【日本、大阪、奈良】[新手必看]Day6 6日5夜大阪奈良親子遊全攻略(7/8 中華航空大阪經台北返回香港+和颱風蘇迪羅鬥快+親子之旅小總結)

終於來到最後一天，依依不捨的心情離開大阪了～

我們坐的是1310的飛機，因為我地酒店樓下就係「南海電鐵」車站，車程只需約40分鐘便直達機場，時間可以輕鬆好多。

我地將去程剩下的兌換劵，到2/F的客務中心換車票便可，然後在旁邊入閘

與颱風蘇迪羅鬥快


一路上，我地仲擔心緊颱風的問題，本身大阪直航返香港就無問題，但我地因為要得到台灣的登機證，所以來回程都會在台北轉機。去到機場，瞳瞳爸爸都第一時間向中華航空地勤人員垂詢，回覆是「大阪去台北的航班沒問題，但台北返回香港的一程就未有消息」

於是，颱風蘇迪羅正逐漸迫近台灣，而我地就卻正向台北前進。

幸好，飛機順利抵達台北桃園機場，不得不讚美機師落地手勢，非常平穩!台北當時天氣沒有特別惡劣，要知道一架飛機可否升降，是要多方面考量，不是我們日常生活中的風球所衡量，所以就算十號風球飛機是可以照常升降。

熟悉飛機的朋友告知，我們剛才由大阪到台北的飛機，將會執行台北至香港的飛行任務，亦則是我們坐回剛才的那架飛機，緣份!

終於搭上返回香港的飛機，不過因為台北挑園機場正在進行跑道工程，所以要排隊起飛，機師亦透過廣播，向機艙乘客再三致歉，又向我們報告「排到第幾架、預計等幾耐到我地起飛」，雖然等起飛等予很久，但消息透明度高卻令在機艙內的乘客安心，也是值得一讚!! 這四段機程(香港 -> 台北、永北->大阪、大阪->台北、台北->香港)都覺得中華航空服務很好，亦是我們一家人多次旅行都坐華航的原因!!

親子之旅小總結

我們這一家都是第一次來到日本，日本感覺地方很乾淨、人們都好有禮貌，特別係言語不通的情況下，都好幫忙!!  分衣、食、住、行四方面總結下啦!

衣：今次我地夏天去，真係好熱，咁啱果幾日係日本話係暑假以來最高溫，就算瞳瞳爸爸噴了止汗劑，最多頂到半天，之後又濕哂，所以每晚都要返酒店沖沖身、換衫再繼續行程。

食：「食」我地從來唔講究，最緊要女兒啱食，出發前擔心「壽司會有wasibi」，到最後原來係無既，安心哂! 除左壽司，仲有拉麵、烤肉、餃子、漢堡、日式定食等等，全部都可以食，當然，刺身類或者未煮熟既就唔好比小朋友食啦，始終旅程途中有唔舒服，辛苦小朋友，又辛苦了大人。

住：今次住得好滿意，不過要留意，特別係夏天，房間冷氣唔會太涼，唔似香港既雪櫃房，據說是因為日本311大地震要節約能源所致。

行：JR、地下鐵、電鐵、阪急、阪神，大阪鐵路網的確都幾複雜，不過只要我地認清楚要搭既車，跟住指示牌，按圖索驥就可以了，而家有智能手機MAP同上網幫助，就事半功倍!
至於PASS，首先睇下自己行程多唔多用得到，如果唔多或者唔肯定既，我寧願大家唔好買，起碼唔會被張PASS限制住左行程同彈性。

我地去既地方只係好一小部分，不過我地宗旨係親子遊，所以就唔敢去趕行程，但求輕鬆、舒服、好玩就好了! 希望呢個分享可以幫到準備去大阪、奈良的朋友啦~

延伸閱讀：

[新手必看]Day1大阪奈良6日5夜親子之旅全攻略(4之1. 香港飛台北到大阪，相機失而復得，轉機其實好簡單!!)

http://tungbama.blogspot.hk/2015/08/day165.html

[新手必看]Day1大阪奈良6日5夜親子之旅全攻略(4之2. 搭上外形極似鐵人28的南海電鐵Rapi:t直奔大阪市難波站)

http://tungbama.blogspot.hk/2015/08/day16528rapit.html

[新手必看]Day1大阪奈良6日5夜親子之旅全攻略(4之3. 極盡地利、飽覽大阪市的swissotel NANKAI OSAKA 南海大阪瑞士酒店)

http://tungbama.blogspot.hk/2015/08/day1653-swissotel-nankai-osaka.html

[新手必看]Day1大阪奈良6日5夜親子之旅全攻略(4之4. 日本第一餐:「燒肉力丸」放題)

