【生活分享】小一派位 + 小B檢查 (UPDATE 6/6)

星期六(3/6)就到瞳瞳小一派位有結果，呢個係一個唔睇成績同表現，純講運氣的放榜，唔緊張就假，萬一唔係心儀學校就要叩門。以前仲笑電視新聞入面嘅家長開心到中六合彩咁，一係喊苦喊忽，原來係真，希望派到心儀的小學啦；同日第二樣，老婆都係同一日照結構超聲波，到時就知道是男孩子或女孩子，以及小B健康情況了，希望小B你健健康康啦！心情起伏，點會唔緊張～



瞳瞳爸爸先祝願各位家展都派到自己心水學校，一齊拍住上～

（P.S. : 瞳瞳爸爸呢排要處理小一入學事宜比較忙，Blog會稍遲update，請諒XP）



開獎啦！小一派位第一志願：保良局雨川小學，知道果一刻真係想喊！另一派彩，高醫生照結構好細心，應該係細佬（其實一直以為係妹妹），感謝上天！