今次我地帶大家到「牛池灣公園(水牛公園)」，佢係牛池灣山上近豐盛街，就係大型樓盤「峻弦」附近，如果由彩虹港鐵站搭綠色專線小巴16A/16B或16S，大約10分鐘車程就到。
 |
| 位於下平台的公園正門 |
牛池灣公園(水牛公園)昔日為牛池灣堆填區，七十年代已經停用，在三十年之後復修成為公園，2009年落成啟用。公園佔地約四公頃，依山而建，主要分為「上、中、下」三個平台，其實三個平台都有兒童遊樂場、洗手間，人唔多，非常乾淨企理！不過連接三個平台的通道都係樓梯，推BB車的家長就唔太方便了，可能要行返出外面馬路(斜路)去連接各平台。
今次我地由下而上，甫進入公園的下平台，就有展板介紹公園歷史背景，如何由垃圾堆填區變公園。
 |
| 介紹公園歷史背景，如何由垃圾堆填區變公園 |
 |
| 公園地圖 |
中平台就有出名水牛雕塑水池，亦都係呢度既特色，因為呢幾隻水牛而被街坊叫呢度做「水牛公園」，所以如果你問路，牛池灣公園未必有人知，但水牛公園就一家會知道。呢度仲有一條圍繞中平台的緩跑徑，橫過的時候要小心跑步的人。不過呢度的環境最開揚，舒舒服服找個位置野餐就好。
 |
| 水牛雕塑水池 |
 |
| 緩跑徑 |
 |
| 野餐真開心 |
上平台有個兒童遊樂場，啱哂比小朋友放電，旁邊仲有一塊草地供人野餐，雖然面積唔及但敦谷公園，但勝在人唔多，寧寧靜靜的，如果去佐敦谷公園去左好多次去到悶，不妨試下呢度。
公園其他設施有：
1個射箭場
1個籃球場
2條緩跑徑
1個太極園
3個長者健身角
3個兒童遊樂場
6個健身站
1個迷宮花園
1個水牛雕塑水池
1個設有15個泊車位 ( 包括2個暢通易達停車位和13個私家車車位 )的收費停車場
所有平台設有洗手間 (包括暢通易達洗手間 )及更衣室設於東平台
有用資料:
1. 牛池灣公園(水牛公園)
交通：
彩虹港鐵站A2出口，搭綠色專線小巴16A或16S
或是坪石公共運輸交匯處一樓平台16B
其他精選：
探索香港恐龍公園(坪石遊樂場)
沒有留言:
張貼留言