第一日（３０／１２）
香港機場出發 > 關西空港 > 神戶高速船 > 三宮車站 > 有馬溫泉 > 住宿：陵楓閣 > 六甲有馬索道 > 六甲山滑雪場 > 六甲有馬索道 > 陵楓閣浸浴及專人服侍用餐，食神戶牛
神戶空港 ＞ 三宮車站 （「PORT LINER」）
上回講到，我地順利到達神戶空港，一落巴士，就係神戶空港正門，行入去右轉，就會見到扶手電梯上去搭「PORT LINER」，「PORT LINER」係一個連接神戶空港同市區三宮站的架空鐵路系統，之後我地就會搭佢進入神戶市區「三宮站」啦！
 |
| 就係神戶空港正門，行入去右轉 |
 |
| 見到扶手電梯上去搭「PORT LINER」 |
 |
| 車票，330 YEN由神戶空港到市區三宮站 |
 |
| 月台 |
 |
| 如果痴痴的等某日終於可等到一生中最愛........ |
 |
| 路線圖，我地係黑色果條線，由底下「神戶空港」搭到上去「三宮」。 |
「三宮」車站，係神戶地區既一個大大大大站，佢匯聚左「阪神」、「阪急」、神戶地下鐵、JR同上面講過既「PORT LINER」。不過只要睇住指示牌，認清目標，就絕對唔難！
首先，我地落車之後，記住我地要去「地下鐵三宮站的西神-山手線」，所沿途留意天花上面既指示牌，搵：「地下鐵」或者「西神-山手線」或者「地下鐵三宮站」或者「地下鐵西神-山手線」。再比多少少hits：「地下鐵三宮站」係地底車站，所以方向係一路向地底行，唔係架空車站來的。
由「PORT LINER」行落去地鐵站，大約6-8分鐘路程。
地下鐵三宮站山手線(谷上 方向) ＞ 2分鐘 ＞ 新神戶 ＞ 北神急行線(谷上 方向) 8分鐘 ＞ 谷上 ＞ 神戸電鉄有馬線(三田 方向) 11分鐘 ＞ 有馬口 ＞ 神戸電鉄有馬線(有馬温泉 方向) 4分鐘 ＞ 有馬温泉
好啦，到買車飛，本來「神戶地下鐵」同「神戶電鐵」係兩個鐵路系統，哈，偏偏佢地個售票機又可以互通。首先，係售票機上揀「神戶電鐵」，入左去就見到「有馬溫泉」，就會一張車票出哂全段價錢，中間雖然要轉「三次車」，不過唔洗出閘，唔洗再買飛，跟「有馬溫泉」方向列車指示牌就OK！
三宮
 |
| 三宮車站售票機 |
 |
| 一張車飛有齊哂兩個鐵路系統的資料 |
 |
| 「三宮」站月台 |
新神戶
「三宮」搭一個站(2分鐘)到「新神戶」轉車，我記得係3號月台落車，之後行去1號月台上車，所以先上一上大堂再落番去月台。「新神戶」去到「谷上」站，一個站，約8分鐘，全段隧道，直到「谷上」先見光。
 |
| 「新神戶」車站月台，圖中可見「有馬溫泉」標誌。 |
谷上
「谷上」站轉車仲方便，行過對面月台就得，我地好順暢，即刻有車，一路坐到「有馬口」，中途有4個站，車程大約11分鐘。
 |
| 正從「谷上」開往「有馬口」 |
有馬口
到「有馬口」轉車到「有馬溫泉」，要跟住工作人員指示去邊一個月台啦，不過你都放心，係呢個站會有大約七成人落車，七成人入面大部份都係轉車去「有馬溫泉」，一班人浩浩蕩蕩，包保唔會走失！果日我地已經有架車等我地班車到然後轉車。由「有馬口」到「有馬溫泉」只係一個站，大約3分鐘車程。原來呢一段係單軌火車。
 |
| 「有馬口」站 |
 |
| 「有馬口」去「有馬溫泉」原來係單軌運作 |
 |
| 終於到達「有馬溫泉」站啦!!!!! |
 |
| 「有馬溫泉」站出口 |
「行行重行行」，終於抵達「有馬溫泉」，我地今晚訂左「陵楓閣」，我地先去酒店放好行李，然後就出發去「六甲山滑雪場」，為全家人準備一個冰雪之旅。
有用資料:
1. 搜尋全日本「點對點」搭車轉車方法，極好用，＜瞳遊樂＞推薦！
延伸閱讀：
[2015大阪跨年5天親子遊] 有馬、大阪跨年行程大公開!
[2015大阪跨年5天親子遊]Day1
(4之1) 30分鐘由關西空港特快去神戶方法!（內有神戶黎明）
[2015大阪跨年5天親子遊]Day1
(4之2) 一票到底！買一張車飛由三宮站直到有馬溫泉!
[2015大阪跨年5天親子遊]Day1
(4之3) 六甲山滑雪場的冰雪之旅
[2015大阪跨年5天親子遊]Day1
(4之4) 有馬溫泉「陵楓閣」：體驗傳統日本溫泉旅館，專人服侍用餐，食神戶牛
[2015大阪跨年5天親子遊]Day2
(3之1) 陵楓閣日式早餐 + 邊行邊浸腳：「有馬溫泉街」
[2015大阪跨年5天親子遊]Day2
(3之2) 一程車就可以由有馬溫泉直達梅田 + 外出、行街極方便「新阪急酒店」
[2015大阪跨年5天親子遊]Day2
(3之3) 梅田地下街探路之旅、有得食有得玩的扭蛋壽司、閒逛街坊超市：玉出超市、酒店睇「紅白」等跨年、2016第一個朋友之約
[2015大阪跨年5天親子遊]Day3 元旦日輕鬆行，簡易購買地下鐵1
day pass；瘋狂Shopping搶福袋 門真南<三井OUTLET
PARK>+今福鶴見
[2015大阪跨年5天親子遊]Day4
(2之1) 勁啱一家大細去hea足半日的「天王寺動物園」(大阪市立動物園)
[2015大阪跨年5天親子遊]Day4
(2之2) 品嚐關西第一拉麵之稱的「神座拉麵」、梅田yodobashi
VS 難波BIC
CAMERA、扭蛋壽司再encorn、終於找到你「屎屎人」
[2015大阪跨年5天親子遊]Day
5 Tomica shop DIY車仔工場砌巴士、梅田地下街午餐、由梅田搭Airport
Limousine利木津巴士一上一落輕輕鬆鬆到關西空港、特集：「福袋」大揭秘
沒有留言:
張貼留言