http://tungbama.blogspot.hk/2015/08/day1654.html

[新手必看]Day2大阪奈良6日5夜親子之旅全攻略(2之1. 大阪環球影城:教你不用花一分錢買任何Express、不用園內撲入園劵，輕輕鬆鬆進入哈利波特的世界)

http://tungbama.blogspot.hk/2015/08/day26521-express.html

[新手必看]Day2大阪奈良6日5夜親子之旅全攻略(2之2. 大阪必到固力果招牌、網友激讚的平價抵食之選: 赤垣屋迴轉壽司)

http://tungbama.blogspot.hk/2015/08/day26522.html

[新手必看]Day3 大阪奈良6日5夜親子之旅全攻略(3之1. 嘆住冷氣和服體驗之大阪生活今昔館、日本最長商店街天神橋筋+天六食堂)

http://tungbama.blogspot.hk/2015/08/day26531.html

[新手必看]Day3 大阪奈良6日5夜親子之旅全攻略(3之2. 鹿的世界，瞳瞳爸爸講故事@東大寺 奈良公園+東大寺)

http://tungbama.blogspot.hk/2015/08/day3-6532.html

[新手必看]Day3 大阪奈良6日5夜親子之旅全攻略(3之3. 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒)

http://tungbama.blogspot.hk/2015/08/day3-6533.html

[新手必看]Day4 大阪奈良6日5夜親子之旅全攻略(2之1. DIY日清杯麵之旅、一風堂拉麵)

http://tungbama.blogspot.hk/2015/08/day4-6541-diy.html

[新手必看]Day4 大阪奈良6日5夜親子之旅全攻略(2之2.梅田「大丸百貨TOMICA+SANRIO專門店」、觸得到的海洋世界「海遊館」、国産牛焼肉食べ放題)

http://tungbama.blogspot.hk/2015/08/day4-6522tomicasanrio.html

[新手必看]Day5 大阪奈良6日5夜親子之旅全攻略(6/8 酒店＞漫遊道頓堀＞蟹道樂＞善導寺＞黑門市場＞日本藥品網頁介紹＞ 瞳瞳與屎屎人的趣事)

http://tungbama.blogspot.hk/2015/08/day5-6568-aaaaaa.html

[新手必看]Day6 大阪奈良6日5夜親子之旅全攻略(7/8 中華航空大阪經台北返回香港+和颱風蘇迪羅鬥快+親子之旅小總結)

http://tungbama.blogspot.hk/2015/08/day6-6578.html

【日本、大阪、奈良】[新手必看]Day5 6日5夜大阪奈良親子遊全攻略(6/8 漫遊道頓堀＞蟹道樂＞善導寺＞黑門市場＞日本藥品介紹＞瞳瞳與屎屎人的趣事)

大阪奈良6日5夜親子之旅! GO !

6/8  酒店à漫遊道頓堀à蟹道樂à善導寺à黑門市場à日本藥品網頁介紹à 瞳瞳與屎屎人的趣事

最後一日啦！因為第二天要上飛機，所以今日算係大阪之旅最後一日，我都知瞳瞳媽媽會瘋狂shopping，所以專登放空一日比佢去shopping，因為地利，所以今日行程全部都集中係酒店附近。


「千日前通」一直行到盡頭，去到河邊，就係固力果招牌啦～

左手邊係「0101丸井百貨」

呢間藥妝好多分店，呢間分店係我地果區所見既最大，記住係「千日前通」入面。

日間的固力果招牌，遊人依然駱驛不絕

今日午餐我地去「蟹道樂」，去道頓堀既出名食店，在日本各地都有好多分店，以「蟹」料理為主。門口都有一隻大蟹模型做招牌，一定唔會去錯!

道頓堀有三間「蟹道樂」。我地去左總店的一間，有四層樓高，佢十一點開門，我地十一點半左右去到都有位，店員好快就安排我地在3樓坐，而且仲係向街景的一邊，可以俯瞰街景。

今次去我地叫左兩個定食，瑠璃(4320 YEN) 同 花水 (3888 YEN)，佢可以用好多種唔同既烹調方法去處理「蟹」呢樣野，真係大開眼界！

道頓堀總店

 

窗邊位

電子餐牌真方便!!! 可以選擇「繁體中文」

我地今餐點了 瑠璃(4320 YEN) 同 花水 (3888 YEN)

連放筷子的托都好有心思

兒童「卡通蟹仔」餐具

 

繁忙的街景

食到尾聲，甜品係綠茶雪糕，估唔到日本人真係好認真，由一位著和服的嬸嬸侍應在我地面前製作抺茶，然後淋在雪糕上面，佢整得好好味呀，唔會食到抺茶粉，配合雪糕，好好味呀!! 真係有點受寵若驚的感覺。

