區入面仲有互動區，可以餵下動物、摸下佢地咁，都係一個幾特別既體驗。不過我地一家，都係想揸車入去動物園同小朋友睇動物，呢個先係我地既主菜，要試下一D香港玩唔到既野。出發～

動物園入口都搵左一輪，Google Ｍap有少少失誤，後來唯有用傳統方法，就係目測「指示牌」，最後順利搵到！

汽車通道入口，就好似我地香港以前過行車隧道的收費亭咁，停車俾入場費

同時間，職員會有個提示俾你睇，開於一陣間入到園區的注意事項，最重要係唔可以開窗同唔可以落車。

其實只要跟足佢既提示，係十分安全，入面分為熊區、獅子區、老虎區、獵豹區、大象區、草食動物區（長頸鹿、白犀牛等）及山岳草食動物區(麋鹿、北美野牛、蠻羊等)，每一個區都有兩層鐵絲網分隔，避免不同區域的動物走埋一齊，而動物附近亦有工作人員坐吉普車戒備。

之前所講，如果唔揸車的朋友，就可以搭呢一種園區的特色叢林巴士，1500 yen/位

其實炎炎夏日，坐係涼浸浸私家車入面睇動物，又真係好舒服。大家亦都好守規矩同秩序，一架車跟住一架車，唔會打尖。

我地參觀果陣仲要正值中午時間，太陽好曬，動物們都好叻咁搵地方遮蔭，我發覺如果跟住叢林巴士，可以見到動物向巴士遊人討食物，幾有趣。今次自駕參觀車程大約45分鐘，行下停下，影下相咁。

我地行完一轉，出返停車場，去埋洗手間，問兩姐弟要唔要行下或者走多一轉？佢地都話夠啦～今次最重要完成左個主菜，已經好開心。夏天又唔想係動物園露天咁行，於是決定上車走啦，之後我地要揸３小時車程，到抵渥美半島（愛知縣田原市伊良湖）的酒店，都係一個香港人、甚至係遊客少去既地方。

之後行程就由右上方一路衝去左下角啦！

離開富士野生動物園，找個地方食Lunch，日本高速公路上的休息站係不二之選，與其話休息站，不如話係一個小型商場，入面設施齊備，有除左基本洗手間外，仲有不同的食店、便利店、當地名物土產店等等。公路上休息站分兩種「SA」同「PA」，以「SA」而言係規模較大，「PA」則細一點。

今次我地去咗「NEOPASA 靜岡」休息站，一個小小商場，仲有Food Court添

連休息站都變shopping點

簡單又好味，我地分別係3間不同的店家買，試多Ｄ！

最後食杯雪糕完滿！

人飽飽之後，就到私家車要入油，通常休息站旁邊都有加油站。之後我地就直去渥美半島，沿路風光都好靚呀！

渥美半島是日本屈指可數的蜜瓜產地，每年６月至９月當造，當地好多農場，而且可以任摘任食，不過同瞳祈媽媽商量過，蜜瓜放題無咩著數，都係買一個蜜瓜返去食，開心下就可以了！

於是在路邊，我地隨意走入一間農店買蜜瓜

狹長的渥美半島兩邊都係海岸線，我地就在一個壯麗的沙灘影下相先，之後就入住伊良湖海濱渡假酒店(Irago Ocean Resort)，酒店正正係半島末端的一個山坡上。

沙灘上有人釣魚