【香港本地親子遊】父親節好去處：黃金海岸商場化身氣球海底世界 「氣球界奧斯卡」冠軍作品「海王」首現香港(活動已完結)

六月到，又到父親節啦！雖然名義上係父親節，但身為爸爸，又點會捨得小朋友為自己大費周章呢。。。XP

之前電視節目都有講過，香港有一班朋友，佢地用「扭氣球」的技巧同藝術去參加在美國舉行、有「氣球界奧斯卡」之稱的世界氣球大賽，以設計獨特的「海王」氣球藝術裝置，擊敗來自全球800多名氣球師奪冠，成為首支香港隊伍奪得此殊榮。

今次屯門黃金海岸商場，於６月１５至１９日將化身海底世化身海底世界，「氣球界奧斯卡」冠軍作品「海王」首現香港：「海王」作品高2.8米、闊1.8米並有燈光及聲效感應裝置，場內還有６米闊的氣球海底隧道，內有多種栩栩如生的氣球海洋生物展現大家眼前。香港冠軍代表將聯同聖雅各福群會義工即場創作不同海洋生物造型的氣球，於父親節將歡樂送給小朋友。迷你海洋市集讓大家可一邊搜尋特別的海洋手作，一邊參與由世界自然基金會提供的免費海玻璃工作坊，提醒大家關心我們的海洋，令這個父親節過得更有意義。

「氣球界奧斯卡」冠軍作品「海王」

氣球扭扭樂　父親節送贈大小朋友
深受大小朋友喜愛的氣球扭扭樂亦於６月１８至１９日 (星期六及日)大放送，氣球世界冠軍代表Wilson Pang將駐場，遊客可以即時出題目給Wilson創作不同海洋生物造型的氣球，於父親節將歡樂帶給各位大小朋友，共度歡欣周末！

迷你海洋市集　趣味海洋工作坊　親子同樂愛護海洋
黃金海岸商場於父親節周末(６月１８及１９日)設有迷你海洋市集，檔主精心製作及挑選配合主題的產品，當中包括獨一無二貝殼手作製品、手縫海洋生物公仔及木雕動物文具。還有趣味海洋工作坊，包括彩沙玻璃擺設及由世界自然基金會提供的免費海玻璃工作坊，歡迎家長與小朋友一起參與，令這個父親節過得更有意義。

彩沙玻璃擺設工作坊

 黃金海岸商場六月活動簡表

為海洋打打氣	日期：2016年6月15至19日 　　　(星期三至日) 時間：中午12時至下午8時 地點：黃金海岸商場	黃金海岸商場化身海底世界，並將「氣球界奧斯卡」冠軍作品「海王」首於香港重現。 「海王」作品高2.8米、闊1.8米並有燈光及聲效感應裝置。
氣球扭扭樂	日期：2016年6月18至19日 　　　(星期六及日) 時間：下午3時至下午5時 地點：黃金海岸商場	氣球世界冠軍代表Wilson Pang連同聖雅各福群會義工將氣球大放送，遊客更可以即時出題目給Wilson，讓Wilson即場創作不同海洋生物造型的氣球，於父親節將歡樂帶給大家。
迷你海洋市集	日期：2016年6月18至19日 　　　(星期六及日) 時間：中午12時至下午6時 地點：黃金海岸商場	為配合海洋主題，海洋迷你市集設有6個小檔，產品包括貝殼手作製品、手縫海洋生物公仔、木雕動物文具；還有彩沙玻璃擺設工作坊及免費海玻璃工作坊。

有用資料: 

1. 屯門黃金海岸商場

網頁：www.goldcoastpiazza.com.hk

Facebook專頁: www.facebook.com/GoldCoastPiazza

交通：

屯門市中心/西鐵站 - 港鐵巴士K51或K53

旺角、深水埗 - 九巴52X

葵芳、荃灣 - 九巴61M

中環、灣仔、銅鑼灣 - 城巴962

【香港本地親子遊】【西貢】端午特集：西貢游泳池

又來到農曆五月初五的端午節，呢個在初夏中國傳統節日，由紀念屈原的傳統故事，到現代大家會諗起食唔同的糭子、觀賞龍舟比賽等等。

特別係端午節，正值初夏，大家都可能想去「游龍舟水」，相傳「龍舟水」可以祛病驅邪，這個習俗一直流傳至今天。以前的人一定要去海邊或者江邊，但香港地方細細，海灘又一定多人，所以唔少人為左「應下節」，去泳池都係一個幾好的選擇！

西貢游泳池

今次我地介紹係「西貢游泳池」。可能你會問瞳瞳爸爸：「去西貢做咩唔去沙灘游？」，不過正正呢個原因，所以西貢游泳池一向都比較少人，適合年紀細的小朋友。當然，泳池規模想比之下都唔大，只有１個主池、１個習泳池、１個嬉水池及２條滑水梯，另外仲有一座３８０個座位的觀眾看台。

瞳瞳媽媽　亦都提醒大家：如果一家大細到西貢游泳池游水，入面只得一間家庭更衣室，要在更衣室門外登記，有位先可以入，未有位就要排隊等等啦，入面有冷熱水花灑、坐厠、Locker，小小建議，宜先將物品放於男、女更衣室Locker先，萬一走時，冇家庭更衣室都可以帶小朋友入大人更衣室沖身先，如果用左家庭更衣室Locker又有人用緊......咁就慘啦，唔知吹幾耐風先拎到自己物品啦.....

