【日本、大阪、有馬溫泉】[2015 五日四夜跨年親子遊]Day4 (2之1) 勁啱一家大細去hea足半日的「天王寺動物園」(大阪市立動物園)

第四日（２／１）
早餐：便利店輕食 > 大阪市立動物園 > 午餐：神座拉麵 > Yodobashi > 心齋橋BIC CAMERA > 晚餐：無添くら寿司 元町店 > 心齋橋搵屎屎人 > 酒店


新年的第二日，瞳瞳琴日陪我地去瘋Outlet，今日點都要佢做主角啦！原本打算去京都市立動物園&嵐山，但山長水遠去睇一個動物園，嵐山風景淨係啱大人睇(最重要係嵯峨小火車冬天唔開)，不如慳Ｄ時間，近近地去大阪市內的 - 「天王寺動物園」。

唔知係咪「市立」關係，比人感覺好似低一級，再加上風頭比同市的「大阪海遊館」搶哂，好似無咩人會介紹呢個地方。不過在於家長而言，呢個動物園真係好好行，好適合一家大細，至少香港無呢種地方，另外交通極為方便，搭地下鐵直接有個站叫「動物園前」，無錯，咪就係動物園前面落車囉！好易記 ！大力推薦！　 XP

於是我地好簡單係便利店買幾個飯糰做早餐，就出發了！今日我地再買多一次「大阪地下鐵ONE DAY PASS」(DIY購買ONE DAY PASS)，因為 ６００ yen 真係好抵玩：


梅田　＞　大阪市営地下鐵「御堂筋線」(天王寺行方向)　＞　動物園前


落左車，真係好抵死，成個地鐵月台都係動物園既廣告，最最最最抵死係你唔駛睇箭咀都知道方向，跟住動物既PAT PAT行就得啦！！

瞳瞳扮袋鼠，幾似模似樣

真係跟住動物PAT PAT走就可以搵到出口

 

1號出口上地面，放心，指示好清楚

出口上地面之後轉左行入商店街，行到尾轉右轉就到動物園入口

其實呢度係大阪另一景點「通天閣」附近，叫「新世界」，以炸物出名為主，我地時間尚早，好多店舖仲未開，所以就無咩點行到，一於紀錄下來，我留返下次嚟大阪再來行下。

天王寺動物園原來佢在１９１５年開園，剛剛２０１５年係１００周年紀念，所以門口都有慶祝１００周年的裝飾，今年係２０１６年，即係１０１周年了！今日入場的人唔多，所以行得幾舒服。

首先入場買門票，成人票價５００ YEN，中小學生２００ YEN，其餘一律通通免費入場，咁即係瞳瞳爸爸同瞳瞳媽媽要比錢啦！等等！呢個時候售票處姐姐突然拎個牌出黎，原來佢想問我地有無圖入面既卡，咁入場就會有優惠。一睇！有呀！「大阪地下鐵ONE DAY PASS」呀(第2點最右邊果張)！我地出示完張DAY PASS後，大人入埸費由５００ YEN減至３５０ YEN，足足平左１５０ YEN，有著數！

真係估唔到地下鐵ONE DAY PASS都有入場優惠：５００＞３５０

好彩呢位姐姐提我地，真係好人。

天王寺動物園的入場劵

講多少少就唔阻大家睇相，去大阪不妨帶大人小朋友嚟呢度親身體驗下。呢度的面積大約就好似維多利亞公園咁，呈方形，四周都比高樓大廈包住。

頭先我地由「動物園前」站入黎果個入口叫「新世界入口」、另外仲有個出入口係「天王寺」站附近，一共有兩個。

入去之後，就拎張園區地圖，因為公園呈方形，我建議以順時針方式行，即係入場之後沿你左手邊行，然後順時針行一個圈，之後返回原來入口就完成行程。

同小朋友慢慢行，預計可以行一個上午，約３小時。園內有餐廳、小賣部、洗手間等設施。

到講動物啦，裡面有個模仿草原的區域，佢將鴕鳥、長頸鹿、斑馬等等幾種動物放在一起，在其他動物園只能見到一個地方入面養有一隻動物，所以呢度好特別。至於其他動物種類如犀牛、河馬、大象、蛇、老虎、豹.......真係咩都有，仲有一間叫「夜間生活小動物」的展館，可以見到平時難得一見既夜行動物，夜行動物唔止有蝙蝠，仲有好多唔同動物出現，増長知識。

