「堺駅」亦唔例外，前面介紹過酒店Comfort Hotel Sakai 就係車站的旁邊，今次就介紹附近「食 ＋ 買」，一諗起呢兩樣野就開心啦！
先認識下個地理位置先，堺駅主要分為「南口」同「北口」，酒店Comfort Hotel Sakai就位於南口，南口主要係食肆、居酒屋為主；北口就有大型購物中心"PLATPLAT"、超市（AEON）同藥妝。
先介紹「南口」食肆先。。。。
未食野的唔好睇啦～哈哈～
A 明治色亭
起初我地到步時已經很晚，所以只好在附近找間食肆。通常我地一家四口係日本搵野食都係咁：會比門口的食物擺設吸引咗，然後就入去啦。
我地第一次去食鐵板燒既店舖。一入去，店內的感覺好似古董舖，擺設著唔同的時鐘，好有味道。
坐下後，小朋友要小心熱呢，因為檯上有一塊熱熱的鐵板。我地點了兩個大阪燒，店員在廚房弄好之後，就放到面前的鐵板，然後你可以根據自己口味加入木魚、海苔粉、醬汁等。記得耐不耐要將食物反轉，避免只燒一面而燶丟。
味道當然好好味啦！可能因為自己有份整，感覺特別唔同，而且燒餅一直都有鐵板「熱」住，唔會凍，個炒麵又飽肚，連瞳瞳食咗唔少呢！
店名：Mejirotei (お好み焼・蛸焼 明治色亭)
地址：大阪府堺市堺區榮橋町 1丁10-1
營業時間：11:30-22:00（L.O.21:30）
星期天照常營業
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
B. 仔牛亭
門口掛住紅色燈籠的「仔牛亭」，除咗門面古色古看外，經常傳來陣陣燒肉香味亦都係吸引我地之處。舖頭位置就係我地酒店往返車站的必經之路，所以我同瞳祈媽媽都心裡暗忖計劃，無論如何點都要去食一次先。
仔牛亭店面唔大，經常都滿座，終於比我地見到有一日無咁多人，就入去食！
入到去正正係街坊格局的燒肉店，好啊！我地最鍾意地道的！
當日「仔牛亭」由兩位年紀都幾大的婆婆主理，燒肉料係逐碟叫，不是放題，我地用Google翻譯，都算可以慢慢落單。
基本上餐牌有寫的，我地都有叫。肉同海鮮都好新鮮，特別係牛舌，唔係薄薄一片，都幾「厚切」架～
菜單
啤一啤先
好厚的牛舌
海鮮類不多，但就夠新鮮
店名：Koushitei (仔牛亭)
地址： 大阪府堺市堺區榮橋町 1丁7-5
營業時間：17:30～23:00
星期天照常營業
定期休假日：年末年始
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
C かまん（拉麵）
這間叫「かまん」的拉麵店，給我第一印象係極似以前卡通片入面，在河邊的一間屋，店子小小的拉麵店，今次親身接觸了。
店內只有7個座位，我地都叫佔了4個，賣的係牛骨拉麵，老闆係一個沉默的人，默默煮麵條，我地叫了三碗牛骨拉麵加上餃子，奶白色的骨湯加上滷肉，非常好味，連瞳瞳自己都可以食哂一碗，湯底也不要放過，要一飲而盡。
地方不大，但充滿氣氛，老闆也沒有催我們走，不過見到門外開始有人等候，我地都識趣地讓出空位，好讓另外4位客人入去享受。
店名：(かまん) 類
地址：大阪府堺市堺區榮橋町 1-9-5
營業時間 ：11:30～14:00 & 18:00～22:00
逢星期日休息
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
D. こんなもんや
又一間好卡通片式風格的小店，就係上面介紹的「かまん」拉麵店的旁邊。小店由鐵皮蓋成，坐落於河邊，只賣章魚燒的小小居酒屋，我地就沒有飲酒，只是買章魚燒外回酒店，當係小食，十分有風味！一粒一口章魚係最過癮的！
瞳瞳家姐等外賣中
店名：Konnamonya (こんなもんや)
地址：大阪府堺市堺區榮橋町 1丁9-3
營業時間：晚上開舖，休息日不定，看運氣😋
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
其實堺駅點止咁少食肆，我地只係試了好少，果度仲有不同的居酒屋、燒肉店、立食屋、弁當等等，就留返個空白位讓大家去發現啦！
介紹左食肆，今次到SHOPPING啦！我地堺駅北口有個大型購物中心叫「PLAT PLAT」，買野主要係地下、2/F同3/F，入面有starbucks、GU、ABC MART、AEON超市、麥當勞、EDION（玩具＋家電）等等，應有盡有。
晚上的PLATPLAT
ABC MART
商場入面人流唔多，可以放鬆咁行～
EDION差示多佔了3/F全層，行得好輕鬆！
「流水麵」機，超過癮！
AEON超市
如果未行夠，PLATPLAT對面有兩幢獨立的超級市場同藥妝，只要跨過行人天槁就可以啦！
PLATPLAT購物中心
地址：堺市堺区戎島町3-22-1 （南海電鐵堺駅北口連結）
網頁：http://www.platplat.jp/2. 堺駅食肆推介＋PLATPLAT購物中心，超貼地感受生活
3. 海豚聚會+機動遊戲+動物園三合一：岬(Misaki)公園
4. 大阪百年歷史路面電車，體驗「阪堺電車」之旅
5. 尋找小石頭做御守，千年歷史「住吉大社」
6. 超級好玩！大阪府立大型兒童館BIG BANG！齊齊攀上53米高「遊具之塔」！
