大阪奈良6日5夜親子之旅! GO !
3/8 酒店＞JR＞環球影城＞酒店＞閒逛心齋橋、固力果招牌 ＞ 晚餐：赤垣屋迴轉壽司
先睇睇環球影城的門票收費，如果要入哈利波特園區，正常要「門票+Express 5 / 7」咁買:
哈利波特地圖，在入口處記得一定要取!!
大PROJECT來了 - 去大阪環球影城!!! 講真，我想去哈利波特園區比較多。廢話少講，麻瓜們，係時候教大家點樣可以唔駛花錢買express、唔駛在影城內抽確認劵，不過..........
呢個方法只限純粹想入利波特園區影下相，
唔會玩任何機動遊戲的家庭
唔會玩任何機動遊戲的家庭
我地瞳瞳一家就符合啦，因為瞳瞳仲係細個，根本玩唔到express 5 / 7所包含的機動遊戲，但如果為左入哈利波特而買express 5 / 7，又唔划算，所以首先建議大家在居住地的旅行社，先買門票，其中香港的「縱橫遊」，佢既套票包括
 | |
| 大阪優惠三重賞(近鐵版) 近鐵電車1 日票 + USJ 門券 + 哈利波特確定入場券 | |
| JPS3KT1 | 成人價:738 小童$538 |
我格過幾間旅行社的價錢，無論價錢同個「餡」都幾岩我地呢D家庭用:
1. 環球影城門票(直接入場唔駛換飛)+
2. 哈利波特確定入場券+
3. 近鐵 1 day pass(可以用於大阪、奈良、京都之間往返的近鐵鐵路劵)
就係呢一張「哈利波特確定入場券」(A4紙咁既)，就可以進入哈利波特園區，不過縱橫遊就規定1340進入，唔可以更改時間，不過我覺得1340呢個時間幾靚，因為由起身、早餐、酒店出發去到環球影城，其實都差唔多時間。
昨日才抵大阪，給女兒多睡一會，早上瞳瞳爸爸負責買早餐回來，在酒店樓下的地方就好了，有一間熟悉的名字: 「麥當勞」XP ，快快的買個外賣回去。
日本「麥當勞」一D都唔平，三個餐成1500 YEN，不過佢亦唔失禮，特別係薯條，好脆好好味。
 |
| 大阪早晨 |
 |
| 準備好出發啦~ |
我地由酒店出發，經地下街到JR難波站，路程大約15分鐘，起初由南海電鐵站出發係唔會見到JR既指示牌，你要追「地下鐵千日前線」，到差唔多「千日前線」既售票大堂，你才會見到「JR難波」既指示牌，沿途地下街都幾多商舖，一D都唔會悶。
由
STEP 1「JR難波站」搭 大和路線 (王寺方向) 到 「JR今宮站」
STEP 2「JR今宮站」轉 大阪環状線 (西九条方向) 到「JR西九条站」
STEP 3「JR西九条站」轉ＪＲゆめ咲線 (桜島方向)到 「JR環球影城站」
一共轉兩次車，如果車夾車，約15分鐘左右到達。
STEP 1「JR難波站」搭 大和路線 (王寺方向) 到 「JR今宮站」
STEP 2「JR今宮站」轉 大阪環状線 (西九条方向) 到「JR西九条站」
STEP 3「JR西九条站」轉ＪＲゆめ咲線 (桜島方向)到 「JR環球影城站」
一共轉兩次車，如果車夾車，約15分鐘左右到達。
呢個時候瞳瞳爸爸介紹個網頁比大家：http://www.jorudan.co.jp/ 全日本所有鐵路都有資料，輸入出發地及目的地，佢就會自動搜尋最方便的路線(如車資最平、換線最少、步行最少等等)，連去邊一個月台轉車都有，好好用!!
 |
| 女性專用車廂，咁我點算? |
轉左幾次車之後，就到環球影城站(櫻島線)，行駛櫻島線的列車，部分會有環球影城全車身廣告，網上話會有哈利波特廣告列車，好遺憾唔見有，反而見到另一部卡通列車，有芝麻街、HELLO KITTY、SNOOPY等等卡通人物。
 |
| 車站門口已經有哈利波特海報歡迎大家 |
離開車站，會經過一個廣場，有精品店、食肆、衣服店等等，琳瑯滿目，但記住唔好停步，因為呢幾樣野唔係我地既目標，認清今日既目標!!! 目標係「環球影城」，而由車站去到環球影城正門足足要行10-15分鐘!!!
曬! 今日有成35度!!係完全曝曬，而呢個有就係成個影城唯一室外有蓋的地方，之後係完全暴曬!
 |
 |
| 勇往直前!! 完全唔記得左去影入口地標 XP |
曬! 之後就可以同卡通人物影相，不過要留意，佢唔似香港迪士尼咁排隊影相，好多時係咁啱卡通公仔「寵幸」你、你先至有得影(或者比較快有得影)，所以要有耐性啊!
