【台灣、台中、清境、台南、高雄】[Day 6]台中、清境、台南、高雄6天親子遊(秝芯旅館>統一夢時代購物中心+摩天輪>高雄國際航空站>香港)

瞳瞳@台灣中南部親子趴趴走 

Day 6 秝芯旅館>統一夢時代購物中心+摩天輪>高雄國際航空站>香港

最後一天行程，因為時間唔多，天氣又熱，於是去左一個有得玩、有得食同有得買野既大型購物中心行下：統一夢時代購物中心

我地先將行李放在酒店，然後就坐的士去「統一夢時代購物中心」，其實搭高雄捷運都得，在「站」下車，再轉接駁巴士。因為「統一夢時代購物中心」始終唔係在捷運站，所以我地比多少少錢，舒服Ｄ，坐的士去商場啦！

離開住了３日２夜的秝芯旅店，好唔捨得，下次再黎高雄都想返黎住....

甫一到步，就見到高雄的水陸觀光車「鴨子船」，鴨子船由高雄市府交通局公車處特別派任2名駕駛員，前往美國受訓領取水陸兩用駕駛執照。車子全長１０公尺、寬２.５公尺、排水噸位１９.５噸、３０個座位。從美國運抵高雄港。不過今次我地無將鴨子船加入行程，下次有機會再玩過。

水陸觀光車「鴨子船」資料：http://kcs.kcg.gov.tw/10bo.php

瞳瞳與「鴨子船」站牌合照

之後我地就行入去商場啦！呢個購物中心超大型，９層高加天台再加３層地庫。不過我地趁人少少，先上天台搭摩天輪。而且台灣的購物中心人流無香港咁多，空間又闊落，行得好舒服！

坐摩天輪一位要TWD $150/位，當期時持有「高鐵票/樂園票/博物館票」就有買一送一優惠。我地前一日去左義大世界，所以出示門票（原本只打算留念）就有優惠啦！我地仲將多出黎的門票比左另一個香港家庭，令到佢地都有優惠，大家開心！^^

順帶提一提大家，摩天輪係有透明車廂，而且價錢同普通車廂係一樣。在摩天輪上見到咁靚既天空，突然醒起呢六日行程好LUCKY，好好天，完全沒有為天氣而擔心，好幸運.....

＊＊優惠不定期會轉換，以現場為準！

夢時代摩天輪位於高雄市, 見到好多市內的景色

上次瞳瞳在義大世界摩天輪係訓著左，今次佢無瞓度陪我地坐，佢一D都無怯，勁呀~

做左個鎖匙扣做紀念

其實天台除左摩天輪，仲有個兒童遊戲中心，可以比小朋友玩，類似係香港冒險樂園的戶外版，有好多呢Ｄ要入錢玩的小型機動遊戲玩。

香港無呢D玩，一於比佢玩到夠！！

仲企起身「比油」揸車，衝呀........................

瞳瞳同<飄零燕>海迪合照，呢6日入面影相多左，而家識擺POSE幾老積!!XP

之後落返去商場完成媽媽心願：要在台灣食日本野。其實在台灣食日本野真係好抵食，味道好、價錢平，我地去左商場其中一層，全層都包裝成「美食街」，再配上日式裝飾，日本餐廳都集中哂係呢層。最後我地去左一間打邊爐+日式放題，兩個人埋單唔駛TWD $１５００（即係大約港幣四百零蚊就兩個人埋單啦！）食物好新鮮，選擇又多，瞳瞳都食唔少！事隔太耐，我地唔記左店舖名字。

瞳瞳好鍾意呢架商場手推車, 可惜問過商場既人心, 佢係要呢個商場既MEMBER先有....

食飽飽之後可以行下商場，把同一類型的集中放在同一層，仲有大百貨公司：「統一時代百貨高雄店」，真係有排你行。如果買手信，主要集中在地庫層，基本上行一個地方就可以買哂全台各地手信。

RF　摩天輪樂園

9F　宴會娛樂

8F　影城會館

7F　潮流美饌

6F　運動休閒

5F　兒童王國

4F　新潮流行

3F　都會新貴

2F　時尚樂活

1F　國際精品

B1　美食天地

B2　居家生活

台灣玩具反斗城獨有 - 台鐵產品

我地去買牛軋糖（即係香港既鳥結糖），呢個姨姨好好人，專登分一個小袋比瞳瞳幫手拎，又塞左好多散裝糖比瞳瞳食..........嘩，為左招呼呢個BB，檔口都唔理 XP 

