2015年9月25日 星期五

【香港本地親子遊】【西貢清水灣】秋高氣爽放風箏 - 清水灣郊野公園(大坳門)



秋風起,又係郊遊好季節,見天氣亦開始漸涼,可以出去郊遊下。今次我地去「西貢大坳門放風箏」,大坳門呢個地方都好出名架啦,係我地香港一個幾出名既放風箏同燒烤地方,相信大家讀書時期都跟學校黎過唔少次。唯一不便係無公共交通可以直達,最近要搭九巴91往清水灣方向,在「大坳門」站落車,再沿清水灣道行10-15分鐘就到達啦! 當然,自駕就更加方便啦!
行到路的盡頭就見到呢個牌,抵達清水灣郊野公園(大坳門);至於自駕,現場只提供約20個車位,自己「執生」!
入去大約行5分鐘, 就到指定的「放風箏地點」
今日睇落好好風
已經見到好多人黎放風箏


但我地放左好多次都唔得,最後。。。。。
。。。。。最後我地引到坐在涼亭入面「睇我地唔過眼」既風箏高手伯伯出手XP
好彩有佢出手,再加埋佢自製既私人紙鳶。。。。
終於成功啦!!



回程可以加睇「清水灣郊野公園遊客中心」,就係頭先行去放風箏地點的路徑旁邊,遊客中心地方唔大,有岩石標本可以睇,仲有介紹西貢東部及附近海島既海岸特徵、清水灣郊野公園內的康樂設施、海岸一帶常見的植物及放風箏活動應注意的安全措施。







瞳瞳好細個就黎過啦~

有用資料:


開放時間:清水灣郊野公園遊客中心
星期一、星期三至星期日及公眾假期: 0930-1630
星期二(公眾假期除外) 及農曆新年年初一及初二休館

交通:九巴91線(往清水灣方向),「大坳門」下車+步行10至15分鐘

自駕泊車:清水灣道盡頭郊野公園免費車位 (約20個、經常爆滿)





2015年9月18日 星期五

【香港本地親子遊】【九龍塘】]隱藏在九龍塘的「中醫藥博物館」




香港浸會大學的中醫藥科都好出名,所以係中醫藥學院大樓地下,就有一間中醫藥博物館。不過因為在大學入面,所以比較少人去,其實佢係對外向公眾開放的,我地果日去就「包場」喇!

香港浸會大學「孔憲紹博士伉儷中醫藥博物館」除左介紹中華民族傳統中醫藥學之外,仲有介紹埋中醫藥在香港的發展歷史。





中藥店入面經常見到既「百子櫃」,可以親身接觸


原來中醫藥都經常出現係我地生活入面,呢度介紹左有關中醫藥的經典名言和成語典故,瞳瞳都可以當故事咁聽。仲有小朋友互動電腦遊戲玩,一D都唔會悶!!








原來中藥都包含好多方面,例如針灸、仲有「外科手術」既工具,真係大開眼界!
針灸工具
外科手術用既工具


古人好有智慧,例如針灸咁,無理由用真人比你試,萬一拮錯左咪弊!?於是係北宋年間,由一位醫官王惟一設計鑄造,名為「天聖銅人」,體表共刻657穴,穴位深約1.2 cm,教學或考試時,體表用蠟封閉,內灌注水,「針入水出」,這是古代較為精密的醫學模型。傳至明正統年間,明英宗令醫官仿宋重鑄,而冠名為「明代正統仿宋針灸銅人」。
「明代正統仿宋針灸銅人」複製品

行完地下的「中醫藥博物館」,就可以轉戰去二樓既「中藥標本中心」,有一比一的中藥標本,例如鹿、熊等等,仲有分辨真假中藥、相似但功能完全不同的中藥、含有劇毒的中藥、香港郊外常見中草藥等等。還有鎮館之寶:「人參壽星公」!