曬!時間尚早(瞳瞳爸爸拎既係1340的哈利波特入場劵)，所以去左SNOOPY(地圖的「環球奇境」排隊玩。
不過好彩在旁邊有一間建築物，門面售賣精品，但內有乾坤，原來是一個室內的遊戲室，佈置成同漫畫內的主角小屋同學校，好多遊客都匿埋避暑，小朋友又玩得舒服一點!
 |
| 過冷河埸地... |
 |
| 呢個模擬捧球好好玩，因為職員好有心機同小朋友溝通，排得比較慢。 |
 |
| 瞳瞳揮捧一擊!!! 玩完會有貼紙送。 |
 |
| 小孩子溝通中 |
 |
| 攀攀爬爬，放電一流之選!! |
接下來，進入哈利波特活米村
雖然標示1340入場，問過工作人員，其實只要係1340-1440呢段時間內都可以入去，入口處會有工作人員檢查文件證明(持有EXPRESS 5 / 7 或 確定入場劵)，不可以早於1340，會被拒絕入場的!
 |
| 榮恩的飛天車 |
 |
| 霍格華茲特快列車 |
 |
| 活米村 |
 |
| 奶酒啤酒 |
 |
| 小秘訣: 奶酒啤酒可以付信用卡，先付款，後取飲料 |
 |
| 其實瞳瞳爸爸叫錯了，日本ICE係類似香港7-11的思樂冰，因為太熱，我係咪都ICE左先，不過「奶酒冰酒」又幾好飲。 |
 |
| 好滋味啊 |
 |
 |
| 霍格華茲城堡 |
 |
| 城堡入面主要係「哈利波特禁忌之旅」，是一個機動遊戲，但唔適合小小瞳瞳玩，所以我地都係「到此一遊」影張相就算。 |
 |
| 最後因為所有店舖都好擠擁，根本寸步難行，結果在活米村上的車仔檔買了一支哈利波特魔術棒同TOMICA 三層巴士仔。但大家要留意，VISA, JCB, MasterCard and AEON Card credit cards 信用卡及銀聯提款卡可於影城内使用，但呢一種既車仔檔只接受VISA同MasterCard。 |
完 全 投 降!! 行完哈利波特.......瞳瞳一家完全敗走!! 雖然瞳瞳爸爸媽媽有多年征戰酷熱下的迪士尼的「經驗」...但不過今次.........
1. 當日係8月3日，日本錄得高高溫攝氏35度!
2. 環球影城無咩可以比你遮蔭的地方，完全係陽光下暴曬!
3. 精品店可以「過冷河」?? 日本的冷氣溫度同香港唔一樣，精品店唔可以幫你迅速降溫，我完全拉到個涼既位置或者風口位。
4. 精品店面積極細，除了入口的幾間比較大之外，哈利波特的店舖如蜂蜜公爵夫人、魔法店等等，全部都要外面排隊先可以入舖，但入到店內，仍然水洩不通，因為人實在太多，更迫更熱。
5. 想要買飲料，還得要在暴曬下乖乖的排長龍，不論是自助汽水售賣機還是小食亭。
所以完全走不完整個樂園，要靠其他朋友接力了。
 |
| 補一補血先....我的「休足時間」。。。 |
最後結論: 天氣涼才適合去環球影城玩，夏天我一定不會推。
延伸閱讀：
[新手必看]Day1大阪奈良6日5夜親子之旅全攻略(4之1. 香港飛台北到大阪，相機失而復得，轉機其實好簡單!!)
[新手必看]Day1大阪奈良6日5夜親子之旅全攻略(4之2. 搭上外形極似鐵人28的南海電鐵Rapi:t直奔大阪市難波站)
[新手必看]Day1大阪奈良6日5夜親子之旅全攻略(4之3. 極盡地利、飽覽大阪市的swissotel NANKAI OSAKA 南海大阪瑞士酒店)
[新手必看]Day1大阪奈良6日5夜親子之旅全攻略(4之4. 日本第一餐:「燒肉力丸」放題)
[新手必看]Day2大阪奈良6日5夜親子之旅全攻略(2之1. 大阪環球影城:教你不用花一分錢買任何Express、不用園內撲入園劵，輕輕鬆鬆進入哈利波特的世界)
[新手必看]Day2大阪奈良6日5夜親子之旅全攻略(2之2. 大阪必到固力果招牌、網友激讚的平價抵食之選: 赤垣屋迴轉壽司)
[新手必看]Day3 大阪奈良6日5夜親子之旅全攻略(3之1. 嘆住冷氣和服體驗之大阪生活今昔館、日本最長商店街天神橋筋+天六食堂)
[新手必看]Day3 大阪奈良6日5夜親子之旅全攻略(3之2. 鹿的世界，瞳瞳爸爸講故事@東大寺 奈良公園+東大寺)
[新手必看]Day3 大阪奈良6日5夜親子之旅全攻略(3之3. 高島屋百貨簡介、晚餐: 難波地下街鰻魚飯、宵夜特集:燒賣、拉麵、章魚燒)
[新手必看]Day4 大阪奈良6日5夜親子之旅全攻略(2之1. DIY日清杯麵之旅、一風堂拉麵)
[新手必看]Day4 大阪奈良6日5夜親子之旅全攻略(2之2.梅田「大丸百貨TOMICA+SANRIO專門店」、觸得到的海洋世界「海遊館」、国産牛焼肉食べ放題)
[新手必看]Day5 大阪奈良6日5夜親子之旅全攻略(6/8 酒店＞漫遊道頓堀＞蟹道樂＞善導寺＞黑門市場＞日本藥品網頁介紹＞ 瞳瞳與屎屎人的趣事)
[新手必看]Day6 大阪奈良6日5夜親子之旅全攻略(7/8 中華航空大阪經台北返回香港+和颱風蘇迪羅鬥快+親子之旅小總結)
你好!你的說明非常詳盡,好正呀!
回覆刪除今次我地都係住南海瑞士酒店。想請教一下,由酒店去JR難波站,一路都係响地下街行,有無需要走出地面的呢?謝謝
ENOCH Mama 你好，我呢個方法就係一直係地下街行，完全唔駛行路面，舒服、唔曬，但時間用好多。行地面也行以，你可以跟google建議地面行，路線比較直接，快d去到，不過就要過幾條馬路，要小心行~ =)
刪除瞳瞳爸爸