如果嚟高雄親子遊，一定要黎呢個地方-「國立科學工藝博物館」，高雄人稱為「科工館」，是台灣第一座應用科學博物館，以蒐藏及研究科技文物、展示與科技相關主題、推動科技教育暨提供民眾休閒與終身學習為其主要功能，佔地面積18.34公頃，簡單D講，就似我地香港尖沙咀的科學館，不過就究極加強版，地方大、展品多，玩完之後，覺得香港那個根本比不上。(掩臉)
科工館地下1/F至6/F，同時又有地庫的兒童世界，實在太多野睇，只能走馬看花咁行，我地都介紹唔哂，不過瞳瞳爸爸盡量抽起香港體驗唔到既活動同好玩既環節介紹俾大家，玩最精髓的，咁先至好玩！
早餐過後，我地就由酒店直接坐的士到「科工館」，呢度分為南、北兩個館，其實「南館」先係我地要去既展館，北館係圖書中心、研究中心等等。入場基本票價成人TWD 100，6歲以下免費，兌番只係大約港幣$25，可以玩哂成個「科工館」，開門玩到閂門，散哂～
樓層介紹：
六樓：啟動創新實驗室、莫拉克風災重建展示館、航空與太空、臺灣工業史蹟館。
五樓：科學教室、團體用餐區。
四樓：歡樂體驗推薦樓層;交通夢想館、衣技織長、健康探索廳、科學開門、科學桂冠、防疫戰鬥營。
二樓：動力與機械、電信＠臺灣、第1、2、3特展廳。
一樓：售票處、多功能服務台、宇宙之星廣場、科工綠品店。
地下一樓：兒童科學園、氣候變遷、開放式典藏庫、第4、5特展廳、大螢幕電影院。
地下三樓：臺灣農業的故事廳。
我地去「電信@臺灣」展覽廳，科工館大部份設施都係可以touch而且work，唔似香港好多比人玩爛咗而暫停使用，當然，我地都乘機教瞳瞳要有公德心、愛惜公物。因為好多擺設可以上手玩，比瞳瞳玩下影下相都好開心。
 |
| 「電信@臺灣」展覽廳 |
 |
| 我地玩緊由摩斯電碼機，好多展品係可以比你親手觸及 |
 |
| 呢度瞳瞳同瞳瞳媽媽打電話，真係傾到計架 |
 |
| 台灣金門的特式電話亭 |
場館有不少的體驗設施，大家可以買一張體驗設施套票，TWD $100可以玩四個體驗，但玩一次係TWD $30/次，所以我地都建議大家買張TWD $100可以玩四個體驗的設施套票。今次我地就揀左小火車同地震體驗，尤其地震體驗都係一個香港無既經歷。
 |
| 體驗設施套票，TWD $100可以玩四個體驗，但單玩一次係TWD $30/次 |
小火車雖然行駛距離唔長，大約60-80米，不過小朋友就玩得好開心，中間有個少少擺設就好似有得「捐山窿」。
台灣位於地震帶，所以有一間係地震體驗屋係度，亦都好多人排隊架。面對災害係一件好嚴肅的事，所以有呢個體驗屋就係俾當地小朋友知道當地震發生時的DO AND DO NOT。
從一級無感地震、三級、五級到七級震動，入到去唔單止係感受震，我地仲要完成「任務」，包括關門窗、關總掣、熄GAS爐、匿檯底等等....今次呢班男仔就係同我地分工合作啦～
 |
| 地震體驗屋 |
 |
| 震震震。。。。。 |
 |
| 有呢班男仔同我地分工合作，完成任務～ |
行到半路，見到好多人聚埋，原來呢度係人工落雪體驗，所以大家又聚埋一齊玩～
我地去的一年，果時仲額外有3D展覽，雖然係短期展覽，不過都好好玩，瞳瞳同我地第一次的3D體驗～
地庫的「兒童科學園」分為三個主題園區：「奇幻國」、「夢想號」、「糖果屋」
「奇幻國」：奇幻國由大耳朵精靈的魔法聲林、大眼怪的幻影村和亮亮寶貝的光之城堡組成，裡面充滿著聲、光和影像科學的神奇和美麗，大家在這裡開心的進行各種科學實驗和遊戲，調皮的設計各式各樣的關卡與謎題來考驗到奇幻國遊歷的大小朋友。但愉快的生活中也潛藏著危機，愛搗蛋的小魔怪偷偷的潛藏在暗處，觀察大家的行動，找機會要來破壞平和的這一切……。
「夢想號」：以船隻構成的戶外意象的展示空間，利用各種和海上生活相關的體適能檢測展品，來測試參與觀眾的肌力、肌耐力、柔軟度、爆發力與敏捷性等體能狀態。船上還有各式各樣利用風力，水力及機械裝置的體驗展品，使觀眾在刺激與驚奇的氛圍中，發現科學的神奇與樂趣。
 |
| 真駁水管 |
「糖果屋」：考慮到學齡前兒童的需求，以經典格林童話「糖果屋」為故事主軸，建構一個感官知覺的探索空間。展廳內充滿著摸一摸、看一看、聽一聽和試一試，從視覺、聽覺、觸覺與平衡感和肢體運用等整合數種感知的向度，來提供小朋友不同的特殊體驗，在擴展生活經驗的同時，也提供小朋友探索與解決問題的機會。
高雄之行，呢度可以花費你大半天的時間，安排早上入館，下午三時左右離館，回一回酒店休息叉電，夜晚就可以出來食晚飯行下夜市咁。
科工館入面有餐廳、洗手間、嬰兒室等設施，不受天氣影響，呢度好啱小朋友玩，特別係小學生，大部份都係小學生可以吸收的程度！
有用資料:
1. 國立科學工藝博物館（科工館）
電話 : (07)380-0089
傳真 : (07)387-8748
電子信箱 : public@mail.nstm.gov.tw
南館地址：80765 高雄市三民區九如一路 797 號
本館開放時間：上午九時至下午五時 每逢星期一、除夕、年初一固定休館
本館售票時間：上午九時至下午四時