位於動物園中間有個園區，我叫它做「互動區」或者「餵飼區」，門口有一個小攤檔，會售賣一些飼料比你去餵羊咩咩，１００ YEN一碟，大約有十粒左右，不過比小朋友親近動物，值得的！

動物園地圖

動物園地方頗大

水中看河馬

犀牛

長頸鹿、斑馬共存

其實仲有隻羚羊

售賣飼料的攤檔

100 YEN份量

放心，只是大象館的裝飾，好多小朋友都被象鼻吸引到

真的大象來了

夜行生活館的蝙蝠

還有街頭藝人表演

我地由原來的入口離場(新世界)，順時針行左一圈，行番去商店街落去地鐵站。中途遇上一間食「明石燒」，影低左個招牌，幾好食喎！之前我地係「有馬溫泉」食過，今次呢度最特別係入面放左蒟蒻同埋舖上大蔥，唔似平時既紫菜或者木魚。

就係呢間店舖啦，認住佢啦～

門口即場食

入面的蒟蒻粒

有用資料: 

1. 天王寺動物園 

電話：06－6771－8401

http://www.jazga.or.jp/tennoji/ninkimono/index.html

入場時間：０９３０　～　１７００　（最後入場時間為１６００）

門票：成人５００、中小學生２００　（不同的DAY PASS 會有不同的折扣)

延伸閱讀：

[2015大阪跨年5天親子遊] 有馬、大阪跨年行程大公開!

http://tungbama.blogspot.hk/2016/01/20155.html

[2015大阪跨年5天親子遊]Day1 (4之1) 30分鐘由關西空港特快去神戶方法!（內有神戶黎明）

http://tungbama.blogspot.hk/2016/01/20155day1-41-30.html

[2015大阪跨年5天親子遊]Day1 (4之2) 一票到底！買一張車飛由三宮站直到有馬溫泉!

http://tungbama.blogspot.hk/2016/01/20155day1-42.html

[2015大阪跨年5天親子遊]Day1 (4之3) 六甲山滑雪場的冰雪之旅

http://tungbama.blogspot.hk/2016/01/20155day1-43.html

[2015大阪跨年5天親子遊]Day1 (4之4) 有馬溫泉「陵楓閣」：體驗傳統日本溫泉旅館，專人服侍用餐，食神戶牛

http://tungbama.blogspot.hk/2016/01/20155day1-44.html

[2015大阪跨年5天親子遊]Day2 (3之1) 陵楓閣日式早餐 + 邊行邊浸腳：「有馬溫泉街」

http://tungbama.blogspot.hk/2016/01/20155day1-31.html

[2015大阪跨年5天親子遊]Day2 (3之2) 一程車就可以由有馬溫泉直達梅田 + 外出、行街極方便「新阪急酒店」

http://tungbama.blogspot.hk/2016/01/20155day2-32.html

[2015大阪跨年5天親子遊]Day2 (3之3) 梅田地下街探路之旅、有得食有得玩的扭蛋壽司、閒逛街坊超市：玉出超市、酒店睇「紅白」等跨年、2016第一個朋友之約

http://tungbama.blogspot.hk/2016/01/20155day2-33-2016.html

[2015大阪跨年5天親子遊]Day3 元旦日輕鬆行，簡易購買地下鐵1 day pass；瘋狂Shopping搶福袋 門真南<三井OUTLET PARK>+今福鶴見

http://tungbama.blogspot.hk/2016/01/20155day3-33-1-day-passshopping.html

[2015大阪跨年5天親子遊]Day4 (2之1) 勁啱一家大細去hea足半日的「天王寺動物園」(大阪市立動物園)

