2016年2月23日 星期二

【台灣、台中、清境、台南、高雄】第一次帶小孩子坐飛機到外國心得!(台灣)

台灣

係瞳瞳爸爸最鍾意旅行既地方:夜市、美食、風景、溫泉…..都令人好吸引。台灣亦都係瞳瞳第一次去外遊既地方,再「偉大」D咁講,都算係瞳瞳踏足世界的第一步!

如果朋友問我第一次應該帶小朋友坐飛機去邊度,我亳不猶豫會回答:「台灣!」特別係6歲以下的小朋友,呢個歲數亦係一眾爸爸媽媽覺得小朋友最好玩、但又最麻煩既時間!



我就試下簡單D,由「衣、食、住、行」四方面講解下:

「衣」:亦即係天氣,因為台灣天氣同香港相近,基本上你係香港著咩衫、台灣都係著咩衫,唔需要太特別去額外添衣,少添煩惱。

「食」:台灣口味同香港相近,不外乎粉、麵及飯,再加上地道小食,小朋友會容易入口,再加上必要時連鎖快餐店,如麥當勞、KFC之類都可以一解燃眉之急。台灣既夜市同小食,真係食唔停、行唔完架!


高雄瑞豐夜市
高雄六合夜市
宜蘭羅東夜市
台中逢甲夜市
(ps:整理之中發現原來我地都去左好多個夜市 XP)

「住」:台灣酒店大多數都舒服、企理、乾淨,基本上你所需要的都會有,甚至客房內的杯麵、汽水都可以隨便享用,有些酒店更以「親子酒店」做主題,針對為一家大細而提供所需服務,更加貼心!
大力推介的「高雄秝芯酒店」,也是一間以<親子>為主題酒店

「行」:香港去台灣各個航線機程大約一小時二十分鐘左右,適合第一次出門既小朋友「試水溫」,如果去多幾次台灣都無問題的話,就可以挑戰更遠的旅程。香港出發到台灣的航點有「台北」、「台中」、「台南」及「高雄」。暑假期間會有去「台東」的特別航班(在2015年7至8月中華航空曾經開辦過,每天來回一班),視乎你想去的景點近邊一個機場。在上述幾個航點來講,「台北」機票價錢會較平,因為航空公司之間的競爭及航班選擇比較多。因為台灣機票經常做特價,所以買到平機票的機會好高,瞳瞳爸爸試過一次中華航空飛去高雄,$968連稅來回。

AE華信航空;CI中華航空;BR長榮航空;CX國泰航空;KA國泰港龍;HX香港航空;UO香港快運

以下是香港人常到的台灣景點及機場配對:
「台北」(CI,BR,CX,KA,HX):台北市、基隆、宜蘭
「台中」(AE,UO,KA):台中市、清境農場、彰化、阿里山、日月潭
「台南」(CI):台南市
「高雄」(AE,CI,KA):高雄市、墾丁


第一次Upgrade上商務位
高雄美麗島捷運站
自駕遊也很方便
至於市內交通,如果你玩兩大城市:台北及高雄,基本上捷運(即係香港地下鐵)都可以幫到你;台灣的士大家都可以放心,絕對唔似返大陸咁,唔知車左你地去邊,按錶收費,如果單次計(多數用於往返機場),都有清楚的收費表;至於自駕遊租車都好方便,透過網上預訂就可以了!

出發前的準備:



A。特區護照+無相片身分證

首先小朋友要去香港入境處做一本特區護照,同時亦要幫小朋友做埋一張「無相片身分證」

香港特別行政區護照申請書(適用於十六歲以下兒童在香港申請)

11歲以下人士因申請特區護照而需要申請永久性居民身份證


小朋友護照5年有效期,有32($185)及48頁($230)選擇,瞳瞳爸爸覺得32頁已經足夠,而且只有5年有效期,近年出入境已經電子化,甚少在護照內打「豬仔印」,夠用有突。大家預14個工作天時間取證  (以香港入境處為準)