買完野，我地返酒店，請的士司機等我地一陣，拎埋行李出機場了～

到高雄機場啦！要同台灣講BYE BYE啦，機場地方唔大，CHECK IN 之後就要入閘，因為同樣地佢出境COUNTER唔多，所以入閘先，入到禁區反而仲多野睇，有餐廳、免稅店等等。

個場景係咪好熟呢？係呀！就係衝上雲霄入面SAM哥同HOLIDAY因為ZOE心結一事而嗌交果度啦。

以前覺得純粹喝好好飲，但近年反而麻麻地

機場禁區育嬰室

台灣的育嬰室設備好齊、好乾淨，香港完全比下去。

因為有年幼子孩，我地比機場地勤「捉」我地出黎，優先上機

今次真係好好玩，同埋有好多回憶，畢竟都係瞳瞳第一次出國，起初我地都好擔心女兒唔適應，但後來比想像中好得多。一來我地自駕遊，有車真係方便點！二來我行程唔會太趕，平均一日行兩個景點左右；三來台灣的環境同支援好足夠，飲的、食的、玩的都好好！玩得好開心！而且又遇上好天氣。「天時、地利、人和」都有哂，先可以促使我地行程咁順利！經過今次之後，我地開始又籌劃下個旅程去～～～～

有用資料: 

1. 秝芯旅店LEGEND HOTEL

網頁：http://www.legendhotel.com.tw/

地址：高雄市前金區新盛一街55號

電話：+886-7-2877766

2. 統一夢時代購物中心

網頁：http://www.dream-mall.com.tw/

地址：806 高雄市 前鎮區 中華五路789號

交通：搭乘高雄捷運至R6(凱旋站)下車，免費接駁車於1號出口等待，等待時間約10分鐘。

電話：(07) 973-3888

延伸閱讀：

[Day 1] 台中、清境、台南、高雄6天親子遊(文華道會館+宮原眼科冰淇淋+逢甲夜市)

http://tungbama.blogspot.hk/2016/03/day-1.html

[Day 2] 台中、清境、台南、高雄6天親子遊(香港人@台灣自駕遊取車 + 彰化扇形火車庫篇)(上)

http://tungbama.blogspot.hk/2016/03/day-2.html

[Day 2] 台中、清境、台南、高雄6天親子遊(阿東窯仔雞+清境羊角村民宿)(下)

http://tungbama.blogspot.hk/2016/03/day-2_21.html

[Day 3] 台中、清境、台南、高雄6天親子遊(清境+埔里18度C巧克力工房+造紙龍手創館+關子嶺溫泉+溫泉老街)

http://tungbama.blogspot.hk/2016/04/day-3-18c.html

[Day 4] 台中、清境、台南、高雄6天親子遊(關子嶺溫泉+水火同源+台南安平樹屋+安平古堡+必推介高雄親子飯店：秝芯旅館)

http://tungbama.blogspot.hk/2016/04/day-4.html

[Day 5]台中、清境、台南、高雄6天親子遊(秝芯旅館>義大遊樂世界>六合夜市>美麗島捷運站>瑞豐夜市)

http://tungbama.blogspot.hk/2016/05/day.html

[Day 6]台中、清境、台南、高雄6天親子遊(秝芯旅館>統一夢時代購物中心+摩天輪>高雄國際航空站>香港)

http://tungbama.blogspot.hk/2016/05/day-6.html

【生活分享】製造一本屬於自己和孩子的書，一起《分享愛》

這本薄薄的小書，有著無限的愛

瞳瞳媽媽早前在網上，見到一個關於《分享愛》的活動，活動的發起人：夢想創意創辦人及《分享愛》作者林曉鋒博士，原因為近日香港社會上有很多家庭問題，有很多年輕人和兒童，在生活及學業的壓力下，感覺到前路茫茫，甚至輕生。因此想撰寫一本圖書，讓父母子女嘗試花閱讀一本書的時間，分享彼此間的愛及關懷。同時亦藉着這本《分享愛》，讓父母子女一同回憶過往相處的片段，重拾過往的點點滴滴，增加彼此間的感情及溝通。在活動當中，你及你家人可以成為故事的主角，讓香港因你而添加一點愛！成為你和孩子獨有專屬的一本書。

費用：免費贈閱　（注意，每位香港市民限取一本）

做法好簡單，先到以下網頁填寫爸爸、媽媽同小朋友的名字（一家三口為單位），在FACEBOOK上作分享
http://www.readmyname.com/sol-index