西貢游泳池（因為泳池不可拍攝，所以圖片來自康文署）

6月9日各區舉行龍舟競渡的舉行地點

另外又附上今年在端午節正日(6月9日)舉行龍舟競渡的舉行地點如下,一般由早上8時30分開始至中午12點：

大埔　（建議觀賞地點：大埔海濱公園）

愉景灣（建議觀賞地點：大白灣沙灘）

屯門　（建議觀賞地點：青山灣避風塘）

沙田　（建議觀賞地點：沙田城門河）

西貢　（建議觀賞地點：西貢海濱公園）

香港仔（建議觀賞地點：香港仔海傍道海濱公園）

赤柱　（建議觀賞地點：赤柱正灘）

另外偏遠地方如大澳、長洲、塔門、南丫島等等都有，不過因為路途遙遠，「去得黎都散場」，所以不建議大家親子前往。

比較方便的話，瞳瞳爸爸建議可以到沙田觀賞龍舟競渡，一來交通方便，二來在城門河會有封路措施，除了城門河兩岸，大家仲可以在「翠榕橋」及「沙燕橋」上觀賞，三來附近的配套飲食設施都方便。

6月10-12日「香港龍舟嘉年華」

今年度的「香港龍舟嘉年華」首次移師中環海濱，你可以觀賞包括首屆香港盃在內的連場精采激鬥，為健兒們吶喊打氣；或者暢享「生力啤酒節」裡源源不絕的冰凍啤酒，跟隨人氣歌手的勁歌起舞。全新登場的「親子樂園」最適合全家總動員，巨型氣墊遊戲、小型划艇、嘗試面部彩繪、紋身貼紙杲參與繽紛的互動遊戲及流動表演，讓大人孩子都樂而忘返！

有用資料: 

1. 西貢游泳池

網頁：http://www.lcsd.gov.hk/tc/beach/swim-intro/swim-location-nt/swim-address-sk.html

地址：西貢惠民路

交通：九巴299X(沙田市中心)、九巴92(鑽石山鐵路站)、新巴792M(將軍澳鐵路站)

營業時間：

夏季（4月至10月）

第一節：上午6時30分至中午12時

第二節：下午1時至6時30分

第三節：晚上7時30分至10時

(暫停開放時段: 中午12時至下午1時;下午6時30分至下午7時30分)

逢周三暫停開放

門票收費： 

星期一至五 成人$17、小童$8

星期六、日及公眾假期 成人$19、小童$9

P.S. 預備$5硬幣入儲物櫃，離開時退回。

2. 香港龍舟嘉年華

網頁：http://www.discoverhongkong.com/tc/see-do/events-festivals/highlight-events/dragon-boat-carnival.jsp?page=3

日期：2016年6月10至12日（星期五至日）

地點：中環海濱

入場：免費

查詢：info@discoverhongkong.com

煤氣公司 Towngas：「煤氣萬糉同心為公益」(活動已完結)

以前有句話：「未食五月糉，寒衣未入櫳」，意思就係未食過農曆五月初五的糉子，就千其唔好將冬天衫放入衣櫃收埋（櫳：以前的人用樟木做衣箱叫做「櫳」）。古代智慧真係唔講得笑，仲好準添！

一講到「糉」呢樣食物，在而家呢個年代雖然已經３６５日都可以食到，唔一定係端午節先食，但始終在端午節食住「糉」，睇住電視的龍舟競渡，又別有一番「過節」的風味，但如果想過得更有意義，讓更多人分享呢份喜悅，今年不妨參加由媒氣公司主辦的「煤氣萬糉同心為公益」慈善活動。

煤氣公司每年均與不同機構合作，於端午節期間送贈愛心糉為弱勢社群送上關懷的同時，亦希望推廣裹糉的傳統文化。踏入第１６年，煤氣公司希望送贈超過３３萬隻愛心糉，讓更多弱勢社群能透過愛心糉感受温暖，因此特意於２０１６年５月２３日至２０１６年６月７日在網上舉辦「一人一相『糉』有愛」活動，希望結集大家的力量。只要將與自己所包的糉的合照上載至個人社交平台 Facebook、Instagram或Towngas手機應用程式，煤氣公司便會送出一隻愛心糉予有需要人士。

係咪未有頭緒整咩糉去參加 「煤氣一人一相『糉』有愛」活動呢？主辦單位教埋大家整隻健康又好味嘅「焦糖南瓜黑米糉」啦！整完記得share 相呀！

一幅相，一隻糉！參加次數不限！「煤氣一人一相『糉』有愛」活動：

步驟：

1) 同你包好嘅糉影張合照，share上自己嘅Facebook或Instagram 

2) tag 煤氣公司Towngas 

3) hashtag #Towngashk　#煤氣萬糉同心為公益　

#一人一相糉有愛活動　#共融　#包糉其實好簡單 

煤氣公司仲會送出精美小禮物答謝大家嘅支持！只要去以下表格留底簡單資料就得：http://goo.gl/forms/Kmc3QYRRnw091mz02 

到時會以email通知大家換領詳情（每人只可登記獲贈禮物一次）

有關活動帖子可參閱煤氣公司Facebook或Instagram專頁：

Facebook: https://goo.gl/1tzAgT 

Instagram: https://goo.gl/8zvsyU