以前瞳瞳爸爸讀旅遊，實習加工作都上過好多次太平山頂，偏偏在半山腰的「警隊博物館」就最容易錯過。今次，連我自己都係第一次上嚟！
首先，搭公共交通工具的家庭朋友，可以搭新巴１５號（沿途會經過中環碼頭、交易廣場、港鐵金鐘站都可以上車），到達中途站「灣仔峽道」落車，落車向車尾方向行，沿指示行１５分鐘就到。
至於好似瞳瞳一家咁自駕遊揸車去玩，在警隊博物館「對落」有停車場，提供大約１５個車位，假期常常爆滿，有幾個係旅遊巴停車位，所以大家唔好搞錯。
 |
| 警隊博物館「對落」的停車場 |
 |
| 可以拍照留念 |
「對落」。。。。我好強調架！唔去過都唔知道，原來警隊博物館在山上面！我地抵達停車場之後，仲要繼續行大約６０幾級樓梯上去！大家慢慢行，行下停下，中間又睇下Ｄ文物，例如呢個六七十年代的交通指揮亭，影下相，不知不覺就到達博物館啦！
 |
| 未有紅綠燈之前，就係靠警察在個指揮亭入面指揮交通啦！ |
 |
| 由以前係度當值的警察自已造的模型 |
博物館要分為四個展覽廳：歷史展覽廳、三合會及毒品展覽廳、警隊今昔展覽廳以及專題展覽廳（本期題目：警署歷史），博物館展品數目約６００餘件，咁多野！點睇得哂？
（請諒：警察博物館內嚴禁拍照）
 |
| （相片來自http://www.police.gov.hk/ppp_tc/01_about_us/pm.html） |
 |
| （相片來自http://www.police.gov.hk/ppp_tc/01_about_us/pm.html） |
１ 上水之虎標本－於１９１５年被新界區指揮官在龍躍頭擊斃的虎頭標本
２ 三合會祭壇、禮袍及武器
３ 爆炸品處理組拆彈專家制服及拆彈機器人
 |
| （相片來自http://www.police.gov.hk/ppp_tc/01_about_us/pm.html） |
５ 舊式海洛因製毒工場──於1980年代搗破海洛因製毒工場復原，包括毒品原材料、器皿、爐具及包裝工具
 |
| １８９６年至今已有１２０年歷史的野戰炮 |
離開警隊博物館，行返落去頭先既停車場，其實停車場旁邊就「甘道兒童遊樂場」，再過對面馬路，就係「灣仔峽道公園」。
甘道兒童遊樂場＆灣仔峽道公園
因為兩個公園太接近（只相隔一條馬路），令好多人都以為係一個公園，所以大家都會兩邊走兩邊玩。
兩個公園都係提供攀爬、滑梯、韆鞦之類，不過唔知係咪位處山頂，富貴人家多，感覺上小朋友都好有禮貌，而且設施保養都好好，就當日所見，沒有設施因損毀而停用。地方都保持得好乾淨，公園旁邊有一列的長檯，好適合野餐。
洗手間同小食亭都設在灣仔峽道公園，小食亭有燒賣、魚蛋、公仔麵等供應，而且價錢非常合理（燒賣、魚蛋＄６／六粒），稍作醫肚亦不錯。
 |
| 灣仔峽道公園 |
 |
| 甘道兒童遊樂場 |
 |
| 野餐位享受夕陽 |
 |
| 幾放心瞳瞳自已一個去玩，我地兩個可以抖下 XP |
 |
| 小食亭價錢十分公道呢！ |
回程出返大路，在靠右手邊有新巴巴士站，１５號巴士返回市區，總站中環碼頭！如果仲有時間，可以行灣仔峽道落灣仔，大約３０分鐘，全程落山，就可以出返去灣仔藍屋（皇后大道東）。
有用資料:
1. 警隊博物館
地址：香港山頂甘道27號
電話：2849 7019
Fax：2849 4573
Fax：2849 4573
開放時間：
星期三至星期日 0900至1700
星期二 1400至1700
休館日：逢星期一、星期二上午、公眾假期及農曆新年初一至初三
交通：乘坐新巴第15號巴士(交易廣場往山頂方向) ，至灣仔峽道站下車。