填寫埋地址，佢地會在收到妥資料後的3至4星期的工作天內寄出《分享愛》一書
今日瞳瞳一家就收到啦，可能卡通造型同我地一家都好相似啦，所以好有共鳴！

封面右上角會有一家人的名字

爸爸媽媽孩子化身成故事角色

最後謝謝夢想創意有限公司及《分享愛》作者林曉鋒博士，給我們一家人非常好的回憶，也希望大家做到分享愛！

【香港本地親子遊】【荃灣】城門郊野公園遊客中心及菠蘿壩

位於荃灣的「城門郊野公園」，成立於１９７７年，是全港首批郊野公園之一，同期成立的還有金山郊野公園及獅子山郊野公園。

大家可以由荃灣千色店後面搭綠色專線小巴８２號（假日仲可以係荃灣西鐵站搭綠色專線小巴９４Ｓ），車程大約２０分鐘，就到城門水塘總站。下車後會見到好醒目的「城門郊野公園」標誌，大家可以影下相先。左手邊有樓梯可以拾級而上，上到去就看到「城門郊野公園遊客中心」大牌坊，而上面寫住的「自然教育徑」，係指 「菠蘿壩自然教育徑」。

落車時小心，因為會有多隻齊天大聖恭侯各位!!!

「城門郊野公園」標誌，大合照、「打咭」好地點。

多隻齊天大聖恭侯大駕。大家唔好主動去接觸就安全了！

呢位媽媽仲帶住小BB

落車後，小巴車尾方向會有樓梯可拾級而上，行到上頂就係「城門郊野公園遊客中心」

入面主要展品有：
1.城門郊野公園的歷史

2.礦業歷史(指鉛礦坳及針山，針山仍有礦洞可探)

3.戰地遺跡(二戰時期的醉酒灣防線)
4.城門郊野公園的生物多樣性

記住遊客中心只會在星期六、日及公眾假期開放，時間為０９３０－１６３０，其餘時間休息。

當日我地去到參觀的人唔多，一入去就受到職員熱情款待XP！遊客中心在２０１２年用左７個月時間去翻新，所以佢的設備同展品都好新淨！入到去基本上沿著一條路一個方向參觀，行完一圈就等於行哂成個中心。當中我地經過有個課室，入面有一位郊野義工向我地介紹中心活動，原來呢度會舉辦興趣班免費比市民參加，無需預約，即場報名，先到先得！可惜我地錯過左興趣班既時間，義工就叫我地下次早Ｄ帶瞳瞳黎。最後呢位義工都係唔忍心，追出黎搵返瞳瞳，話要送禮物比佢..............原來今次興趣班係做昆蟲髮夾，佢送左個蜻蜓造型的比瞳瞳，好多謝佢呀～

老婆同瞳瞳講解每種農具點用，點知 阿瞳竟然識，話:「整豆豆架!!」

有部份展品可以比遊客觸摸，增加互動。

扮礦工先

基本上沿著一條路一個方向參觀，行完一圈就等於行哂成個中心

最後呢位義工都係唔忍心，追出黎搵返瞳瞳，話要送禮物比佢........

蜻蜓造型髮夾

我地再繼續參觀，有個部份係認識小動物時間.....當然唔少得介紹呢度好多既 - 「彌猴」，瞳瞳玩得好開心，因為佢好鍾意動物，仲成日問我地「咩黎架？瞳瞳睇下丫！」。有時候我地帶瞳瞳出去，就係想佢認識同接觸下呢個世界。

離開遊客中心，我地再沿路上山....菠蘿壩一名係因為呢度昔日盛產菠蘿，水壩因而得名菠蘿壩。遠眺城門水塘，圖中果位大叔釣到一條好大的鯉魚，勁！！我地行多一小段就折返，但途中有好多兩三歲的小朋友，有D仲推BB車添，證明位置方便，好適合一家大細黎享受大自然 =)

水塘存水足，就有機會睇到水浸百千層的情景，不過就要再行入D。

菠蘿壩

城門水塘一景，呢位叔叔不斷有收獲！

有用資料: 

1. 城門郊野公園遊客中心

網頁：http://www.afcd.gov.hk/tc_chi/country/cou_lea/cou_lea_ven/shingmun.html

交通：

1. 荃灣兆和街（千色店後面）綠色專線小巴８２號

2. 荃灣西鐵站搭綠色專線小巴９４Ｓ（只限假日）

開放時間：

星期六、日及公眾假期：上午九時三十分至下午四時三十分開放。

星期一至星期五(公眾假期除外)及農曆新年年初一、初二休館。