臨走會有糖果送比客人

 離開「蟹道樂」之後，我地就繼續係道頓堀一帶行下

驚安の殿堂/ 唐吉訶德

一蘭拉麵，排長龍。

下次可以試坐船遊覽

我地轉入小巷，穿過石板砌的「法善寺橫丁」，就好似去左舊時日本小區咁，兩旁都係裝飾古舊的食店、居酒屋等等，之後離開小巷，豁然開朗，就到「法善寺」了。呢度有個佛像，因為長年大家都用水去供奉，所以已經佈滿青苔，看不到樣貌，卻反而成為了特色。

時空交錯的法善寺橫丁

已經大約下午三點，我地去「黑門市場」，被稱為大阪人的街市，當然而家多左好多遊客識去，市場主要係生果舖同剌身店，我地去左一間好似超級市場既舖頭，門口擺哂生果，有蘋果、哈蜜瓜、桃...之類，吸引好多香港人來買。至於食物果度，唔知係咪我地已經晏左去，大多數都收舖-ing (明明網上好多人話係六點)，去到都係「賣剩蔗」多，款式就唔係太多可以揀。因為瞳瞳瞓左，所以我地影唔到好多相。

1. 天婦羅 : 店主可能見我地買得多，就夾多兩件送比我地，粉漿唔厚唔油膩!!
2. 帶子群邊 :瞳瞳最愛，204 YEN，港紙$12左右，好抵食，量多食唔哂
3. 帶子刺身:1000 YEN再半價，好大粒好肥美!
 4. 鮪魚壽司 : 2000 YEN半價，抵食!!
5. 海膽: 估唔到比我地外賣，肉好多，不過味道又未有太大驚喜。

我地都捧左一箱「桃」返香港食，好好味呀!! 好多汁!!1500 YEN有10個。

大阪黃昏伴黑門市場既下午茶

今晚是大阪的最後一夜，所以我地都最後衝刺!! 完成埋之前未完成的MISSION!! 首先落去酒店下面行namba parks，namba parks都係購物中心，不過因為佢平台廣種樹木，令到佢有佢特色「park」既功能。

日本starbucks桃味星冰樂，真係有桃肉架!!! 好好飲!! 附近比較旺d既starbucks分店好多時都賣哂! 好彩namba park分店仲有!

namba park入面既玩具反斗城，爸爸搵玩具，瞳瞳玩玩具。

日本人好有創意，連店舖後巷都可以畫左鬼太郎場景

最後一擊，全家人去藥妝同Bic camera兩間掃貨，亦都係我地既心水，因為呢兩間我地格過價，都係平既。不過Bic camera要夠10000 yen，先可以做退稅，藥妝就5000 yen就可以退稅，不過亦都因為要做退稅，所以shopping果陣一定要帶住passport。退稅方法好簡單，在本身買野既店舖就可以做到，不過比錢之前要留意係咪可以辦理退稅的收銀處，之後收銀員會幫你搞，問你拎passport同要你係退稅表上簽名，就係咁簡單!! 最後會張收據釘上你的passport，在離開日本時就交比日本海關即可。至於所有貨物，佢會同一個透明膠袋封好，而且會提你不可以拆開。我地返到酒店，都猶豫了一陣，始終店舖pack得無咁好，不過到最後我地都無拆開，盡力塞落個行李箱度。

至於去日本有咩野係要值得買，就真係要大家click去「睡天使醒惡魔」網頁，入面寫得好詳細、精要同埋每款藥的介紹，評語係佢地親身同過、試過所寫，包保唔會中伏，我地都係一路開住手機，一路跟住佢地個網頁介紹去買，寫得好好， 我都唔敢獻醜XP
記得出發之前到佢地既網頁做下功課，然後BOOKMARK佢地個網頁，方便買的時候對照，最後記得比個「讚」佢地個網頁，咁先有推動力為大家介紹嘛!!

最後大出血，去蓬萊買支冰條慰勞一下自己，今晚雖然食麥當勞，但我地一點也不介意，仲好開心，回味下呢幾日行程，準備執行李，留意一下颱風消息，明天返香港了。

我們的戰利品

杯麵都唔放過!!