B。香港居民「網路申請入臺證」準備

1.    必需為香港出生 (可參考護照「出生地」一欄)
2.    持有香港特別行政區護照
3.    有六個月或以上有效期
有齊以上三樣,就可以做「網路申請入臺證」,費用全免,即時知結果,三個月內有效,記得用電腦列印出黎過關。


如果非香港出生,要做入臺證,詳情可聯絡:

臺北經濟文化辦事處(香港)
地址:香港金鐘道89號力寶中心第一座11樓之1106室 
電話:(002-852)25258316 
上班時間:週一~周五 09:00 17:00

A+B就可以出發去台灣!



$$$$$$$$$$  兌換台幣:$$$$$$$$$

其實只要有提款卡,卡的背後有不同的公司,如銀聯/PLUS Cirrus等,一般來說,「銀聯UnionPay」最抵,手續費為 $15 HKD/一次,記得出發前在香港開埋「海外提款」,就可以去到台灣相同有「銀聯UnionPay」字樣的提款機提款,非常方便。台灣的提款機每次最高可以撳TWD 20000 (係台幣),因為手續費係固定,所以撳TWD 1000 定 20000 都是一樣,所以一次過撳夠就最好!

小貼士:唔知你地上一次去台灣有無台幣剩? 如果有,可以用身上現有既台幣出左市區先,基本上市區的便利店(7-11/全家Familymart)入面都有提款機,唔駛咁急係機場排長龍撳錢。如果身上無台幣,入境移民局之前都會有ATM機,會無咁多人架!



行程計劃:

如果對台灣景點唔熟識、而網上資料又五花八門,應該點好呢?我介紹一個網站比大家:
http://naughtyangel.pixnet.net/blog <睡天使醒惡魔成長日誌>



跟<睡天使醒惡魔>一大夥人去玩,永世難忘!
由一班當地台灣的幾個媽媽所造,慢慢聚集起來成為家庭旅行,她們所有介紹的地方/景點/酒店全部都是第一身去過,自己先行去「踩線」,再把資料整合及再介紹,而且佢地的宗旨是「親子家庭樂」,所以行程內容一定適合一家大小。所以如果你未有IDEA想去邊度,或者想搵更多景點資料,都不妨上去來找找。我敢講,跟她們的行程,落差一定不會太大,有質素保證!起初我第一次外地親子遊計劃行程時,亦有參考他們的內容,簡直是一本天書,也因此認識了熱情的他們,不會忘記他們熱情的招待,謝謝他們行程上一路的照顧。特別Ann Cheng姐,真的很照顧我們一家,能夠認識到她是我的榮幸。(除了台灣,他們寫的日本內容也很詳盡,大家也不妨參考一下)




下一次會介紹台灣我地玩過既幾條路線,第一條會係「6天5夜 台中>彰化>清境>關子嶺>台南>高雄」 敬請各位期待啊~

2016年2月15日 星期一

【香港本地親子遊】Light Rose Garden 玫瑰燈海園 – 香港站 觀賞攻略(活動已完成)


Photo by Sneeze C.W. Lam



最近大家熱哄哄的追緊金鐘一帶的一片花海,原來係來自韓國首爾的Light Rose Garden 玫瑰燈海園,今次來到香港,組成了一片璀燦花海,今次瞳瞳爸爸以Q & A形式,希望令大家更易掌握!感謝攝影專家朋友 #Sneeze C.W. Lam 同我地<瞳遊樂>分享左第一手靚相,而且會提點下大家參觀時要注意的事。




Q:今次展期是?

A:橫跨「西方情人節」及「中國元宵節」,由2月14日至2月22日,前後共9日。

Q:展出的地方是?

A:
大家絕對要留意,因為分左兩個時段、兩個地方

2月14日至2月16日 中西區海濱長廊(中環段)

2月20日至2月22日 添馬公園

中間由17-19日係花海搬遷期,但仍然會作有限度開放。


Q:LED 玫瑰花係咪全日都會著燈?

A:唔係,著燈時間為晚上六時至十一時,要留意!

Q:一共有幾多朵LED 玫瑰花?

A:約25000朵

Q:搭咩車去睇呀?