http://tungbama.blogspot.hk/2016/01/20155day4-21-hea.html

[2015大阪跨年5天親子遊]Day4 (2之2) 品嚐關西第一拉麵之稱的「神座拉麵」、梅田yodobashi VS 難波BIC CAMERA、扭蛋壽司再encorn、終於找到你「屎屎人」

http://tungbama.blogspot.hk/2016/01/20155day4-22-yodobashi-vs-bic.html

[2015大阪跨年5天親子遊]Day 5 Tomica shop DIY車仔工場砌巴士、梅田地下街午餐、由梅田搭Airport Limousine利木津巴士一上一落輕輕鬆鬆到關西空港、特集：「福袋」大揭秘

http://tungbama.blogspot.hk/2016/01/20155day-5-tomica-shop-diyairport.html

【日本、大阪、有馬溫泉】[2015 五日四夜跨年親子遊]Day3 元旦輕鬆行，簡易購買地下鐵1 day pass；Shopping搶福袋 門真南<三井OUTLET PARK>+今福鶴見

第三日（１／１）元旦日
早餐：first kitchen > 門真南<三井OUTLET PARK> > 鶴見綠地AEON MALL > 酒店稍休 > 晚餐：梅田燒肉店 > 心齋橋閒逛 > 新阪急酒店


元旦日，新年快樂！
一早起來快快走去窗邊，望一望Yodobashi搶福袋的排隊人龍，真的很誇張！

有部份人已經進入Yodobashi購物，看到工作人員每次「放」４－５人入去

酒店沒有包括早餐，所以我們隨意去酒店對面的first kitchen買漢堡包做早餐，價錢略貴，但味道也不錯！由於是元旦日，大部份的店舖都沒有開門，只有零星幾間舖頭營業，部份有人正排隊等開門搶福袋，連地下街都全層關閉休業，有點冷清。

所以行程編排上好困難，一般的百貨公司、食肆、旅遊景點、動物園等等，都在日本所謂的「年末年始」休息兩天，不過好好彩，比我搵到原來OUTLET在呢兩日係會照常營業！
反正景點不開放，就一於改去元旦日行OUTLET啦！

簡易購買大阪地下鐵ONE DAY PASS

估計今日會比較常用大阪地下鐵作為我地既交通工具，所以瞳瞳爸爸決定買「大阪地下鐵ONE DAY PASS」，方便駁腳出入。

平時去日本，大家咪要係機場或者旅遊服務中心度買PASS既，但「大阪地下鐵ONE DAY PASS」就唔駛啦，佢直接係地下鐵站站內的售票機就可以買到了！

站內宣傳呢幾日都只係600 YEN

ONE DAY PASS係由呢種平時買賣月票既售票機發售的

好簡單，首先在售票機揀左語言係「英文」先，會方便Ｄ！

跟住就出以下畫面，揀「CARD」　＞　之後入錢　＞　因為我地係６００ YEN，所以揀「ONE DAY PASS WEEKEND & HOILDAY」就可以了。

(平時星期一至五：８００ YEN，星期六、日及假期：６００ YEN)

幾個步驟就買到啦！

成功！

門真南<三井OUTLET PARK>

用「大阪地下鐵ONE DAY PASS」出發啦！

梅田　＞　地下鐵　御堂筋線 (なかもず方向)　＞　心斎橋站　轉車　＞　地下鐵　長堀鶴見緑地線 (門真南方向)　＞　門真南

中間要係「心斎橋」轉車，不用出閘，沿指示搵長堀鶴見緑地線，之後一直坐到尾站　－　「門真南」

出閘後利用３號出口上地面，就後一直向前行５－８分鐘就見到「三井OUTLET PARK」，以前受歡迎係佢有「MUJI 無印良品OUTLET」，不過已經執左；而家仲有「NIKE」、「Adidas」、「Reebok」、「CROSS」、「Levi's」、「Columbia」......等等。

