靜岡清水市近大海，行程就安排一個魚市場之旅吧！
上一篇講到我地去完S-PULSE DREAM PLAZA櫻桃小丸子樂園，就搭返我地商場既免費穿梭巴士，不過今次唔係去「靜鐵新清水駅」，而係「JR靜岡駅」落車，落車之後就沿海邊方向行人天橋去清水魚市場河岸の市，順道午膳。
JR靜岡駅，地大人少，落巴士後向行人天橋方向上去，都算具時代感既建築
上天橋後，找大海方向的一邊行。
已經見到「清水魚市場河岸の市」係天橋下方了
計返由JR靜岡駅行去「清水魚市場河岸の市」大約１０分鐘
清水魚市場河岸の市一共有兩幢，都係兩層樓高，中間只係隔咗一架貨車闊度既行車道。市場分為「いちば館」同「まぐろ館」：
「いちば館」主要係售賣海產，係真係街市咁，而且集中係地下（１／Ｆ）
至於「まぐろ館」就係食店為主，主要係２／Ｆ
如果由JR靜岡駅行過去，會先到「まぐろ館」，亦係食店為主既地方。
圖中綠色有就係清水魚市場河岸の市「まぐろ館」入口啦！
「まぐろ館」入面大多數都係食店，而且有好多扭蛋機，都係關於海產，好得意，大城市比較少有。
海鮮丼扭蛋，好搞笑
食店好多，我地就更花多眼亂，門口的食物模型好吸引，再加上「魚市場」三個字加持，真係寧捨有ＦＥＥＬ～
本來一心嚟係想食呢個任添三文魚飯，首先你柯打個飯，之後店完不斷在飯上面加三文魚，一直到你叩停為止，可惜已經賣完了。
最後我地揀左一間叫「清水港 海山」既食店，食唔到想食既，都想食個景丫，佢對正就係海港，我地就揀咗個窗邊位坐。
大人食刺身，小朋友就有熟食，完全唔駛擔心，祈祈既兒童餐（９９０ｙｅｎ）
兩個小朋友仲清水魚市場河岸の市的代表吉祥物合照，哈哈～
食飽飽之後，就去街市果邊，即係真係買賣海產的地方，不過好多都關門，有少少會賣壽司
【親子10日9夜自駕之旅～日本東京、靜岡小丸子、富士山、渥美半島、鳥羽、大阪】準備及介紹篇
Day 1：香港國際機場＞東京成田機場＞成田特快「N'EX」+東海道新幹線品川去靜岡 (3之1)
Day 1：靜岡車駅零距離靜岡ASSOCIA飯店 (3之2)
Day 2 : 靜岡鐵道「新靜岡到新清水」＞S-PULSE DREAM PLAZA櫻桃小丸子樂園 (3之1)
Day 3 :TOYOTA Rent a Car自駕租車，隨意自駕路邊UNIQLO+GU+無添壽司 (2之1)
Day 3 :富士河口湖水之里湖畔酒店 一泊兩食 (2之2)
Day 4 :可以揸車入去睇動物：富士野生動物園Fuji Safari Park＋渥美半島遊 (2之1)
Day 4 :日本人渡假酒店體驗：伊良湖海濱渡假酒店(Irago Ocean Resort)一泊兩食(2之2)
Day 5 : 伊勢湾渡輪 (伊良湖去鳥羽) (3之1)
Day 5 : 鳥羽水族館＞麥當勞+鳥羽市內 (3之2)
Day 5 : 新八屋溫泉旅館及晚餐 (3之3)
Day 6 : 相差海女小屋BBQ午餐體驗 (2之1)
Day 6 : 大阪天下茶屋小百合民宿(卡通片一樣的家)+商店街掃街 (2之2)
Day 7：三井LaLaport 堺 STUDIO ARC 影家庭照 (2之1)
Day 7：忍者堂忍者體驗 + 燒肉特急 (2之2)
Day 8 : Star Gate Hotel Kansai Airport (2之1)
Day 8 : Budget租車+Mega Donki+焼肉きんぐ+泉佐野漫遊 (2之2)
Day 9 : 大阪府立大型兒童館BigBang ，全天候室內遊樂設施 (2之1)
Day 9 : 浜寺公園，超好玩室外兒童遊樂場 (2之2)
Day 10 : 臨空城Outlet (1之1) ＞ 大阪關西機場 > 香港
沒有留言:
張貼留言