A:無論係「中西區海濱長廊(中環段)」定「添馬公園」,都係在港鐵金鐘站A出口行過去會比較方便;另外多線途徑金鐘的巴士也可以。

Q:有咩特別要留意?

A:Sneeze C.W. Lam佢親身去過,佢特別提一提各位爸爸媽媽,花海旁邊有石級,天黑或者人多果陣未必為意到,所以影相要企定,一路行一路影會容易發生意外。

Q:有無話咩位置必影?

A:Sneeze C.W. Lam提議大家,用IFC同摩天輪做背景,然後再行上高地影返落黎維多利亞港+九龍尖沙咀海旁做背景,咁個構圖就perfect啦!

Sneeze C.W. Lam都話因為現場人多,所以大家都要互相合作同忍讓,快快手手影啦~



Photo by Sneeze C.W. Lam
Photo by Sneeze C.W. Lam

再特別加送朋友 #Jak Ho 在上年十二月果陣,佢去左韓國首爾睇原裝的Light Rose Garden, 大家可以比較下!
Photo by Jak Ho
Photo by Jak Ho
再一次感謝#Sneeze C.W. Lam 及 #Jak Ho 和大家分享

2016年2月9日 星期二

2016年2月5日 星期五

[2016猴年好去處] 甜蜜蜜新春+情人節 圓方ELEMENTS「法式彩繡孔雀園」(活動已完成)

今年既農曆新年同情人節都好近呀!2月14日既西方情人節 = 農曆大年初七(人日),一下子要應付農曆新年,另一方面又要度西方情人節的活動,真係幾傷腦筋!

好彩有D商場已經開始咗「新春+情人節」的活動,就當嚟一個crossover,一次過滿足兩個節日。

最近行過位於港鐵九龍站的圓方商場(ELEMENTS),今個新年佢乎就打造全港最大型7米高的立體刺繡孔雀藝術裝置,成為商場焦點!7米高的立體刺繡孔雀以繡線、羽毛、珠子、仿寶石等組成。孔雀屏利用漸變色的刺繡技巧,展現出立體層次,栩栩如生。旁邊的桃花花圃中,襯有可愛活潑的靈猴,係影相拎「LIKE」既好地方。大家可以到園裡於桃花樹下繞道一圈,行個桃花運,或者向花園中央的天燈許願,希望新的一年平安幸福。







商場仲特別邀請左法國知名立體刺繡大師Elisabeth Roulleau 親臨來港,將象徵四季的奇花異卉刺繡於維多利亞設計的3米花瓶上,以展現新年百花盛放的景象。



ELEMENTS圓方的精彩表演時間表

表演時間

華麗孔雀舞動圓方

31 / 1 / 2016
下午330分及430
7 / 2 / 2016
下午4時及5
9 / 2 / 2016
下午230分及330
14 / 2 / 2016
下午330分及430
天籟之音
14 / 2 / 2016
下午530分及630
香港青少年管弦樂團音樂表演à
5 / 2 / 2016
黃昏
6 / 2 / 2016
下午
Hong Kong Fantasia Symphony Orchestra
12 / 2 / 2016
下午3
激鼓樂社
13 / 2 / 2016
下午330分及430
à香港青少年管弦樂團音樂表演將會於25日黃昏及26日下午期間不定時進行。
以上節目如有更改或調動,恕不另行通知。

ELEMENTS圓方即日電子貨幣消費滿港1,000元或以上,體驗更多購物消閒樂趣,迎接新春的來臨。換領詳情請瀏覽網站:www.elementshk.com
推廣日期: 2016115日至24
所需最低即日合資格
電子貨幣消費額
禮品^
逢星期一至日
港幣$1,000
港幣$50 ELEMENTS圓方餐飲現金券
港幣$4,800
ELEMENTS 圓方限量版利是封1 +
La Maison Du Chocolat 港幣$100禮券
港幣$13,800
ELEMENTS 圓方限量版利是封1 +
The Grand 2D 戲票4 +
港幣$100 ELEMENTS圓方現金券
逢星期六、日及公眾假期
港幣$68,000