各

進入「三井OUTLET PARK」，已經好多人，每間舖都塞滿人，呢度既基座已經叫做3/F，再上去就係4/F、5/F，所以實際得3層可以行，元旦日，人好多，起初以為咁偏僻唔會遇到香港人，點知都好多香港人，大家都識黎搵=)

唯一見到抵買既係「NIKE」，Dry fit果D淨色運動衫，999 YEN一件，即係約港幣$60左右咋！我地每人都各自掃左一對波鞋，準備過農曆新年啊～其他商店款式就唔多啱心水，不過淨係Nike都行左差唔多兩個鐘，花左好多時間。

今福鶴見<Aeon mall> 

沿路返回地下鐵「門真南站」，再去下一個行程：今福鶴見<Aeon mall>

門真南　＞　地下鐵　御堂筋線 (大正方向)　＞　今福鶴見

其實我地只係坐回頭車，搭返去幾個站，就到「今福鶴見」。出閘後用3號出口上地面，亦係一直向前行，大約１０分鐘就到啦！

Aeon 我地香港人就好熟悉啦，其實Aeon mall唔算係一個outlet，不過就係附近街坊都會去行嘅購物中心，比較平民化。商場同樣三層樓高，入面佔最大面積都係Aeon百貨，仲有玩具反斗城！今日元旦日，但入面既店舖同埋美食廣場都全部營業，仲有好多店員在自家店舖門前叫賣「福袋」，好有氣氛！

講下「福袋」先，所有「福袋」都預先包裝好，你係睇唔到入面既，但始終我地消費者，唔想買到唔啱自己既野或者根本唔知入面有咩而買，所以做成好多人走去「拆福袋」，裝下入面有ｄ咩野，搞到個袋開口位爛哂。不過而家開通左好多，雖然仍然有店舖「保持神秘」，但我見好多店舖已經在「福袋」旁邊有張圖介紹你知入面有D咩，以服裝店為例：「福袋」已經分好男裝、女裝同埋size，再在旁邊掛出「福袋」入面既衫，方便大家揀，唔駛再拆袋了！

我覺得呢度仲好行過OUTLET，D衫褲都靚好多，又有玩具反斗城，連洗手間都有兒童洗手間，仲有手推車 (可以放小朋友入去坐) 比你在商場四圍行，呢個商場都好適合一家大細。我地最後由下午行到夜晚，天光行到天黑！

Aeon Mall

無休業，我地又多一個地方行下～

落力叫賣！

瞳瞳都有收獲呀！女孩子玩具的福袋！

成個人咁高

反而Aeon store我地無咩點行

懷舊零食店

商場好細心，有「兒童洗手間」

攞又我攞..........

今福鶴見　＞　地下鐵　長堀鶴見緑地線 (大正方向)　＞　心斎橋站　轉車　＞　地下鐵　御堂筋線 （新大阪方向)　＞　梅田

返到梅田，上去酒店放低戰利品，又趕出去食野啦！今日元旦日，好多地方都休息或者提早收舖，選擇好少，天寒地凍，計劃打算食燒肉放題，但我地入去問的時候，好多話已經FULL左，或者提早收舖而唔再接生意。

果時只係夜晚七點，我地四圍問，由「有心水」的要求降到「但求有燒肉食」就算，終於搵到一間叫「しゃぶしゃぶ・焼肉 あじびる花心 本店」，果時已經１９：３０，last order ２０：３０，元旦提早２１：００關門。因為好肚餓，我地無特別影相。佢價錢平民好多，只係１９８０ YEN一位，任飲非酒精飲品就加多３００ YEN左右，佢既選擇就少，得５樣野揀：「牛肉」、「豬肉」、「雞肉」、「豬大腸」同「香腸」。

不過在出面拎既熟食就有驚喜，有咖哩汁、鰻魚、白飯，任配搭，呢幾樣野都好好食！我見到好多人係裝碗白飯，然後配搭燒肉食。

因為時間尚早，再加上有DAY PASS，唔好浪費，食飽飽就當散步，我地專登唔返酒店，走去搭地鐵去難波，諗住順便睇下碰唔碰到暑假見過既街頭藝人「屎屎人」，最後都見唔到，大家都有點失望。

