瞳遊樂 (八十後香港家庭的親子旅遊blog)

2016年7月17日星期日

【香港本地親子遊】今個夏日載譽歸來又一城「Disney Tsum Tsum Walk N’ Roll Festival」!（即日至8月16日）(活動已完結)

首先多謝又一城邀請我地試玩、仲有TVB既myTV super的贊助、仲有樂小姐...珍姐...........(下刪一千字)

在上年四月份左右，又一城就第一次同Disney合作，舉辦左第一個既Disney Tsum Tsum展覽，成為當時一眾爸爸媽媽要帶小朋友去朝聖既地方。

今年2016年既暑假，一眾Disney Tsum Tsum系列的公仔，再度係又一城開展覽啦！係咪好期待呢？特別係一眾迪士尼既Fans，更加不容錯過！

講返起黎，其實瞳瞳爸爸第一次接觸Disney Tsum Tsum系列，係本人鍾意既Tomica車仔，起初以為係遷就車仔的外型，所以做到圓圓地、好cute咁既樣，而且所有Tsum Tsum系列既tomica車仔係有一種特別能力：就係可以將車仔一架疊一架咁疊高，事前廠家已經預先在車頂位置留下暗槽，所以呢個系列的車仔都會好似「金字塔」式咁擺。唔知係咪因為咁可愛的外表而一炮而紅，今次去睇展覽就發覺Tsum Tsum系列已經發展出好多種產品，甚至有自己 Tsum Tsum既卡通片添！

多謝「又一城」的邀請

今次活動叫「Disney Tsum Tsum Walk N’ Roll Festival」，雖然話係展覽，但你絕對可以用一個「玩」既心態：例如有全球最高７米Disney Tsum Tsum大型鐘樓、 Disney Tsum Tsum銷售專區、Disney Tsum Tsum「街機」、場內設有貼紙相機、自製姓名貼紙機及銅幣製作機；Disney Tsum Tsum TOMICA with Friends展區及零售專區。佢地都分佈係又一城商場入面不同既角落（ＬＧ２、Ｇ、ＵＧ及Ｌ２共四層），就好似玩Check Point咁，難得今次我地有得優先去睇下，為大家先行探路，咁就即刻出發啦～～～～

攻略：由低層玩上去ＬＧ２＞Ｇ＞ＵＧ＞Ｌ２

「Disney Tsum Tsum Walk N’Roll Festival」四大動畫機動場景 (LG2層)

全球最高達7米的Disney Tsum Tsum大型鐘樓裝置，米奇更會每半小時為大家現場報時！

先嚟到ＬＧ２層，就見到以鐘樓Disney Tsum Tsum (Clockwork Tsums) 卡通動畫為主題的動畫場景，全球最高達7米的Disney Tsum Tsum大型鐘樓裝置，主角米奇更會於鐘樓驚喜現身，每半小時為大家現場報時！
另外三個「滾動」場景包括搖滾劇場 (Rock the Amphitheater) 、劍球狂熱 (Kendama Fever) 及壽司嘉年華 (Sushi Carnival)

在交響樂搖滾劇場(Rock the Amphitheater) 裡，放置了各式樂器裝置，巨型豎琴、大提琴、色彩繽紛的鼓及巨型琴鍵，一眾Disney Tsum Tsum卡通人物將大顯身手，為現場觀眾表演交響樂！

巨型琴鍵遇上閉眼小白

可愛的Disney Tsum Tsum 更一起把玩他們最喜愛的傳統日本玩具 – 劍球，尤如劍球狂熱 (Kendama Fever) 卡通動畫，呈現大家眼前。
最後，Disney Tsum Tsum卡通人物更以壽司嘉年華 (Sushi Carnival) 為主題跟大家見面，巨型迴轉壽司輸送帶緩緩轉動，為大家送上各款造型精美的Disney Tsum Tsum可愛壽司。

咁可愛嘅壽司，你又捨唔捨得食呢？

「Disney Tsum Tsum Walk N’ Roll Festival」銷售專區 (LG2層)

在「滾動」場景的旁邊，由即日起至8月16日期間特設銷售專區，屆時將獨家發售逾百款Disney Tsum Tsum限定商品潮物，當中包括文具用品、飾品、家居用品、旅行用品及服裝等；活動期間仲會不定期加入新商品，定必能滿足一眾Disney Tsum Tsum粉絲，大家密切留意！

我地仲發現左Elsa系列一改以往用粉藍色為主色系，利用Pink Pink作主色，不但減去Elsa的「冷」艷感，而且為夏天帶來充滿陽光、絢爛的味道，亦為公主迷、女皇迷帶來另一個選擇。

如果你是充滿創意又兼具個性的Disney 迷，這個產品絕對不容錯過，場內有獨家首推Disney Tsum Tsum DIY系列，讓粉絲們隨意拼湊專屬的Disney Tsum Tsum商品，頭尾可以分開，玩味及創意十足。

Disney Tsum Tsum拍照專區 (G層)

又一城於G層特設Disney Tsum Tsum拍照專區，以卡通動畫Hunny Popcorn為主題，三大主角米奇、小熊維尼及Elsa將坐上爆谷造型列車與大家見面，大家更可以進入爆谷列車跟Disney Tsum Tsum互動拍照。

