復活節諗到點過未呢？其實好多本地酒店在長假期都有推出唔同既優惠住宿計劃，包飲包食包住，特別啱仲係好Baby的小朋友，又未方便出外旅行既家庭，都可以一嘗住酒店的樂趣。
我地上年（２０１５年）就join左位於九龍城「富豪東方酒店」的「復活節繽紛住宿」，覺得幾抵玩，推介下比大家先，優惠包括 ：
１ 行政樓層客房一晚住宿，每房每晚港幣$1,288 或 行政套房一晚住宿，每房每晚港幣$1,888
２ 儷廊咖啡室享用復活節自助晚餐 (2位)
３ 行政樓層貴賓廊享用早餐 (2位)
４ 迎賓飲品
５ 免費享用穿梭巴士往來酒店及尖沙咀東部
６ 免費享用健身室
７ 免費延長退房時間至下午四時 (視乎供應情況而定)
８ 免費寬頻上網服務
我地揀左行政樓層客房一晚，成個套餐只係用左＄１２８８，已經有自助晚餐同早餐，基本上你補少少錢就有間酒店房。
 |
| 出發！由屋企搭一程８５Ｘ，出左大老山隧道就已經係酒店啦！ |
落巴士行去酒店期間，望到舊啟德機場真係好感慨，以前九龍城區好繁忙、好多旅客、好多飛機在頭頂飛過。。。。。而家就好似一個老區咁。機場搬了，酒店仍然留守。
富豪東方酒店以前都因為啟德機場而風光一時，我仲記得以前酒店有一層係有天橋直接駁去啟德機場客運大樓，仲有行李運輸帶方便旅行，我趁今次機會想去搵下果層的遺跡，已經認唔到了。
 |
| 仍然屹立在九龍城的富豪東方酒店 |
因為我地訂既房係「行政樓層客房」，唔駛係地下大堂做Check in， 而係搭升降機到3/F行政樓層Check in。在旁邊提供左小食同飲料，如果你住在行政樓層客房，可以隨便免費享用，我地見到有好精美的曲奇、小蛋糕、麵包、果汁、汽水、生果等等。順帶一提，呢度亦都係第二天早餐的地方。
 |
| 健身房也在3/F呢 |
職員都好勤快幫我地Check in，之後我地上去客房，今次住12/F，房間入面個裝修好新淨，完全唔覺得舊，而且都乾淨、企理，我地間房向內街景，但都高過對面七層唐樓。洗手間係浴缸，啱哂瞳瞳玩水！總之就Good啦！！檯頭仲有個sony既Wifi 喇叭添！
 |
| 兩張雙人床 |
 |
| 崩崩跳 |
 |
| Sony既Wifi 喇叭 |
 |
| Welcome screen |
 |
| 窗外景 |
係咯.......一路講，明明話係「復活節」，咁有咩咁「復活節」呢？酒店方面安排左一系列活動，在晚上自助晚餐時舉行，有得食、有得玩，而且安排得好好，預先會派「卡」比你去玩，而且set好哂時間，「唔駛擔心又要玩、又分心食唔到野」，值得一讚！數數先，我地有同復活兔影相、製作復活蛋、尋找復活蛋咁，志在氣氛開心下！
 |
| 好多復活節special食物 |
 |
| 食自助餐....有免仔合照 |
 |
| 酒店安排左親子製作復活蛋，仲要由廚師親身教大家 |
 |
| 完成 |
 |
| 之後到我接力: 復活蛋尋寶之旅 |
 |
| 釣得最多有禮物 |
食完自助餐，我地仲兩杯welcome drink要去酒店入面既pub "china-coast"度拎，結果我帶左兩個女人落pub啦～ 呵呵～～～人唔多，好舒服，坐左陣飲埋杯野快快走啦，小朋友會影響大家傾野既氣氛XP
 |
| 牆上掛上九龍城舊照 |
第二天，我地去3/F食早餐，呢度人又少，舒舒服服唔駛同人迫，享受一個悠閒早餐，之後又係時候差唔多返屋企了！
同場介紹：其實酒店附近都有好多適合一家大細的地方去行去玩，例如九龍寨城公園及賈炳達道公園（單車場）、九龍城廣場，同埋最新的石屋家園及咖啡冰室。
有用資料:
1. 富豪東方酒店
網頁：http://www.regalhotel.com/regal-oriental-hotel/tc/promotions/Easter-Fun-Package.html
地址：香港九龍城沙浦道30-38號
電話：2718 0122 (有關詳情，請聯絡訂房部)
沒有留言:
張貼留言