瞳瞳@台灣中南部親子趴趴走 -
Day 1 香港>台中>文華道會館>宮原眼科冰淇淋>逢甲夜市
瞳瞳第一次坐飛機去旅行趴趴走(台灣趴趴走意思是四圍去玩)，今次旅程好開心順利完成～ 一大一小行李箱，瞳瞳第一次出外，真係不敢怠慢！而且今次仲同老友一帆同EMILY兩口子.....5人成行！
 |
| AE1822@GATE 521, 出發前例牌相 |
 |
| 出發前黎張大合照! |
之後搵登機門上飛機， 因為係細機，所以要搭巴士出去停機坪上機。今次去台中機場，搭乘華信航空(中華航空的子公司)大約1小時15分鐘，飛機上有飛機餐供應(2015年開始改為簡便輕食)。瞳瞳第一次坐飛機就咁神氣!! 托賴，瞳瞳好叻！無喊無扭計！老婆又用零食[乙水]住佢先！成功！
 |
| 一上飛機, 扣好安全帶先 |
 |
| Emily同一帆好期待瞳瞳份兒童餐XP |
大約一個鐘頭的機程，就到 台中 清泉崗機場，個機場仲係軍用、民用兩用，所以在跑道滑行果陣仲可以見到戰機。第一個景點係 ～ 「育嬰室」因為要換尿片，無辦法。一入去發現非常乾淨，仲有尿片(HUGGIES)咩SIZE都有，必要時可以用（大家請不要多取，以方便下一位爸爸媽媽啊），真係抵讚！入境之後，跟在香港已經好的計程車司機接應，TWD $400由機場到酒店，好多謝佢等埋我地提款同開電話卡，真不好意思！不過佢好熱情，不斷介紹台中呢個地方比我地，好好傾～
 |
| 台中機場我地黎啦！ |
 |
| 好齊全的育嬰室，爸爸媽媽可以放心 |
 |
| 的士司機好好人，好耐心等我地同指示我地唱錢、電話卡位置，搞左好耐。 |
我地先到「文華道會館」Check-in放低行李，酒店在逢甲夜市附近，大約行十分鐘左右就到，非常方便！經酒店網上訂，商務二人大床 (TWD $2520)，因為一早Request左，所以酒店都安排左有小朋友的浴盆，好貼心！不過酒店入口唔太顯眼，要小心找找，因為在住宅區當中，而且電梯比較細，buy佢主要係因為佢好近逢甲夜市。
我再問剛才的計程車司機可否願意等我們再出發去下一個景點，他OK！一伙人便快快放下行李再出發。
 |
| 酒店大堂 |
 |
| 酒店送比客人的夜市小食券 |
 |
| 瞳瞳第一時間負責檢查洗白白浴盆 |
計程車司機在酒店等埋我地，就出發去「宮原眼科冰淇淋」
佢在日據時代它曾是個眼科醫院，後來由鳳梨酥業者「日出集團」買下此建築。建築物做了整修後重新開張，一進內就好像來了哈利波特圖書館，其實是賣糕餅食品（出名鳳梨酥，但個人吃過覺得沒太特別好吃），內裡的職員都特別穿上舊護士制服，反而「薑母茶」值得買！
 |
| 好似置身哈利波特...... |
 |
| 食物的包裝真係好靚! 成本書咁.. |
 |
| 宮原眼科楊丞琳 |
不過呢度最鼎鼎大名的係冰淇淋，據說每到週末已經大排長龍！所言非虛！在排隊期間有店員派紙比我地挑選口味....數一數！並有58個口味，最後揀左「紅龍果+跟往事乾杯+馬斯卡邦葡萄」，再有4種配料免費送贈，我地揀左「鳳梨酥+雪球+果籽+藍莓」，由日黃昏排到晚上，排了大慨半小時，但真係非常好食，水果味好重；而「跟往事乾杯」有點花茶香的味道，出奇地可以用中國茶來做冰淇淋，但又好好味！
 |
| 58種口味選擇，你會點揀? |
 |
| WOW....生果系列已經有咁多.... |
 |
| 我地既「紅龍果+跟往事乾杯+馬斯卡邦葡萄」冰淇淋再配上「鳳梨酥+雪球+果籽+藍莓」 |
之後由「宮原眼科」再返酒店, 繼續行逢甲夜市, 晚餐就在夜市買返酒店食。掃夜市有6個字的標準：「食尚玩家推薦」就死不了的。
 |
| 天氣太熱, 老婆繼續掃街, 我就帶阿囡玩下其他野先.. |
 |
| 夜市戰利品 |
有用資料:
1. 宮原眼科冰淇淋
營業時間：10:00 ~ 22:00
地址：臺灣台中市中區中山路20號
網頁：http://www.miyahara.com.tw/
２. 文華道會館
地址：台中市西屯區文華路138巷31號
網頁：http://en.inone.com.tw/
延伸閱讀：
[Day 1] 台中、清境、台南、高雄6天親子遊(文華道會館+宮原眼科冰淇淋+逢甲夜市)
[Day 2] 台中、清境、台南、高雄6天親子遊(香港人@台灣自駕遊取車 + 彰化扇形火車庫篇)(上)
[Day 2] 台中、清境、台南、高雄6天親子遊(阿東窯仔雞+清境羊角村民宿)(下)
[Day 3] 台中、清境、台南、高雄6天親子遊(清境+埔里18度C巧克力工房+造紙龍手創館+關子嶺溫泉+溫泉老街)
[Day 4] 台中、清境、台南、高雄6天親子遊(關子嶺溫泉+水火同源+台南安平樹屋+安平古堡+必推介高雄親子飯店：秝芯旅館)
[Day 5]台中、清境、台南、高雄6天親子遊(秝芯旅館>義大遊樂世界>六合夜市>美麗島捷運站>瑞豐夜市)
[Day 6]台中、清境、台南、高雄6天親子遊(秝芯旅館>統一夢時代購物中心+摩天輪>高雄國際航空站>香港)
沒有留言:
張貼留言