我地由「難波」開始行，中間少不了要同大阪地標「固力果」招牌影一影相，遊客依然好多，行一個站去「心斎橋」，就搭返地下鐵返酒店休息了~

有用資料: 

1. 三井OUTLET PARK

地址：538-0031 大阪府大阪市鶴見区茨田大宮2-7-70

電話：06-6915-3939

2. 今福鶴見<Aeon Mall> 

地址：538-0053 大阪府大阪市鶴見区鶴見4-17-1

電話：06-6915-8600

http://tsurumiryokuchi-aeonmall.com/

3. しゃぶしゃぶ・焼肉 あじびる花心本店

地址：530-0027 大阪府大阪市北区堂山町10-2

電話：06-6313-2771

http://r.gnavi.co.jp/k120800/

延伸閱讀：

[2015大阪跨年5天親子遊] 有馬、大阪跨年行程大公開!

http://tungbama.blogspot.hk/2016/01/20155.html

[2015大阪跨年5天親子遊]Day1 (4之1) 30分鐘由關西空港特快去神戶方法!（內有神戶黎明）

http://tungbama.blogspot.hk/2016/01/20155day1-41-30.html

[2015大阪跨年5天親子遊]Day1 (4之2) 一票到底！買一張車飛由三宮站直到有馬溫泉!

http://tungbama.blogspot.hk/2016/01/20155day1-42.html

[2015大阪跨年5天親子遊]Day1 (4之3) 六甲山滑雪場的冰雪之旅

http://tungbama.blogspot.hk/2016/01/20155day1-43.html

[2015大阪跨年5天親子遊]Day1 (4之4) 有馬溫泉「陵楓閣」：體驗傳統日本溫泉旅館，專人服侍用餐，食神戶牛

http://tungbama.blogspot.hk/2016/01/20155day1-44.html

[2015大阪跨年5天親子遊]Day2 (3之1) 陵楓閣日式早餐 + 邊行邊浸腳：「有馬溫泉街」

http://tungbama.blogspot.hk/2016/01/20155day1-31.html

[2015大阪跨年5天親子遊]Day2 (3之2) 一程車就可以由有馬溫泉直達梅田 + 外出、行街極方便「新阪急酒店」

http://tungbama.blogspot.hk/2016/01/20155day2-32.html

[2015大阪跨年5天親子遊]Day2 (3之3) 梅田地下街探路之旅、有得食有得玩的扭蛋壽司、閒逛街坊超市：玉出超市、酒店睇「紅白」等跨年、2016第一個朋友之約

http://tungbama.blogspot.hk/2016/01/20155day2-33-2016.html

[2015大阪跨年5天親子遊]Day3 元旦日輕鬆行，簡易購買地下鐵1 day pass；瘋狂Shopping搶福袋 門真南<三井OUTLET PARK>+今福鶴見

http://tungbama.blogspot.hk/2016/01/20155day3-33-1-day-passshopping.html

[2015大阪跨年5天親子遊]Day4 (2之1) 勁啱一家大細去hea足半日的「天王寺動物園」(大阪市立動物園)

http://tungbama.blogspot.hk/2016/01/20155day4-21-hea.html

[2015大阪跨年5天親子遊]Day4 (2之2) 品嚐關西第一拉麵之稱的「神座拉麵」、梅田yodobashi VS 難波BIC CAMERA、扭蛋壽司再encorn、終於找到你「屎屎人」

http://tungbama.blogspot.hk/2016/01/20155day4-22-yodobashi-vs-bic.html

[2015大阪跨年5天親子遊]Day 5 Tomica shop DIY車仔工場砌巴士、梅田地下街午餐、由梅田搭Airport Limousine利木津巴士一上一落輕輕鬆鬆到關西空港、特集：「福袋」大揭秘

http://tungbama.blogspot.hk/2016/01/20155day-5-tomica-shop-diyairport.html