「人參壽星公」由2374支不同人參所砌成
近看壽星公
行完「中醫藥博物館」,在浸大入面有canteen(美心or 大家樂)可以補給,之後仲可以去旁邊既九龍仔公園(步行5分鐘)或者樂富廣場(步行15分鐘或巴士103)行下。






有用資料:


網頁:

http://cmmuseum.hkbu.edu.hk/intro.html (孔憲紹博士伉儷中醫藥博物館)
http://cmmuseum.hkbu.edu.hk/bucmm/ (香港浸會大學中國銀行(香港)中藥標本中心)

開放時間:

星期一至六〈星期日及公眾假期休息〉
上午十時至下午五時
免費入場

位置:

九龍塘浸會大學道七號
賽馬會中醫藥學院大樓地下





交通:九巴208線(往廣播道方向)或103(往竹園方向),香港浸會大學」下車

自駕泊車:浸會大學道錶位



2015年9月11日 星期五

【香港本地親子遊】【荃灣】觸摸得到的歷史 - 荃灣三棟屋博物館

由2016年6月起,三棟屋博物館由非物質文化遺產辦事處接手,並設立「香港非物質文化遺產中心」,作為其展示和教育中心,透過多元化的教育和推廣活動,包括舉辦展覽、講座、研討會、傳承人示範和工作坊等,提升公眾對非物質文化遺產的認識和了解。市民可留意辦事處網頁上有關活動的消息。






「荃灣」,會讓你想起甚麼?我自己首先一定諗起港鐵總站、繼而係小時候轉車去元朗、屯門的中轉地、又話者係約朋友食飯的地標,例如「綠陽」、「南豐」、「千色店」、「路德圍」,甚至到而家就多數係「如心」、「西鐵站」、「愉景新城」等等既地方。

不過有一個博物館,正正就在繁忙大街、購物中心的既後面,名字大家可能聽得多,但真正去過既人就可能好少 - 「荃灣三棟屋博物館」。

三棟屋初期建村時由三間房子所組成,隨後人的發展,已經不止「三棟屋」了,後來更發展成為圍村模式,迄今已有二百多年的歷史。由於八十年代要發展地下鐵,原有的三棟屋村要遷移,但當中的一列村屋保存良好,政府重修成博物館後,於1987年正式開放讓市民參觀。


瞳瞳爸爸最鐘意既係博物館入面有好多展品係歡迎大家觸摸,同小朋友一齊會更加投入,特別係現代小朋友好少接觸村屋,比佢地了解一下以前既人生活,就會珍惜而家一切。


去三棟屋非常方便,搭港鐵荃灣線,在C出口行入綠陽坊(購物中心),之後搵「美心皇宮」(在商場另一端),旁邊就有條樓梯落去地面就會到博物館入口
博物館位置
入口
村落的中心:祠堂

重修時拆下的屋頂木結構
石臼:用來把食物「磨」或「樁」碎。
以前的人可能沒有現代人高大,每次穿過我都要彎腰啊~
參觀起居室,佈置和以前一樣,仲有張BB吊床。





各位食飯啦!!
有暗器!!


抖下先
出爐

餅模
 
打穀機:將稻的「穀粒」與「莖稈」分離
 香港農業展覽:以前元朗生產的白米曾經係「貢米」,比皇帝食架。
最近睇書,先知道原來呢D繩都有唔同意思,可以研究一下。

除左鄉村生活展覽,仲有介紹荃灣的發展,由一個小海灣變成一個工業重地,當中不得不介紹荃灣好出名的紗廠、布廠。。。。




大家可以預定行程約2小時,可以當半日輕鬆旅程。餘下的半日時間可以在三棟屋博物館附近的商場閒逛,經荃灣港鐵站對出的天橋網,可以通去荃灣如心廣場、西鐵站、荃灣廣場、大會堂;經南豐中心可往愉景新城;經荃豐中心、華都、荃昌可到達大窩口熊貓酒店,非常方便!




有用資料:



1 開放時間
星期一、三至日:上午10時至下午6
聖誕前夕及農曆新年除夕:上午10時至下午5 
星期二(公眾假期除外)、農曆年初一及二休館


2 入場費:免費