先來一段青馬大橋介紹：「青馬大橋是全球最長的行車及鐵路雙用吊橋，曾獲美國建築界權威人士及編輯選為「20世紀十大建築」。自1997年5月通車以來，青馬大橋與汲水門大橋、馬灣高架道路，合組成為連接香港國際機場與香港市區的主要幹線 ── 青嶼幹線。大橋上擁有六條露天行車道，下層則有兩條鐵路軌及另外兩條行車道；若遇颱風或風速太高，橋面將會封閉，而下層仍可行駛火車或汽車，接載旅客往返機場。」（來自香港旅遊發展局）
位於青衣島西北角的青嶼幹線訪客中心及觀景台在1997年5月正式對外開放，主要介紹青嶼幹線，佢分兩個部份：「訪客中心」＆「觀景台」
其實呢個地方大家都可能會經過，但絕少會留意到，因為佢係汀九橋、青馬大橋之間的交匯，就算大家要參觀呢度，揸車都唔容易搵。如果搭公共交通工具的話，都要等專線小巴的特別車先可到達，但班次稀疏，一小時一班。
不過正正因為唔方便，所以遊人絕少，反而成為一眾自駕朋友的秘密花園～好啦！出發！
自駕：揸車的朋友，沿各大高速公路去到青衣，向機場方向一直去（但記住唔好上青馬大橋！！），會見到「行政大樓、觀景台」的指示牌，之後就可以到達「觀景台」停車場。停車場只係一個普通的空地咪錶位，泊好車就可以了！
公共交通：專線小巴308M，來往青衣站開出及深井（浪翠園），經青嶼幹線訪客中心及觀景台
平日 青衣站開10:00-16:00 ／深井（浪翠園）開10:30-16:30 60 分鐘一班
假日 青衣站開09:30-18:30 ／深井（浪翠園）開10:00-19:00 60 分鐘一班
因為唔係所有班次都會經過，上車前最好問一問司機
今次我地因為係自已揸車，泊好車之後，我地就沿行人天橋過去觀景台，記住唔好就咁橫過馬路，非常危險！一定要行天橋！一定要行天橋！一定要行天橋！（重要事情要講3次！）
由橋上望返下面「青嶼幹線訪客中心」的牌扁同308M小巴站
行人天橋另一端，有一個好開揚的廣場！
廣場中心，放置咗一個青馬大橋的組件
準備入去青嶼幹線訪客中心啦！正門拍照先！
呢個訪客中心最主要講青馬大橋，講得更加深入，學術的比較多，比較啱大個的小朋友！
平時我地就咁見到青馬大橋索纜，但原來一條索纜係由咁多條鋼絲所組成！
所以我覺得呢邊係比較學術少少，工程概念多
訪客中心大約15分鐘左右都行哂，咁成個青嶼幹線訪客中心及觀景台仲有D咩呢?仲有下圖中的一間專售火車模型同相關物品的店舖，另外仲有一個cafe。不妨參觀一下！
至於觀景台，就係訪客中心對出廣場後面一個小山，原諒瞳祈爸爸我一拖二，加上烈日當空，就無去行啦，但我知道上去都係可以睇返青馬大橋的景觀～
所以我亦係度提提大家，如果要上觀景台，記得帶備水同防曬用品啦！
如果你係自駕揸車的話，青嶼幹線訪客中心及觀景台同機場核心計劃展覽中心兩個地方可以共遊，在荃灣同青衣之間遊走，遊下車河，過下揸車癮！！
上一篇我地介紹另一個被遺忘展覽館系列(二之一)：「機場核心計劃展覽中心」
有用資料:
1. 青嶼幹線訪客中心及觀景台
地址：新界青衣西北角
開放時間：
觀景台開放時間 星期一至日(上午七時三十分至下午十一時正)
訪客中心開放時間
星期一至五(上午十時至下午五時 )
星期六、日及公眾假期 (上午十時至下午六時三十分)
元旦、農曆新年及聖誕假期休息。
觀景台及訪客中心均免費入場
網頁：https://www.gohk.gov.hk/chi/welcome/kwait_spots.html?spots=08
交通：
專線小巴 308M 來往青衣站開出及深井（浪翠園），經青嶼幹線訪客中心及觀景台
平日 青衣站開10:00-16:00 ／深井（浪翠園）開10:30-16:30 60 分鐘一班
假日 青衣站開09:30-18:30 ／深井（浪翠園）開10:00-19:00 60 分鐘一班
因為唔係所有班次都會經過，上車前最好問一問司機
沒有留言:
張貼留言