瞳瞳為媽媽在2000 YEN鞋店揀既鞋

藥妝個免稅袋

加送:瞳瞳與屎屎人的趣事

話說酒店下面係車站，人來人往，一到入夜，就會有好多賣藝的人在車站出入口表演，認真，呢幾日我地所見，每晚都有唔同既人黎賣藝，而且幾高質素，唱歌果班D歌幾好聽之餘，仲會賣CD，晚晚都有自己既FANS捧場。

當中就有呢一位，我地行過暗地裡叫佢做「屎屎人」，睇圖就知 XP。佢係唯一一個唔係唱歌，做類似楝篤笑之類，雖然我地唔明佢日文講咩，但佢動作表情搭夠，幾搞笑!! 我地覺得佢係似模仿緊一D野，可能係人或動物，有一次我地睇佢表演，佢做到中途一半唔記得左個劇本，之後走去睇「貓紙」，真係比佢吹漲! 呀!! 突然諗到廣東話「騎呢」去形容「屎屎人」，真係好貼切。雖然「騎呢」，呢條友仔都幾多女FANS架!!

每次經過呢邊出入口，瞳瞳都特別留意「屎屎人」，有時「屎屎人」未開檔(一般晚上九點後，在南海難波站千日前通出口)，成日問「屎屎人」去左邊? 於是係我地返香港之前一晚十一點幾，帶佢落去見一見「屎屎人」，影張相，開心哂!!

有用資料: 

1. 睡天使醒惡魔 (日本必入手藥妝‧熱門排行暨精闢說明)

2. 蟹道樂   

http://douraku.co.jp.t.at.hp.transer.com/kansai/shop/honten/

延伸閱讀：

[新手必看]Day1大阪奈良6日5夜親子之旅全攻略(4之1. 香港飛台北到大阪，相機失而復得，轉機其實好簡單!!)

http://tungbama.blogspot.hk/2015/08/day165.html

[新手必看]Day1大阪奈良6日5夜親子之旅全攻略(4之2. 搭上外形極似鐵人28的南海電鐵Rapi:t直奔大阪市難波站)

http://tungbama.blogspot.hk/2015/08/day16528rapit.html

[新手必看]Day1大阪奈良6日5夜親子之旅全攻略(4之3. 極盡地利、飽覽大阪市的swissotel NANKAI OSAKA 南海大阪瑞士酒店)

http://tungbama.blogspot.hk/2015/08/day1653-swissotel-nankai-osaka.html

[新手必看]Day1大阪奈良6日5夜親子之旅全攻略(4之4. 日本第一餐:「燒肉力丸」放題)

http://tungbama.blogspot.hk/2015/08/day1654.html

[新手必看]Day2大阪奈良6日5夜親子之旅全攻略(2之1. 大阪環球影城:教你不用花一分錢買任何Express、不用園內撲入園劵，輕輕鬆鬆進入哈利波特的世界)

http://tungbama.blogspot.hk/2015/08/day26521-express.html

[新手必看]Day2大阪奈良6日5夜親子之旅全攻略(2之2. 大阪必到固力果招牌、網友激讚的平價抵食之選: 赤垣屋迴轉壽司)

http://tungbama.blogspot.hk/2015/08/day26522.html

[新手必看]Day3 大阪奈良6日5夜親子之旅全攻略(3之1. 嘆住冷氣和服體驗之大阪生活今昔館、日本最長商店街天神橋筋+天六食堂)

http://tungbama.blogspot.hk/2015/08/day26531.html

[新手必看]Day3 大阪奈良6日5夜親子之旅全攻略(3之2. 鹿的世界，瞳瞳爸爸講故事@東大寺 奈良公園+東大寺)

http://tungbama.blogspot.hk/2015/08/day3-6532.html

[新手必看]Day3 大阪奈良6日5夜親子之旅全攻略(3之3. 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒)

http://tungbama.blogspot.hk/2015/08/day3-6533.html

[新手必看]Day4 大阪奈良6日5夜親子之旅全攻略(2之1. DIY日清杯麵之旅、一風堂拉麵)

http://tungbama.blogspot.hk/2015/08/day4-6541-diy.html

[新手必看]Day4 大阪奈良6日5夜親子之旅全攻略(2之2.梅田「大丸百貨TOMICA+SANRIO專門店」、觸得到的海洋世界「海遊館」、国産牛焼肉食べ放題)

http://tungbama.blogspot.hk/2015/08/day4-6522tomicasanrio.html

[新手必看]Day5 大阪奈良6日5夜親子之旅全攻略(6/8 酒店＞漫遊道頓堀＞蟹道樂＞善導寺＞黑門市場＞日本藥品網頁介紹＞ 瞳瞳與屎屎人的趣事)

http://tungbama.blogspot.hk/2015/08/day5-6568-aaaaaa.html

[新手必看]Day6 大阪奈良6日5夜親子之旅全攻略(7/8 中華航空大阪經台北返回香港+和颱風蘇迪羅鬥快+親子之旅小總結)

http://tungbama.blogspot.hk/2015/08/day6-6578.html