ELEMENTS 圓方限量版利是封1 +
TeaWG 茶具禮盒套裝 +
The Grand 2D 戲票2 +
港幣$1,000 ELEMENTS圓方現金券
每日禮品換領數量有限,先到先得,換完即止。禮品將於推廣期內不定期推出。詳情請往換領處查詢。
 此項禮品亦可於金區2樓禮品換領處 (GUCCI店側換領。

有用資料: 

1. 圓方ELEMENTS

地址:港鐵九龍站

2016年2月4日 星期四

2016 年宵市場位置及交通一覽(活動已完成)

年宵市場將由 2016年2月2日(年廿四)至2月8日(年初一)連續開設七天,大家都準備好過年未呢?每次過年最期待就係行花市,行左咁多年,瞳瞳爸爸都有少少心得:

~ 香港最大年宵市場係「銅鑼灣維多利亞公園」,夜晚好多人,純粹得個「迫」字,帶小朋友唔建議夜晚行,反而可以選擇日間

~ 「濕貨區」最啱同小朋友去行,認識一下我地中國傳統農曆新年既年花及其寓意,例如「桔」=「大吉大利」、富貴竹、五代同堂等等,家長們都要溫下書啊!

~ 因為上年發生過「撈金魚」攤位將金魚活生生棄置,所以今年康文署唔會有「撈金魚」攤位(近年少有即時生效的德政)

~ 「乾貨區」好多野賣,但近年年宵市場都萬變不離其中,所以行一個年宵市場已經足夠。呢幾年都好興一種「動物氣球」,瞳瞳年年都扭計要買咁滯,一個年宵市場會有好幾檔都有得賣,所以唔駛心急,貨比三家,格左價先,因為相差有時可以$20 ($39 vs $59)。

~ 當然,最後要守秩序同跟巡工作人員同警方指示進出場。




(a) 銅鑼灣維多利亞公園
交通:港鐵天后站A2出口/銅鑼灣站E出口,多線巴士途徑


(b) 離島東涌道足球場
交通:前往逸東邨的巴士,再步行十分鐘


(c) 深水埗花墟公園
交通:在界限街,雀鳥公園後面,多條途徑界限街巴士路線

(d) 深水埗長沙灣遊樂場
交通:港鐵長沙灣站B出口,多條途徑長沙灣道巴士路線

(e) 黃大仙摩士公園
交通:港鐵樂富站A出口,或由新蒲崗(彩虹道)經美東邨前往

(f) 觀塘遊樂場
交通:港鐵觀塘站D1出口

(g) 葵涌運動場
交通:港鐵葵芳站B出口

(h) 荃灣沙咀道遊樂場
交通:港鐵荃灣站A1出口/荃灣西站E1出口

(i) 屯門天后廟廣場
交通:由屯門市中心經友愛邨跨過屯門河前往

(j) 元朗東頭工業區遊樂場
交通:港鐵朗屏站F出口

(k) 北區石湖墟遊樂場
交通:港鐵上水站經上水廣場前往

(l) 大埔天后宮風水廣場
交通:多條途徑大埔中心巴士路線

(m) 沙田源禾遊樂場
交通:多條途徑源禾路巴士路線

(n) 西貢萬宜遊樂場
交通:多條往西貢的巴士路線

(o) 將軍澳寶康公園
交通:港鐵寶琳站B3出口

2016年2月2日 星期二

[2016猴年好去處] 雜技表演@「靈猴蝶舞又一城」及 藝術氣息@「微笑的幸福愉景新城」(活動已完成)

今年係猴年,代表靈活好動,生生猛猛,希望大家呢個新年好似馬騮仔咁走嚟走去四圍玩,最近瞳瞳爸爸知道本地有幾個大型購物商場,都會有特別表演,大家行街不妨留意下。

今次係位於九龍塘既「又一城」,呢度有個「靈猴.獻技」國寶級雜技匯演,由「瀋陽雜技團」親臨獻技,其中有個高難度表演 —《轉動地圈》,由雜技團隊將飛躍穿梭多個於原地旋轉的金屬環型裝置,絕對是超高難度雜技。


