2018年3月23日 星期五

【香港本地親子遊】【九龍塘】九龍塘隱世公園:律倫街兒童遊樂場

九龍塘在以前英國殖民時代,用一個叫「花園洋房小區」的慨念去規劃,所以大家見到今時今日的九龍塘,都係以獨立大屋、洋房花園為主,入面亦都包含不少康樂園地。

成日都話隱世公園.....隱世公園,究竟呢個律倫街兒童遊樂場有幾「隱世」呢?因為佢呢個公園唔係大路馬路邊,四周反而被九龍塘的靚靚洋房包圍住,一唔留神分分鐘連入口都會錯過。我地睇下地圖,就知道「被包圍」的情況。

大家可以由九龍塘港鐵站D出口出發,之後沿住多福道向太子方向行,旁邊就係東鐵綫的路軌,之後一直行接律倫街,見到有間紅色外牆的建築物,就係「省善真堂」,公園入口正正就係「省善真堂」側,與「約克中英文幼稚園」之間的小巷就係啦!
律倫街兒童遊樂場公園入口

律倫街兒童遊樂場設施:兒童遊樂場、涼亭、籃球場及洗手間,最重要係無咩人,環境靜幽。

我地當日係假期,都無咩人,可以「包場」




大涼亭,也是公園的地標,家長和小朋友的休息站




仲有一個籃球場,如果無人打波,玩集體遊戲都幾好架!



律倫街兒童遊樂場都有洗手間,記得玩完之後同食野之前要洗手呀~



有時候,帶小朋友出下街行下,唔止為小朋友減壓,父母都一樣可以減壓



有用資料: 

1. 律倫街兒童遊樂場



前往方法:九龍塘港鐵站D出口,經多福道接律倫街前程,步行約5至6分鐘


沒有留言:

張貼留言