爆谷造型列車

Elsa

小熊維尼

此外，同場更首次引入風靡日本全新的Disney Tsum Tsum「街機」，將手機遊戲進化成升級「街機」版，大家只需即場讚「Tsum Tsum Festival」及「Festival Walk 又一城」Facebook專頁並上載展覽相片，即可參加遊戲乙次。

(瞳遊樂提提你：又一城Fackbook https://www.facebook.com/FestivalWalk/?fref=ts)

其實玩法好簡單，就係將3個或以上相同公仔連埋就得！瞳瞳玩得幾好喎～

瞳瞳都好快上手

Disney Tsum Tsum TOMICA專區及銷售專區 (UG層)

Disney Tsum Tsum TOMICA with Friends系列以圓碌碌的Disney Tsum Tsum卡通人物造型化身有趣玩具車，推出至今亦同樣受大人及小朋友歡迎。今次係UG層特設Disney Tsum Tsum TOMICA專區，以奪目紅色吊橋設計，展示最新Disney Tsum Tsum TOMICA系列模型，大家更可於期間限定店選購最新系列商品，不妨數數自己屋企有邊幾架？

除左Disney Tsum Tsum TOMICA，旁邊仲有mytv SUPER攤位！

之前所講既「特別能力」：疊起佢～

Disney Tsum Tsum城鎮，你又睇下自己屋企有邊幾架？

貼紙機及銅幣製作機 (L2層)

而於L2層設有貼紙相機、自製姓名貼紙機及銅幣製作機，呢度就要收費啦：
貼紙相機、自製姓名貼紙機～$40/次
銅幣製作機～$20/次

L2層

可以當開學貼名紙用

Disney Tsum Tsum貼紙相款式

有用資料

「Disney Tsum Tsum Walk N’ Roll Festival ─ 又一城 │ myTV SUPER呈獻」展覽

網頁：http://www.festivalwalk.com.hk/tc/whats-hot/event.php?id=576

日期：即日起至8月16日

時間：1000-2200

地點：又一城

交通：港鐵九龍塘站

節目如有更改，恕不另行通知，並以有關單位公佈為準。

2016年7月15日星期五

【生活分享】台灣親子旅遊好書介紹：《晴天雨天都好玩，定點親子小旅行》

今日已經係七月中，暑假好快到，相信一眾父母們已經安排了很多暑期活動比小朋友去參加、去玩、去放電............，當中唔少人更加會離港旅行，順便「大人細佬一齊乘機抖下」（瞳瞳一家都係架）。近幾年機票價錢平左好多，特別係台灣，一來可能航空公司競爭大，二來路程較近，時間可以慳唔少。當然，嚟到呢個時候，機票、酒店相信都應該安排好哂，而家只係為安排行程而煩惱..........

特別在.....你的行程再唔係一人獨遊、二人同行，還得兼顧小孩、甚至長輩們，所以介紹大家以下的一本書，完全可以幫你解決所有煩惱。

西門町？淡水？士林？清境？日月澤？墾丁？台東的牧場？可能大家都覺得去過哂、慣哂、玩到無野可以再玩、又或者去過好多次台灣，已經好似無咩值得去既地方（你以為咋）..........，不如你又睇下呢本由台灣當地一眾親子玩家編纂的旅行書，入面的景點全部都係佢地親身去過、玩過、試過之後寫出來的第一身介紹，肯定不會令你「中伏」。

當地人推介的親子遊，絕對夠地道，一家大細的要求都滿足到，不容錯過！

瞳瞳爸爸係觀塘MEGA BOX＜大眾書局＞見到有呢本書賣：$150/本，如果未有idea去台灣有咩行程、又或者想親子遊都玩得特別過人，不妨參考下！(大家可以在灣仔會展舉行的香港書展之中再留意一下)

★粉絲熱情催促！睡天使醒惡魔2016最新力作！

★不踩地雷、想「再去一次」的超推親子行程大公開！

★爸媽別煩惱，每篇行程皆附路線圖〈Google Maps〉，出遊找路更輕鬆。

★網友一致公認最真實、最實在、最貼心、旅遊資料最完整

2016年7月6日星期三

【香港本地親子遊】【觀塘坪石】探索香港恐龍公園(坪石遊樂場)

夏天又到，天氣好熱，成日匿係屋企都唔係辦法，點都要出去玩下架～哈～　

好多恐龍蛋呀～

由港鐵彩虹站步行上去

再加上之前應承左瞳瞳吹泡泡，所以今次同外母係藍田飲完茶，順路到有恐龍公園之稱既坪石遊樂場。近年來康文署新建的公園都有唔同特色，而今次呢度就以「恐龍」做主題，例如恐龍滑梯、化石、骨頭、恐龍蛋等，不過地方比較「了能」，要由彩虹、彩雲邨或者彩德邨行過去，但相對人流亦比較少，自駕揸車卻有蓋停車場泊車（非常難得，因為公園多數露天場），反而仲方便。

公園仲有籃球場、七人足球場、網球場、緩跑徑等設施。