2016年10月9日 星期日

【香港本地親子遊】【西貢滘西洲】扮個有錢人:西貢滘西洲高爾夫球場嘆世界攻略



一聽到打「高爾夫球場」、「俱樂部」幾個字,第一時間諗到係有錢人既玩意,對瞳瞳爸爸而言都非常「離地」,今次教大家唔駛有幾百萬身家,唔駛入俱樂部會藉,都可以好似我咁窮遊「高爾夫球場」,平平地享受一下「俱樂部」的設施。

「長洲」、「坪洲」、「南丫島」、「愉景灣」大家就可能去得多,佢地全部都係集中香港西南面近大嶼山一系列的小島。轉個方向,西貢東部有個外島叫「滘西洲」,有一個由政府批地,賽馬會營運,全港唯一公眾高爾夫球場:滘西洲賽馬會高爾夫球場
呢個就係我地今次去既目標啦!


滘西洲位置圖

其實呢個高爾夫球場除左打高爾夫球之外,仲提供飲食服務,不時都會推出優惠,例如「假日下午茶自助餐」「假日自助早餐」「特色半自助午餐」「合家歡假日自助午餐」「車仔麵套餐」「 “免費練習埸”晚飯套餐」「高爾夫同樂日團體套餐」等,唔一定要打波先可以嚟架~

我地由西貢出發,先到西貢巴士總站,行出去海邊佢有個專用碼頭,特別靚既,而且註明「往滘西洲賽馬會高爾夫球場」就係佢啦,因為係專用碼頭,唔怕上錯船,呢度一定係去滘西洲賽馬會高爾夫球場既!

佢既渡輪都好特別架,係香港唯一太陽能環保渡輪,以混合引擎發動,停泊及靠近碼頭時只會啟動電動馬達,外貌又夠哂cyber look,啱哂小朋友,特別愛交通工具的男孩們!



滘西洲賽馬會高爾夫球場的專用碼頭,唔會認錯啦!
香港唯一太陽能環保渡輪,係咪好型仔呢?

渡輪時間表,基本上約20分鐘一班

船到了,我地就排隊上船,不用擔心,船員唔會問你:「你去邊架?」「做d咩既咁既?」,上到船之後自己搵個位坐好就得,去程係唔需要船票!船內有空調,就好似我地坐船去澳門一樣,因為係環保渡輪,所以好寧靜好舒服,而且行既係西貢內海,架船好穩定唔會拋。

大約20分鐘左右既船程,我地就到達滘西洲。
架船好隱定好舒服!
船上面有擺放高爾夫球袋既位置,咁就唔怕阻礙同整到別人
都幾多人搭架,原來去打波既人都幾多

航程途中仲見到海蝕洞添~

經過大約20分鐘船程就到岸啦,咦,咁荒蕪既?係呀,我地未到架,到岸之後,我地要再轉小巴約5分鐘車程去行政大樓。放心,一d都唔辛苦,因為佢係「船駁車」,完全唔駛等,當日已經有兩部冷氣小巴在碼頭準備好等緊我地。佢亦係相信在滘西洲唯一既巴士路線:「滘西洲碼頭<->滘西洲(行政大樓)」,用長陣高背椅豐田coaster行,但因為要在門口位附近設置擺放「高爾夫球袋」位置(同渡輪一樣),於是由原來可載29人減少座位至23人。

到達滘西洲碼頭
大家一齊行去碼頭尾搭小巴,其實小巴已經standby等候
因為要擺放高爾夫球場袋,座位減至23人
兩架小巴同時到達,大家都可以坐得好輕鬆

在車上,我地就已經見到好靚既場地,只係5分鐘車程,就到達行政大樓,行政大樓係大家打golf時要check in既地方,一落車同樣被靚景吸引,又係拍照好地方。

呢度有不同的訓練班、場地、果嶺、球道等比大家去參加,符合返大家不同既年齡同程度,地下有一個售賣高爾夫球有關用品既專門店,佔地好大,原來連高爾夫球都有特別版可以買來送禮比人,大家不妨參觀睇下。打golf都有衣著規定,你著到好sporty又未必啱,真係唔講唔知。

有關課程可以參考:http://www.kscgolf.org.hk/chi/ic.html


小巴途經的一個場地
行政大樓



不過我地就係上去二樓的餐廳,去享用我地既「半自助午餐」,餐廳環境舒服,樓底好高,職員可能知我地第一次嚟,所以特別安排我地坐近窗口位,望到成個綠悠悠球場,連眼睛都relax埋!當日人唔算多,主要係嚟打golf既人,坐左一陣就遇上staff lunch time食飯,但因為間餐廳地方都幾大,唔會覺得好迫。

主食大概就5揀1,我地果日就揀左「蝦醬炒飯」、「西冷牛扒配飯」同「魚柳配意粉」(一下子忘記影餐牌),然後自助餐果PART有沙律、生果、中湯、西湯、麵包、冷盤火腿、滘西洲豆腐花、蛋糕、西餅、雀巢雪糕,咖啡。星期一至六,大人都只係$165,小童$135,仲要包埋船票,算係咁啦~

呢度係可以簽信用卡埋單,仲要記住問餐廳職員拎船票,因為回程會有職員在碼頭先收船票再上船(如果無船票,返西貢要$70定$80一位)

二樓係餐廳
餐廳門口
餐廳內部,地方大,唔算擠擁



















再三提提大家:記住埋單果陣問餐廳職員拎船票,因為回程會有職員在碼頭先收船票再上船(如果無船票,返西貢要$70定$80一位)

食飽飽,欣賞下美景,吹住一陣陣的自然涼風,又要同滘西洲講bye bye了!回程同樣係行政大樓等小巴,即係頭先落車既地方,然後小巴會送到你去碼頭,開車時間配合船期,如果渡輪未到,小巴司機唔會咁早落客,比我地係車上等候,直至渡輛差唔多埋岸。碼頭上會有職員先收船票,你先至可以落船再返西貢。










bye bye


有用資料: 

1. 滘西洲高爾夫球場



交通:西貢碼頭 專用渡輪 到滘西洲高爾夫球場
   

沒有留言:

張貼留言