另外提提大家,又一城係2月11日(大年初四)會有「賀新歲醒獅表演」,都不可錯過。




靈猴蝶舞又一城」活動時間表
節目
日期
時間
地點
靈猴蝶舞又一城」揭幕禮
126
下午530
LG2
靈猴蝶舞又一城」獎賞
128214
中午12時至晚上11
禮品換領處
UG
「靈猴.獻技」賀新歲
13031日及
257
下午3時、4時及5
LG2
「聖雅各福群會」慈善義賣
25日至14
中午12時至晚上7
LG2
賀新歲醒獅表演
211
上午11
LG2
*以上節目如有更改,恕不另行通知。



中庭豎立富中國藝術色彩的巨型吉祥卷軸畫作及大型扇畫


「瀋陽雜技團」親臨獻技,其中有個高難度表演 —《轉動地圈》

農曆新年期間(由2016年1月28日至2月14日期間)在又一城會享有獨家購物禮遇,用指定信用卡簽賬指定金額,可換領「鳯悅.三層曲奇禮盒」、「GODIVA新年巧克力禮盒」、又一城利是封、抽奬券3張、琉璃工房「大聖大如意」茶具套裝等等,詳情同換領方法請參考按此官方網頁
猴年主題的禮品好靚呀~

有用資料: 

1. 又一城
地址:港鐵九龍塘站


=================================


另外仲有荃灣的「D.PARK愉景新城」,今年誠邀得韓國新晉人氣藝術家Kim Jihee金智姬首度來港,以其自創而屢獲殊榮的成名作「隱藏的微笑」(Sealed Smile)為主題,帶來她在韓國以外、亞洲首個個人展覽;並創作全新一輯「一家笑口HK Sealed Smile FAMILY」藝術畫作,首度於香港曝光!

韓國新晉人氣藝術家Kim Jihee金智姬
「D.PARK愉景新城-微笑的幸福by Kim Jihee」內新增新春韓式型格部屋裝置,以韓國年輕一代的簡約格調,佈置了Kim Jihee金智姬出道以來多年來別出心裁的作品,加上寓意新春的花卉及蝴蝶綴飾,百花盛放,喜氣洋洋! 場內更設置3D大型「福」字,取其福字外型,寓意「春福滿臉」,絕對是新春期間一家大小的必影相位!而以「親子」為主打的D.PARK愉景新城當然會提供不少親子互動遊戲專區,讓小朋友樂而忘返;部屋旁更放置巨型行運風車,祈望為大家轉出好運。「Sealed Smile FAMILY」自助照相館,大家可以擠身其中選擇不同造型影相留念。

以畫框設計的「Sealed Smile FAMILY」自助照相館

Kim Jihee金智姬更特別為D.PARK愉景新城設計限量版一套六款「一家笑口」利事封,以桃紅、紅、橙及紫色為主調,包括「Lovely 爹哋」、「Hopeful媽媽」、「Lucky囡囡」及「The Best猴仔仔」。其他兩款設計均選用「福」字及「招財進寶」整合字為題,取其福運齊來好意頭,玩味十足利是封,真係唔捨得用!
「一家笑口」利事封


「一家笑口」利事封 換領詳情
日期:
2016123日至27
時間:
中午12時至晚上8
地點:
DPARK愉景新城第二層禮賓處
查詢電話:
2940 2822
換領詳情:

以即日電子貨幣消費(最多可憑兩張不同商戶之機印發票,每張發票須滿$100或以上)滿港幣$300或以上即可換領限量版一套六款「一家笑口」利事封乙套
(數量有限,換完即止) (最多可憑兩張不同商戶之機印發票,每張發票須滿$100或以上)

DPARK愉景新城-微笑的幸福by Kim Jihee
日期:
2016115日至222
時間:
上午11時至晚上10
地點:
DPARK愉景新城 (港鐵荃灣站A3出口)


有用資料: 

1. D.PARK愉景新城

地址:港鐵荃灣站A3出口步行前往