【台灣、台中、清境、台南、高雄】[Day 3] 台中、清境、台南、高雄6天親子遊(清境+埔里18度C巧克力工房+造紙龍手創館+關子嶺溫泉+溫泉老街)

瞳瞳@台灣中南部親子趴趴走 

Day 3 清境>埔里18度C巧克力工房>造紙龍手創館>關子嶺溫泉>溫泉老街

在清境渡過左一夜，第二日我地就要準備落山，去浸溫泉。在羊角村民宿內食早餐，民宿主人為大家預備好早餐，呢份三文治好好味呀!!台灣早餐少不了肉鬆白粥，簡單得黎又好味，平時自己都無咁清淡，而家習慣朝早酒店食下粥可以消消之前一晚行夜市的肥膩。早餐期間，瞳瞳都識到朋友仔，有個大姐姐都係香港黎，講廣東話。

自家製三文治

講廣東話的朋友仔

天氣咁好，我地又再出去散下步先! 正所謂「風吹草低見牛羊」，就係咁啦!

我在清境天氣晴

羊角村的毛巾，是可以給我們取走作紀念

退房後，我地先揸一個小時汽車由清境落番山腳既「埔里」，「埔里」可能就咁講無咩人知，佢就係「台灣921大地震」既震央附近。第一站係「18度C巧克力工房」， 又是一個網絡人氣爆燈既必訪景點之一。參觀之前，先要拎張輪侯票，因為一陣會有專人招呼介紹。點解佢叫「18度C巧克力工房」？ 因為工房認為攝氏18度的溫度對於巧克力來說，無論是生產、保存或是品嚐， 都是最能呈現巧克力風味及優良品質的溫度，所以要叫號碼先可以安排入內，玻璃門不會隨便打開, 就是為了保持溫度...

選購好巧克力，就到旁邊既「義式手工冰淇淋」也不容錯過！嘩！有啤酒味，好想試，不過因為有瞳瞳同埋要揸車，唔可以挑這種味道。

「18度C巧克力工房」

先要拎張輪侯票，因為一陣會有專人招呼介紹

玻璃門不會隨便打開, 就是為了保持溫度

好多款不同的巧克力，當中最搶手的「阿薩姆茶香」朱古力給我們買到了！這是用當地埔里茶葉所造的巧克力， 很地道~

之後去十分鐘車程距離的「造紙龍手創館」，佢係一間迄今已有30年歷史的「埔里造紙」，而家已經改成一間觀光工廠，入面有好多手工紙品，可以買番屋企慢慢玩。室佈有介紹造紙的過程同可以用紙造的用品。室外就有個魚池可以比小朋友餵下魚，戶外一下都好開心。果度有餐廳，我地係度食埋LUNCH，就出發去浸溫泉地方　－　台南的「關子嶺」。

好多用紙做的手工藝, 可以比小朋友買回家DIY

好多色彩繽紛的紙卷

戶外有水池給瞳瞳餵魚, 佢極開心!

由埔里去關子嶺大約1小時30分鐘，老婆好落力陪我當半小時。。。。。之後全車人都瞓哂，得我一個人揸。其實我又好享架!!!好啦，終於見到關子嶺溫泉指示牌，即刻精神哂！好多罋仔雞...不過去清境農場果時食左類似既，所以呢趟唔食啦。

好快到我地既溫泉酒店 : 「湯泉美地溫泉會館」。間房我影到好靚咁，但其實佢都有番咁上下歷史，設施少不免殘舊。我揀呢間酒店原因係可以在房內浸溫泉，酒店提供兩個池：一邊係泥漿溫泉池、另一邊係清水池，大人細路都岩。

1902年日本人開發關子嶺溫泉，所以好有日本感覺。台灣關子嶺溫泉與義大利西西里島溫泉及日本鹿兒島並稱全世界三大泥漿溫泉. 不可飲用, 洗後全身舒暢, 皮膚紅潤光潔, 傳言對於皮膚過敏、消除疲勞、美容、胃腸慢性病及風濕關節炎均具有相當療效。

浸完溫泉，瞳瞳扮日本妹妹去行夜街，其實附近最熱鬧都係溫泉老街，我地係度隨便找間食店當晚飯，然後快快返酒店再繼續浸溫泉。

湯泉美地溫泉會館

溫泉池好大呀！

我地晚飯地方

有用資料: 

1. 埔里18度C巧克力工房

網頁：http://www.feeling18c.com/

地址：545 南投縣埔里鎮慈恩街20號

營業時間：10:00 - 22:00 全年無休

電話：049-2984863

2. 造紙龍手創館

網頁：http://pulipaper.emmm.tw/

地址：南投縣埔里鎮隆生路118-2號

營業時間：09:00 - 17:00

電話：049-2902989

3. 湯泉美地溫泉會館

網頁：http://www.lrsh.com.tw/

地址：732台灣台南市白河區關子嶺15號

電話：06-6822831

延伸閱讀：

[Day 1] 台中、清境、台南、高雄6天親子遊(文華道會館+宮原眼科冰淇淋+逢甲夜市)

http://tungbama.blogspot.hk/2016/03/day-1.html

[Day 2] 台中、清境、台南、高雄6天親子遊(香港人@台灣自駕遊取車 + 彰化扇形火車庫篇)(上)

http://tungbama.blogspot.hk/2016/03/day-2.html

[Day 2] 台中、清境、台南、高雄6天親子遊(阿東窯仔雞+清境羊角村民宿)(下)

http://tungbama.blogspot.hk/2016/03/day-2_21.html

[Day 3] 台中、清境、台南、高雄6天親子遊(清境+埔里18度C巧克力工房+造紙龍手創館+關子嶺溫泉+溫泉老街)

http://tungbama.blogspot.hk/2016/04/day-3-18c.html

[Day 4] 台中、清境、台南、高雄6天親子遊(關子嶺溫泉+水火同源+台南安平樹屋+安平古堡+必推介高雄親子飯店：秝芯旅館)

http://tungbama.blogspot.hk/2016/04/day-4.html

[Day 5]台中、清境、台南、高雄6天親子遊(秝芯旅館>義大遊樂世界>六合夜市>美麗島捷運站>瑞豐夜市)

http://tungbama.blogspot.hk/2016/05/day.html

[Day 6]台中、清境、台南、高雄6天親子遊(秝芯旅館>統一夢時代購物中心+摩天輪>高雄國際航空站>香港)

http://tungbama.blogspot.hk/2016/05/day-6.html